astr shastr


praacheen aaryaavart ke aaryapurush astr-shastr vidya mein nipun the. unhonne adhyaatm-gyaan ke saath-saath aatatiyon aur dushton ke daman ke liye sabhi astr-shastron ki bhi srushti ki thi. aaryon ki yeh shakti dharm-sthaapana mein sahaayak hoti thi. praacheen kaal mein jin astr-shastron ka upayog hota tha, unka varnan is prakaar hai-

  • astr use kehte hain, jise mantron ke dvaara doori se feinkate hain. ve agni, gas aur vidyut tatha yaantrik upaayon se chalte hain.
  • shastr khtaranaak hathiyaar hain, jinke prahaar se chot pahuainchati hai aur mrutyu hoti hai. ye hathiyaar adhik upayog kiye jaate hain.

vaidik kaal mein astrashastron ka vargeekaran is prakaar tha :

  • (1) amukta - ve shastr jo feinke naheen jaate the.
  • (2) mukta - ve shastr jo feinke jaate the. inke bhi do prakaar the-
  • paanimukta, arthaat haath se feinke jaanevaale aur
  • yantramukta, arthaat yantr dvaara feinke jaanevaale.
  • (3) muktaamukt - vah shastr jo feinkakar ya bina feinke donon prakaar se prayog kiye jaate the.
  • (4) muktasannivrutti - ve shastr jo feinkakar lautaae ja sakte the.

astron ke vibhaag

astron ko do vibhaagon mein baaainta gaya hai-

  • (1) ve aayudh jo mantron se chalaaye jaate hain- ye daivi hain. pratyek shastr par bhinn-bhinn Dave ya devi ka adhikaar hota hai aur mantr-tantr ke dvaara usaka sanchaalan hota hai. vastut: inhein divya tatha maantrik-astr kehte hain. in baanon ke kuchh roop is prakaar hain—
  • aagneya yeh visfotak baan hai. yeh jal ke samaan agni barasaakar sab kuchh bhasmeebhoot kar deta hai. iska pratikaar parjanya hai.
  • parjanya yeh visfotak baan hai. yeh jal ke samaan agni barasaakar sab kuchh bhasmeebhoot kar deta hai. iska pratikaar parjanya hai.
  • vaayavya is baan se bhayankar toofaan aata hai aur andhakaar chha jaata hai.
  • pannag isse sarp paida hote hain. iske pratikaar svaroop garud baan chhoda jaata hai.
  • garud is baan ke chalte hi garud utpann hote hai, jo sarpon ko kha jaate hain.
  • brahmaastr yeh achook vikraal astr hai. shatru ka naash karke chhodta hai. iska pratikaar doosare brahmaastr se hi ho sakta hai, anyatha naheen.
  • paashupat isse vishv naash ho jaata hain yeh baan mahaabhaaratakaal mein keval arjun ke paas tha.
  • vaishnava—aanaaraayanaastr yeh bhi paashupat ke samaan vikraal astr hai. is Narayan-astr ka koi pratikaar hi naheen hai. yeh baan chalaane par akhil vishv mein koi shakti iska mukaabala naheen kar sakti. iska keval ek hi pratikaar hai aur vah yeh hai ki shatru astr chhodkar namrataapoorvak apne ko arpit kar de. kaheen bhi ho, yeh baan vahaaain jaakar hi bhed karta hai. is baan ke saamane jhuk jaane par yeh apna prabhaav naheen karta. in daivi baanon ke atirikt brahmashira aur ekaagni aadi baan hai.
  • (2) ve shastr hain, jo yaantrik upaaya se feinke jaate hain; ye astranalika aadi hain. naana prakaar ke astr iske antargat aate hain. agni, gas, vidyut se bhi ye astr chhode jaate hain. in astron ke liye devi aur devataaon ki aavashyakta naheen padti. ye bhayakanr astr hain aur swayam hi agni, gas ya vidyut aadi se chalte hain.

neeche kuchh astr-shastron ka varnan kiya gaya hai, jinka praacheen sanskrut-granthon mein ullekh hai.

  • shakti yeh lanbaai mein gajabhar hoti hai, usaka heindal bada hota hai, usaka muainh Singh ke samaan hota hai aur usamein badi tej jeebh aur panje hote hain. usaka rang neela hota hai aur usamein chhoti-chhoti ghantiyaaain lagi hoti hain. yeh badi bhaari hoti hai aur donon haathon se feinki jaati hai.
  • tomar yeh lohe ka bana hota hai. yeh baan ki shakal mein hota hai aur ismein lohe ka muainh bana hota hai saaainp ki tarah iska roop hota hai. iska dhad lakdi ka hota hai. neeche ki taraf pankh lagaaye jaate hain, jisse vah aasaani se ud sake. yeh praaya: dedh gaj lamba hota hai. iska rang laal hota hai.
  • paash ye do prakaar ke hote hain, varunapaash aur saadhaaran paash; ispaat ke maheen taaron ko batakar ye banaaye jaate hain. ek sir trikonavat hota hai. neeche jaste ki goliyaaain lagi hoti hain. kaheen-kaheen iska doosra varnan bhi hai. vahaaain likha hai ki vah paaainch gaj ka hota hai aur san, rooi, ghaas ya chamade ke taar se banta hai. in taaron ko batakar ise banaate hain.
  • rishti yeh sarvasaadhaaran ka shastr hai, par yeh bahut praacheen hai. koi-koi use talavaar ka bhi roop bataate hain.
  • gada iska haath patala aur neeche ka hissa vajanadaar hota hai. iski lanbaai jameen se chhaati tak hoti hai. iska vajan bees man tak hota hai. ek-ek haath se do-do gadaaeain uthaayi jaati theen.
  • mudgar ise saadhaaranataya ek haath se uthaate hain. kaheen yeh bataaya hai ki vah hathaude ke samaan bhi hota hai.
  • chakr door se feinka jaata hai.
  • vajr kulish tatha ashaani-iske oopar ke teen bhaag tirchhe-tedhe bane hote hain. beech ka hissa patala hota hai. par haath bada vajanadaar hota hai.
  • trishool iske teen sir hote hain. iske do roop hote hai.
  • shool iska ek sir nukeela, tej hota hai. shareer mein bhed karte hi praan ud jaate hain.
  • asi talavaar ko kehte hain. yeh shastr kisi roop mein pichhle kaal tak upayog hota raha tha.
  • khadg balidaan ka shastr hai. durgaachandi ke saamane viraajamaan rahata hai.
  • chandrahaas tedhi talavaar ke samaan vakr krupaan hai.
  • farasa yeh kulhaada hai. par yeh yuddh ka aayudh hai. iski do shaklein hain.
  • mushal yeh gada ke sadrush hota hai, jo door se feinka jaata hai.
  • dhanush iska upayog baan chalaane ke liye hota hai.
  • baan saayak, shar aur teer aadi bhinn-bhinn naam hain ye baan bhinn-bhinn prakaar ke hote hain. humne oopar kai baanon ka varnan kiya hai. unke gun aur karm bhinn-bhinn hain.
  • parigh mein ek lohe ki mooth hai. doosare roop mein yeh lohe ki chhadi bhi hoti hai aur teesare roop ke sire par bajanadaar muainh bana hota hai.
  • bhindipaal lohe ka bana hota hai. ise haath se feinkate hain. iske bheetar se bhi baan feinkate hain.
  • naaraach ek prakaar ka baan hain.
  • parashu yeh chhure ke samaan hota hai. Bhagwan parashuraam ke paas aksar rahata tha. iske neeche lohe ka ek chaukor muainh laga hota hai. yeh do gaj lamba hota hai.
  • kunta iska oopari hissa hal ke samaan hota hai. iske beech ki lanbaai paaainch gaj ki hoti hai.
  • shanku barhi bhaala hai.
  • pattish ek prakaar ka talavaar hai jo ki lohe ki patali patatiyon wala hota hai.
  • iske siva vashi talavaar ya kulhaada ke roop mein hoti hai.

in astron ke atirikt bhushundi aadi anya anek astron ka varnan vibhinn granthon mein milta hai.[1]

sandarbh

  1. lagbhag 15 varsh pehle basti ke prajnyaaachakshu pan॰ shreedhanaraaj ji ke darshan hue the. unhonne batalaaya tha ki dhanurved, dhanush-chandrodaya aur dhanush-pradeep-teen praacheen granth yaad hai, inmein se do ki pratyek ki shlok-sankhya 60000 hai. anya granthon ke saath in granthon ki unhonne ek soochi bhi likhvaayi thi, jo sambhavat: banaaras ke distrikt aur session judge shreekrushnachandraji shreevaastav ke paas hai. ismein 'parmaanu' se shakti nirmaan ka bhi varnan hai. yeh vishay samvat 1995 mein prakaashit svargeeya pro॰ shreeraamadaasaji gaud ke 'hindutv' naamak granth mein bhi chhap chuka hai. isse pata chalta hai ki sanbhavat: praacheen kaal mein 'parmaanu' (aitam) se shastraadi-nirmaan ki kriya bhi bhaarateeyon ko gyaat thi.