ashvaghosh

ashvaghosh, bauddh mahakavi tatha daarshanik the. buddhacharitm inki prasiddh rachana hai. kushaananaresh kanishk ke samakaaleen mahaakavi ashvaghosh ka samay isavi pratham shataabdi ka ant aur dviteeya ka aarambh hai.

jeevan vrutt

unka janm saaket (ayodhya) mein hua tha. unki maata ka naam surnaakshi tha. cheeni parampara ke anusaar mahaaraaj kanishk paataliputr ke adhipti ko paraast kar vahaaain se ashvaghosh ko apni rajdhani purushapur (vartamaan peshaavar) le gaye the. kanishk dvaara bulaai gayi chaturth bauddh sangeeti ki adhyakshata ka gaurav ek parampara mahaasthavir paarshv ko aur doosari parampara mahaavaadi ashvaghosh ko pradaan karti hai. ye sarvaastivaadi bauddh aachaarya the jiska sanket sarvaastivaadi "vibhaasha" ki rachana mein praayojak hone se bhi hamein milta hai. ye prathamat: paramat ko paraast karanevaale "mahaavaadi" daarshanik the. iske atirikt saadhaaran janta ko bauddhadharm ke prati "kaavyopachaar" se aakrusht karanevaale mahaakavi the.

rachanaaeain

inke naam se prakhyaat anek granth hain, parantu praamaanik roop se ashvaghosh ki saahityik krutiyaaain keval chaar hain :

  • (1) buddhacharitm
  • (2) saundaraanandakaavyam
  • (3) gandeestotragaatha
  • (4) shaariputraprakaranam

sootraalankaarashaastram ke rachayita sambhavat: ye naheen hain.

cheeni tatha tibbati anuvaadon buddhacharit poore 28 sargon mein upalabdh hai, parantu mool sanskrut mein keval 14 sargon mein hi milta hai. ismein tathaagat ka jeevanacharit aur upadesh badi hi rochak vaidarbhi reeti mein naana chhandon mein nibddh kiya gaya hai. saundaraanand (18 sarg) siddhaarth ke bhraata nand ko uddaam kaam se hataakar sangh mein Dixit hone ka bhavya varnan karta hai. kaavyadrushti se buddhacharit ki apeksha yeh kaheen adhik snigdh tatha sundar hai. gandostotragaatha geetakaavya ki Sushma se mandit hai. shariputraprakaran adhoora hone par bhi mahaneeya roopak ka ramya pratinidhi hai. anek aalochak ashvaghosh ko kaalidaas ki kaavyakala ka prerak maanate hain.

baahari kadiyaaain