ashtapradhaan

maraatha shaasak shivaaji ke salaahakaar parishad ko asht pradhaan kaha jaata tha. shivaaji mahaaraaj jaati se rajput[1] the unke raajyaabhishek mein bhi kai samasyaaen aain. pratham peshava jo ki swayam braahaman tha, ne shivaaji ke kshatriya hone ka saarvajanik roop se virodh kiya. usane shivaaji se kaha unka raajyaabhishek ek kshatriya ke roop mein naheen varan shudr ke roop mein ho sakta he aur kuchh braahaman iske liye taiyaar he. braahamanon ne shivaaji ke dvaara kiye gaye jaane-anajaane paapon ki soochi banaai jisme bhoolavash yuddh ke dauraan govadh bhi shaamil tha iske aadhaar par dand nirdhaaran kiya gaya aur yeh dand un ko dena pada. is prakaar 11000 braahamanon ko parivaar sahit bhojya vastr aur anyasaamagri 4 maheene tak di gayi. unhonne ise apna apamaan samjha

shivaaji ke raaj tilk ke samay par unhein svarn mukut pahanaaya gaya aur bahumoolya ratnon aur svarn pushpon ki varsha ki gayi. braahmanon ko diye gaye upahaaron ke kaaran un logo ne apne virodh ko dabaaye rakha. shivaaji ka shuddhikran shudr se kshatriya, ganga bhatt naamak braahaman ne vaidik mantr sikha kar kiya. braahamanon ne kaha is samay sirf braahaman hi dvijaati he aur koi bhi kshatri jaati vaastavik naheen he apni samaaj ke is mantavya par ganaga bhatt apna aap kho bata aur usane ek anushtaan ko chhod diya. jise baad mein raayagadh mein kiya gaya. ganga bhatt ko ek lakh roopaya diya gaya. shivaaji tilk ko soorat mein angreji factory mukhya henari okseindeing ne apni aaainkhon se dekha. is doraan is baat ko bhi bataaya jaata he ki sivaaji ne apna hirnya garbh sanskaar karaaya tha jisse ve shuddh kshatrya ban jaaye.
itna shaktishaali yodha bhi jaativaad ka shikaar hokar kshatriytv ko praapt karne ko pralobhit kiya gaya. usane apna raajakosh sirf is kaarya ke liye khali kar diya aur sainik tayaari par kuchh bhi kharch naheen kiya [2]. antat: bahut sa dhan dekar asantusht braahamanon ko prasann kiya gaya. kul mila kar 460 lakh roopaya kharch hua. kintu Pune ke braahaman log abhi bhi santusht naheen hue aur shivaaji mahaaraj ko raaja maanane se inkaar kar diya. tab asht pradhaan mandal ki sthaapana ki gayi[3]. jisme saat sadasya braahman the[4].

iska vivran is prakaar hai -

  1. peshava - ye mantriyon ka pradhaan tha prashaasan mein raaja ke baad jiska sabse jyaada mahatva tha aur iski tulana pradhaanamantri se ki ja sakti hai.
  2. amaatya - amaatya vitt mantri tha. vah raajasv sambandhi muddon ke prati uttaradaayi tha. iski tulana mauryakaaleen raaja ashok ke mahaamaatya se ki ja sakti hai.
  3. mantri - raaja ke dainik kaaryon ka byaura rakhata tha. ise vakiyaanavees bhi kehte the.
  4. sachiv - raaja ke patra vyavahaar aur shaahi muhar jaise daftari kaam karta tha.
  5. sumant - videsh mantri.
  6. senaapati - sainik pradhaan .
  7. panditraav - daan ka adhyaksh.
  8. nyaayaadheesh - kaanooni maamalon ka nirnaayak.

shivaaji ke baad

shivaaji ke putr saanbhaaji, (shaasan 1680–89) ne is parishad ko vishesh mahattv naheen diya. kaalaantar mein parishad ke pad vanshaanugat hote chale gaye evam darbaar mein inki mahatta nyoonatam rah gayi. 1714 E ke aarambh mein shivaaji ke pautr chhatrapati shaahooji ne inki mahatta evam shaktiyon mein kaafi vruddhi ki aur iske saath hi kuchh hi samay mein maraatha raajya ka vaastavik niyantran unke parivaar tak hi seemit rah gaya. vanshaanugat pradhaanamantri parivaar ne peshava ki padavi banaaye rakhi. haalaanki shivaaji ke samay ashtapradhaan ko mile adhikaar na use fir mil paaye na hi yeh fir kabhi punarjaagrut ho paayi.

sandarbh

  1. http://hindi.ibtl.in/news/vande-matrubhoomi/2079/shivajis-coronation-ceremony-at-raigarh-6th-june-1674/
  2. sadaashivn, N. (01) (angreji mein) (Google pustakein). A social history of indiya. A.pi.H.pablishing. pa॰ 249. http://books.google.co.in/books?id=Be3PCvzf-BYC&pg=PA246&dq=coronation+sivaji++brahmins&hl=en&sa=X&ei=vfy6UP6KJ43OrQf284GoDQ&ved=0CC4Q6AEwAA#v=onepage&q=coronation%20sivaji%20%20brahmins&f=false.
  3. trishran, dau॰aavijya Kumar (hindi mein) (Google pustakein). chhatrapati shaahooji mahaaraaj - saamaajik lokatantr ke bheemastanbh. Delhi: Gautam book center, mudrak: shivaaji Art press, Delhi. pp. 32. aai॰aऍsa॰abee॰aऍna॰ 978-81-87733-90-4. http://books.google.co.in/books?id=Rkn2DhDI4iAC&pg=PT4&dq=%E0%A4%B5%E0%A4%B0%E0%A5%8D%E0%A4%A3+%E0%A4%9C%E0%A4%BE%E0%A4%A4%E0%A4%BF+%E0%A4%B5%E0%A5%8D%E0%A4%AF%E0%A4%B5%E0%A4%B8%E0%A5%8D%E0%A4%A5%E0%A4%BE&source=gbs_toc_r&cad=3#v=onepage&q=%E0%A4%B5%E0%A4%B0%E0%A5%8D%E0%A4%A3%20%E0%A4%9C%E0%A4%BE%E0%A4%A4%E0%A4%BF%20%E0%A4%B5%E0%A5%8D%E0%A4%AF%E0%A4%B5%E0%A4%B8%E0%A5%8D%E0%A4%A5%E0%A4%BE&f=false. abhigman tithi: 11 December 2012.
  4. narvaane, ving kamaandar (sevaanivrutt) M.S. (2006) (Google pustakein). baitals of the onarebal East indiya company - meking of the raaj. Delhi: A.pi.H.pablishing. pa॰ 24. aai॰aऍsa॰abee॰aऍna॰ 81-313-0034-X. http://books.google.co.in/books?id=bxsa3jtHoCEC&pg=PA24&dq=ashtapradhan+caste+brahmin&hl=en&sa=X&ei=OlOvUIfqAoHkrAerqYGgAQ&ved=0CC4Q6AEwAA#v=onepage&q=ashtapradhan%20caste%20brahmin&f=false.