ashtachhaap

ashtachhaap, mahaaprabhu shri vallabhaachaarya ji evam unke putr shri vitthalanaath ji dvaara sansthaapit 8 bhaktikaaleen kaviyon ka ek samooh tha, jinhonne apne vibhinn pad evam keertanon ke maadhyam se Bhagwan shri Krishna ki vibhinn leelaaon ka gunagaan kiya.[1] ashtachhaap ki sthaapana 1565 i0 mein hui thi.[2]

ashtachhaap kavi

ashtachhaap kaviyon ke antargat pushtimaargeeya aachaarya vallabh ke kaavya keertanakaar chaar pramukh shishya tatha unke putr vitthalanaath ke bhi chaar shishya the. aathon brajabhoomi ke nivaasi the aur shreenaathaji ke samaksh gaan rachakar gaaya karte the. unke geeton ke sangrah ko "ashtachhaap" kaha jaata hai, jiska shaabdik arth aath mudraayein hai. unhone brajabhaasha mein shreekrushn vishyak bhaktirsapoorn kavitaaeain racheen. unke baad sabhi Krishna bhakt kavi brajabhaasha mein hi kavita rachane lage. ashtachhaap ke kavi jo huye hain, ve is prakaar se hain:-

in kaviyon mein sooradaas pramukh the. apni nishchal bhakti ke kaaran ye log Bhagwan Krishna ke sakha bhi maane jaate the. param Bhagwat hone ke kaaran yeh log bhagavadeeya bhi kahe jaate the. yeh sab vibhinn varnon ke the. paramaanand kaanyakubj braahman the. krushnadaas shoodravarn ke the. kumbhanadaas rajput the, lekin kheti ka kaam karte the. sooradaasaji kisi ke mat se saarasvat braahman the aur kisi kisi ke mat se brahmabhatt the. govindadaas sanaadhya braahman the. aur chheet svaami maathur chaube the. nandadaasaji sanaadhya braahman the. ashtachhaap ke bhakton mein bahut hi udaarata paayi jaati hai. "chauraasi vaishnav ki vaarta" tatha "do sau vaishnvan ki vaarta" mein inka jeevanavrut vistaar se paaya jaata hai.[3]

sandarbh

  1. hindi saahitya ka doosra itihaas, dau॰ Bachchan Singh, raadhaakrushn prakaashan, Delhi, 2002, prushth- 128, ISBN: 81-7119-785-X
  2. hindi saahitya ka itihaas, sampaadak dau॰ nagendr, national pablishang house, nai Delhi, dviteeya sanskaran 1976 i0, prushth 217
  3. hindi saahitya ka itihaas, aachaarya raamachandr shukl, prakaashan sansthaan, nayi Delhi, 2005, prushth- 125-41, ISBN: 81-7714-083-3