ashokastambh

ashokastambh vaishaali me

ashok ke dhaarmik prachaar se kala ko bahut hi protsaahan mila. apne dharmalekhon ke ankan ke liye usane braahmi aur kharoshthi do lipiyon ka upayog kiya aur sampoorn desh mein vyaapak roop se lekhanakala ka prachaar hua. dhaarmik sthaapatya aur moortikla ka abhootaparvoo vikaas ashok ke samay mein hua. parampara ke anusaar usane teen varsh ke antargat 84,000 stoopon ka nirmaan karaaya. inmein se rishipttan (saaranaath) mein uske dvaara nirmit dharmaraajika stoop ka bhagnaavashesh ab bhi drashtavya hain.

isi prakaar usane aganit chaityon aur vihaaron ka nirmaan karaaya. ashok ne desh ke vibhnn bhaagon mein pramukh raajapathon aur maargon par dharmastanbh sthaapit kiye. apni moortikla ke kaaran ye stambh sabse adhik prasiddh hai. stanbhanirmaan ki kala pusht niyojan, sookshm anupaat, santulit kalpana, nishchit uddeshya ki safalta, saundaryashaastreeya uchchata tatha dhaarmik prateekatv ke liye ashok ke samay apni charam seema par pahuainch chuki thi. in stambhon ka upayog sthaapatyaatmak na hokar smaarakaatmak tha.

saaranaath ka stambh

saaranaath ka stambh dharmachakrapravartan ki ghatna ka smaarak tha aur dharmasangh ki akshunnata banaae rakhane ke liye iski sthaapana hui thi. yeh chunaar ke baluaa patthar ke lagbhag 45 foot lambe prastarakhand ka bana hua hai. dharati mein gade hue aadhaar ko chhodkar iska dand golaakaar hai, jo oopar ki or kramash: patala hota jaata hai. dand ke oopar iska kanth aur kanth ke oopar sheersh hai. kanth ke neeche pralanbit dalonvaala ulata kamal hai. golaakaar kanth chakr se chaar bhaagon mein vibhkt hai. unamein kramash: haathi, ghoda, bail tatha Singh ki sajeev pratikrutiyaaain ubhari hui hai. kanth ke oopar sheersh mein chaar sinhamoortiyaaain hain jo prushthat: ek doosari se judi hui hain. in chaaron ke beech mein ek chhota dand tha jo dharmachakr ko dhaaran karta tha. apne moortan aur paalish ki drushti yeh stambh adbhut hai. is samay stambh ka nichla bhaag apne mool sthaan mein hai. shesh sangrahaalaya mein rakha hai. dharmachakr ke keval kuchh hi tukade upalabdh hue. chakrarahit sinhasheersh hi aaj Bhaarat ganatantr ka raajyachihn hai. chakr vaidik rit se viksit dharm ki kalpana ka prateek hai, jo sampoorn aakash mein gatisheel rahata hai. usaka sinhanaad chaaron dishaaon mein chaaron Singh karte hain. kanth par ubhaare gatisheel chaaron pashu dharmapravartan ke prateek hain. pralanbit kamal Bhaarat ke daarshanik rahasyavaad ka aadhaar hai.

inhein bhi dekhein