apsara

apsara tilottama

apsara Dave lok mein nrutya sangeet karne waali sundariyaaain. inmein se pramukh hain urvashi, rambha, menaka aadi.

parichay

pratyek dharm ka yeh vishvaas hai ki svarg mein punyavaan logon ko divya sukh, samruddhi tatha bhogavilaas praapt hote hain aur inke saadhan mein anyatam hai apsara jo kaalpanik, parantu nitaant roopavati stri ke roop me chitrit ki gayi hain. yoonaani granthon me apsaraaon ko saamaanyat: 'nif' naam diya gaya hai. ye tarun, sundar, avivaahit, kamar tak vastr se aachhaadit aur haath me paani se bhare hua paatr liye stri ke roop me chitrit ki gayi hain jinka nagn roop dekhanevaale ko paagal bana daalata hai aur isliye nitaant anishtakaarak maana jaata hai. jal tatha sthal par nivaas ke kaaran inke do varg hote hain.

bhaaratavarsh me apsara aur gandharv ka sahacharya nitaant ghanishth hai. apni vyutpati ke anusaar hi apsara (apsu saratti gachhateeti apsara) jal mein rahanevaali maani jaati hai. atharv tatha yajurved ke anusaar ye paani mein rahati hain isliye kaheen-kaheen manushyon ko chhodkar nadiyon aur jal-taton par jaane ke liye unase kaha gaya hai. yeh inke bure prabhaav ki or sanket hai. shatapath braahman mein (11/5/1/4) ye taalaabon me pakshiyon ke roop mein tairanevaali chitrit ki gayi hain aur pichhle saahitya mein ye nishchit roop se jangali jalaashayon mein, nadiyon mein, samudra ke bheetar varun ke mahalon me bhi rahanevaali maani gayi hain. jal ke atirikt inka sambandh vrukshon se bhi haiain. atharvaved (4. 37. 4) ke anusaar ye ashvatth tatha nyagrodh vrukshon par rahati hain jahaaain ye jhoole mein jhoola karti hain aur inke madhur vaadyon (karkari) ki meethi dhvani suni jaati hai. ye naach-gaan tatha khelakood mein nirt hokar apna manovinod karti hain. rigved mein urvashi prasiddh apsara maani gayi hai (10/95).

puraanon ke anusaar tapasya me lage hue taapas muniyon ko samaadhi se hataane ke liye Indra apsara ko apna sukumaar, parantu mohak praharan banaate hain. Indra ki sabha mein apsaraaon ka nrutya aur gaayan satat aahlaad ka saadhan hai. ghrutaachi, ranbha, urvashi, tilottama, menaka, kunda aadi apsaraaeain apne saundarya aur prabhaav ke liye puraanon me kaafi prasiddh hain.

islaam mein bhi svarg mein inki sthiti maani jaati hai. faarasi ka 'hoori' shabd arabi 'havara' (krushnalochana kumaari) ke saath sambaddh batalaaya jaata hai.