antarraashtreeya yog diwas

antarraashtreeya yog diwas
{{{holiday_name}}}
Delhi mein 2015 mein antarraashtreeya yog diwas
aadhikaarik naam antarraashtreeya yog diwas
anya naam yog diwas, vishv yog diwas
manaane vaale vishvabhar mein
prakaar sanyukt raashtra
tithi 21 June
utsav yog, dhyaan, saamoohik mathann, vichaar-vimarsh, saanskrutik aayojan

antarraashtreeya yog diwas 21 June ko manaaya jaata hai. pehli baar yeh diwas 21 June 2015 ko manaaya gaya jiski pahal Bhaarat ke pradhaanamantri Narendra Modi ne 27 sitmbar 2014 ko sanyukt raashtra mahaasabha mein apne bhaashan se ki thi jismein unhonne kaha:

"yog Bhaarat ki praacheen parampara ka ek amoolya upahaar hai yeh dimaag aur shareer ki ekta ka prateek hain; manushya aur prakruti ke beech saamanjasya hai; vichaar, sanyam aur poorti pradaan karne wala hai tatha svaasthya aur bhalaai ke liye ek samagr drushtikon ko bhi pradaan karne wala hai. yeh vyaayaam ke baare mein naheen hai, lekin apne bheetar ekta ki bhaavana, duniya aur prakruti ki khoj ke vishay mein hai. hamaari badalti jeevan shaili mein yeh chetna banaakar, hamein jalavaayu parivartan se nipatne mein madad kar sakta hain. to aayein ek antarraashtreeya yog diwas ko god lene ki disha mein kaam karte hain."

jiske baad 21 June ko " antarraashtreeya yog diwas" ghoshit kiya gaya. 11 December 2014 ko sanyukt raashtra mein 193 sadasyon dvaara 21 June ko " antarraashtreeya yog diwas" ko manaane ke prastaav ko manjoori mili. pradhaanamantri Modi ke is prastaav ko 90 din ke andar poorn bahumat se paarit kiya gaya, jo sanyukt raashtra sangh mein kisi diwas prastaav ke liye sabse kam samay hai.[1]

anukram

utpatti

aupachaarik va anaupachaarik yog shikshakon aur utsaahi logon ke samooh ne 21 June ke alaava anya taareekhon par vishv yog diwas ko vibhinn kaaranon ke samarthan mein manaaya.[2] December 2011 mein, antarraashtreeya maanavataavaadi, dhyaan aur yog guroo shri shri ravishankar aur anya yog guruon ne purtagaali yog parisangh ke pratinidhi mandal ka samarthan kiya aur duniya ko ek saath yog diwas ke roop mein 21 June ko ghoshit karne ke liye sanyukt raashtra ko sujhaav diya.[3]

iske pashchaat 'yog: vishv shaanti ke liye ek vigyaan' naamak sammelan 4 se 5 December 2011 ke beech aayojit kiya gaya. yeh sanyukt roop se lisban, Portugal ke yog sangh, Art of living foundation aur SVYASA yog vishvavidyaalaya, Bengaluru ke dvaara aayojit kiya gaya. jagat guru amrat sooryanand ke anusaar vishv yog diwas ka vichaar vaise to 10 saal pehle aaya tha lekin, yeh pehli baar tha jab Bhaarat ki or se yog guru itni badi sankhya mein is vichaar ko samarthan de rahe the.[4][5][6] us din shri shri ravi shankar ke netrutv mein vishv yog diwas ke roop mein 21 June ko sanyukt raashtra aur yoonesko dvaara ghoshit karne ke liye hastaakshar kiye gaye.[7][8]

nimnalikhit sadasya us sammelan mein upasthit the: shri shri ravi shankar, sansthaapak, Art of living; adi chun chun giri math ke shri svaami baala gangaadharanaath; svaami parmaatmaanand, hindu dharm aachaarya sabha ke mahaasachiv; beekees ayangar, raamamani aayangar memoriyl yog sansthaan, Pune; svaami raamadev, patanjali yogapeeth, haridvaar; Dr naagendr, vivekaanand yog vishvavidyaalaya, bangaluroo; jagat guru amrat sooryaanand maha raaj, purtagaali yog parisangh ke adhyaksh; avadhoot guru dileepaji mahaaraaj, vishv yog samudaaya, subodh tivaari, kaivalyadhaam yog sansthaan ke adhyaksh; da di.aar Karthikeyan, kaanoon-maanav jimmedaariyon va corporate maamalon ke salaahakaar aur Dr ramesh bijlaani, shri arabindo aashram, nai Delhi.

sanyukt raashtra ki ghoshana

is pahal ko kai vaishvik netaaon se samarthan mila. sabse pehle, Nepal ke pradhaanamantri susheel Koirala ne pradhaanamantri Modi ke prastaav ka samarthan kiya.[9][10] sanyukt raajya America sahit 177 se adhik deshon, Canada, cheen aur misr adi ne iska samarthan kiya hai.[11][12] "abhi tak hue kisi bhi sanyukt raashtra mahaasabha ke sankalp ke liye yeh sah praayojakon ki sabse adhik sankhya hai."[13][14] 11 December 2014 ko 193 sadasyeeya sanyukt raashtra mahaasabha ne sarvasammati se 'yog ke antarraashtreeya diwas' ke roop mein 21 June ko manjoori de di gayi.

sanyukt raashtra ke ghoshana karne ke baad, shri shri ravishankar ne Narendra Modi ke prayaason ki saraahana karte hai kaha:

"kisi bhi darshan, dharm ya sanskruti ke liye raajya ke sanrakshan ke bina jeevit rahana bahut mushkil hai. yog lagbhag ek anaath ki tarah ab tak astitv mein tha. ab sanyukt raashtra dvaara aadhikaarik maanyata yog ke laabh ko vishvabhar mein failaaegi."

[15]

yog ke mahatva par bal dete hue shri shri ravi shankar ne kaha ki yog aap ko fir se ek bachche ki tarah bana deta hai, jahaaain yog aur vedaant hai vahaan, koi kami, ashuddhata, ajnyaaanata aur anyaaya naheen hai. hamein har kisi ke darvaaje tak yog ko le ja kar duniya ko dukhon se mukt karaane ki aavashyakta hai.

antarraashtreeya yog diwas ke liye khaas taiyaariyaan

Bhaarat mein pehle antarraashtreeya yog diwas ko manaane ke liye bhaajapa ke saath Baba raamadev ne bhi is aayojan ke liye khaas taiyaariyaan ki thi, vishv yog diwas ko yaadagaar banaane aur poore vishv ko yog ke prati jaagruk karne ke liye raamadev ne 35 minute ka vishesh package taiyaar kiya tha. [16] [17] 21 June ko antarraashtreeya yog diwas ke safal hone ke saath hi Bhaarat ne do vishv rikaard bhi kaayam kar liye hain. [18]

Bhaarat mein 21 June ko antarraashtreeya yog diwas bade paimaane par manaaya gaya jiski taiyaariyaan bade jor-shor se sarkaar kar rahi thi.[19] [20] yog diwas ka mukhya samaaroh Delhi ke raajapath par hua jismein khud pradhaanamantri Narendra Modi shirkat ki.[21] pradhaanamantri raajapath par lagbhag 36000 logon ke saath yog kiya.[22] antarraashtreeya yog diwas ke mauke par raajapath ke manch ko saajha karne ke liye pradhaanamantri ke saath kul chhah anya logon ko mauka mila pradhaanamantri kaaryaalaya ne chaar yog guru jismein yog guru Baba raamadev, savyaasa ke pramukh H aar naageindr, shreemati hansaaji jayadev Yogendra aur svaami aatmaapriynanda ko shaamil kiya gaya saath hi aayush mantri shreepad naaik aur aayush mantraalaya sachiv nilanjan saanyaal ke manch par baithane ko manjoori mili thi.[23] antarraashtreeya yog diwas samaaroh ka ganatantr diwas samaaroh jaisa coverage dooradarshan dvaara kiya gaya. iska seedha prasaaran kiya gaya, prasaaran antararaashtreeya maanak ka ho yeh sunishchit karne ke liye atyaadhunik upakaran ka istemaal kiya gaya.[24] pradhaanamantri Narendra Modi ne Congress adhyaksh Sonia Gandhi ke saath Rahul Gandhi aur Arvind Kejriwal ko bhi yog diwas ke liye nimantran bheja tha.[25] raajanaitik logon ke alaava yog guru Baba raamadev aur Bollywood ke mahaanaayak Amitabh Bachchan ko bhi nyota bheja gaya.[26] sanyukt raashtra mein bhi yog diwas manaane ke liye vyaapak taiyaari ki gayeen.[27] pehle antarraashtreeya yog diwas ke upalakshya mein videsh mantri Sushma Swaraj ne sanyukt raashtra mein aayojit samaaroh ki adhyakshata ki. times square se vaishvik darshakon ke liye iska prasaaran hua.[28] [29]

yog diwas samaaroh

Bhaarat ke chinaaval gaaainv mein ek school mein yog diwas samaaroh

bhaarateeya pradhaanamantri Narendra Modi aur ganamaanya logon sahit kareeb 36000 logon ne , 21 June 2015 ko nai Delhi mein pehle antarraashtreeya diwas ke liye 35 minute tak 21 yog aasan (yog mudraaon) ka pradarshan kiya. yog diwas duniya bhar mein laakhon logon dvaara manaaya gaya.[30]

raajapath par hue samaaroh ne do gineej rikaurds ki sthaapana ki: sabse badi yog class 35,985 logon ke saath aur chauraasi deshon ke logon dvaara is aayojan mein ek saath bhaag lene ka record bhi apne naam kiya. is record ko aayush mantri shreepad naaik ne swayam grahan kiya. [31][32]

vivaad

is diwas ka vivaadon mein apna hissa tha. sarkaar ne 'antarraashtreeya yog diwas' ke dauraan vivaad se bachane ke liye "soorya namaskaar" va "shlok" jap ki anivaaryata ko aadhikaarik yog kaaryakram se hata diya aur musalmaanon se is aayojan mein bhaag lene ki appeal ki. aayush mantri shreepad naaik ne musalmaanon se is kaaryakram ke dauraan shlok ke sthaan par Allah ke naam ko padh lene ka sujhaav diya.[33]

all India muslim parsanal law board ne soorya namaskaar ko dharm ke khilaaf bataate hue iska virodh kiya.[34]

muslim alpasankhyak aam taur par "hindu agenda" ke baare mein chintit the.[35]

gailari

sandarbh

  1. "Modi palat paaeainge yog ki kaaya ?". BBC hindi. 12 December 2014. http://www.bbc.co.uk/hindi/international/2014/12/141211_yoga_day_un_sdp. abhigman tithi: 12 January 2015.
  2. World Yoga Day 22 February to collect funds for human rights causes
  3. http://www.dnaindia.com/bangalore/report-there-is-world-toilet-day-but-no-world-yoga-day-sri-sri-ravi-shankar-1622019
  4. http://yogaworldsday.com/en/celebrations/2002-setubal
  5. http://yogaworldsday.com/en/great-yoga-masters-and-others-that-support-the-world-yoga-day-pag-1
  6. http://yogaworldsday.com/en/galeria/world-yoga-day-proclamation-solstice-21
  7. https://twitter.com/srisri/status/543775429325119489
  8. http://www.artofliving.org/striving-peaceful-world-through-yoga
  9. Gabbard to support International Yoga Day
  10. Impressed with Narendra Modi, Barack Obama expresses interest in yoga
  11. Modi's call for International Day of Yoga gains pace, 50 nations including China, US support PM's call
  12. 50 nations, including China and US, back Modi's call for International Yoga Day
  13. http://www.hindustantimes.com/india-news/first-ever-world-yoga-day-to-be-celebrated-in-192-countries/article1-1356740.aspx
  14. Map of supporting countries
  15. http://srisriravishankar.org/entry/un-declaration-june-21-world-yoga-day/
  16. http://www.bhaskar.com/news/c-85-989599-NOR.html
  17. http://aajtak.intoday.in/story/bjps-grand-planning-for-first-international-yoga-day-on-21-june-1-815329.html
  18. http://www.jagran.com/news/national-india-create-two-world-records-on-international-day-12507610.html
  19. http://www.patrika.com/news/miscellenous-india/modi-govt-wants-to-celebrate-yoga-diwas-full-all-readyness-1176575/
  20. http://naidunia.jagran.com/national-centre-will-organise-next-international-yoga-day-at-grand-level-670486
  21. http://aajtak.intoday.in/karyakram/video/india-360-programme-episode-on-17th-may-2015-1-812755.html
  22. http://zeenews.india.com/hindi/india/pm-narendra-modi-will-perform-yoga-on-rajpath-with-thousands-of-people/257799
  23. http://www.amarujala.com/feature/samachar/national/four-yoga-guru-will-share-stage-with-pm-modi-hindi-news/
  24. http://zeenews.india.com/hindi/india/dd-to-telecast-international-yoga-day-event/260547
  25. http://zeenews.india.com/hindi/india/modi-govt-invites-sonia-rahul-kejriwal-for-international-yoga-day-event/259445
  26. http://www.jagran.com/news/national-pm-invites-yog-guru-ramdev-and-big-b-for-international-yog-day-12453221.html
  27. http://zeenews.india.com/hindi/world/massive-preparations-underway-to-commemorate-yoga-day-at-un/260912
  28. http://zeenews.india.com/hindi/world/yoga-day-celebrations-at-un-to-be-broadcast-at-times-square/260051
  29. http://www.livehindustan.com/news/international/article1-External-Affairs-Minister-Sushma-Swaraj-International-Yoga-Day-commemorating-the-United-Nations-482731.html
  30. Massive turnout
  31. http://www.ndtv.com/cheat-sheet/sushma-swaraj-addresses-the-united-nations-in-new-york-on-international-yogaday-highlights-773899
  32. http://www.guinnessworldrecords.com/world-records/largest-yoga-class
  33. https://en.m.wikipedia.org/w/index.php?title=Special:ZeroRatedMobileAccess&from=International_Yoga_Day&to=http://www.dnaindia.com/india/report-international-yoga-day-muslims-can-take-allah-s-name-in-place-of-shlokas-says-minister-shripad-naik-2094627
  34. https://en.m.wikipedia.org/w/index.php?title=Special:ZeroRatedMobileAccess&from=International_Yoga_Day&to=http://www.dnaindia.com/india/report-international-yoga-day-muslims-can-take-allah-s-name-in-place-of-shlokas-says-minister-shripad-naik-2094627
  35. https://en.m.wikipedia.org/w/index.php?title=Special:ZeroRatedMobileAccess&from=International_Yoga_Day&to=http://www.bbc.com/news/blogs-trending-33222656

inhein bhi dekhein

baahari kadiyaaain