angad

angad raamaayan ka ek paatr, panchakanya mein se ek taara tatha kishkindha ke raaja baali ka putr aur sugreev ka bhateeja, raavan ki lanka ko dhvast karne waali Ram sena ka ek pramukh yoddha tha. baali ki mrutyu ke uparaant sugreev kishkindha ka raaja aur angad Yuvraj bana. taara tatha angad apne doot-karm ke kaaran bahut prasiddh hue. Ram ne use raavan ke paas doot banaakar bheja tha. vahaan ki raajasabha ka koi bhi yoddha unka pair tak naheen diga saka.

angad sambandhi praacheen aakhyaanon mein keval vaalmeeki raamaayan hi pramaan hai. yadyapi vaalmeeki ke angad mein hanumaan ke samaan bal, saahas, buddhi aur vivek hai. parantu unamein hanumaan jaisi hrudaya ki saralata aur pavitrata naheen hai.

seeta shodh mein vifal hone par jab vaanar praan dand ki sambhaavana se bhayabheet hokar vidroh karne par tatpar dikhaai padte hain tab angad bhi vichlit ho jaate hain. yadi ve antatogatva kartavya path par drudh rahate hain to iska kaaran hanumaan ke virodh ki aashanka hi hai.