andher nagari

andher nagari prasiddh hindi saahityakaar bhaarateindu harishchandr ka sarvaadhik lokapreeya naatak hai. 6ankon ke is naatak mein vivekaheen aur nirankush shaasan vyavastha par karaara vyangya karte hue use apne hi karmon dvaara nasht hote dikhaaya gaya hai. bhaarateindu ne iski rachana banaaras ke hindu national theatre ke liye ek heen din ki thi.

anukram

kathaanak

yeh naatak 6 ankon mein vibhkt hai. ismein ank ke bajaay drushya shabd ka prayog kiya gaya hai. pehle drushya mein mahant apne do chelon ke saath dikhaai padte hain jo apne shishyon govardhan das aur Narayan das ko paas ke shahar mein bhiksha maaaingane bhejate hain. ve govardhan das ko lobh ke bure parinaam ke prati sachet karte hain. doosare drushya mein shahar ke baajaar ka drushya hai jahaaain sabkuchh take ser bik raha hai. govardhan das baajaar ki yeh kafaiyat dekhkar aanandit hota hai aur saat paise mein dhaai ser mithaai lekar apne guru ke paas laut jaata hai. teesare drushya mein mahant ke paas donon shishya lautate hain. Narayan das kuchh naheen laata hai jabki gobardhan das dhaai ser mithaai lekar aata hai. mahant shahar mein guni aur avaguni ko ek hi bhaav milne ki khabar sunakar sachet ho jaate hain aur apne shishyon ko turant hi shahar chhodne ko kehte hain. ve kehte hain- "set set sab ek se, jahaaain Kapoor kapaas. aise desh kudes mein, kabahooain na keejai baas.." Narayan das unki baat maan leta hai jabki govardhan das saste svaadisht bhojan ke laalach mein vaheen rah jaane ka faisala karta hai. chauthe drushya mein andher nagari ke chaupat raaja ke darbaar aur nyaaya ka chitran hai. sharaab mein dooba raaja fariyaadi ke bakari dabane ki shikaayat par baniya se shuru hokar kaareegar, choonevaale, bhishti, kasaai aur gadriya se hote hue kotavaal tak ja pahunchata hai aur use faansi ki saja suna deta hai. paaainchavein drushya mein mithaai khaate aur prasann hote mote ho gaye govardhan das ko chaar sipaahi pakadkar faansi dene ke liye le jaate hain. ve use bataate hain ki bakari mari isliye nyaaya ki khaatir kisi ko to faaainsi par jaroor chadhaaya jaana chaahiye. jab dubale kotavaal ke gale se faansi ka fainda bada nikla to raaja ne kisi mote ko faaainsi dene ka hukm de diya. chhathe drushya mein shamashaan mein govardhan das ko faaainsi dene ki taiyaari poori ho gayi hai. tabhi uske guru mahant ji aakar uske kaan mein kuchh mantra dete hain. iske baad guru shishya donon faaainsi par chadhne ki utaavali dikhaate hain. raaja yeh sunakar ki is shubh saiyat mein faaainsi chadhne wala seedha baikunth jaaega swayam ko hi faaainsi par chadhaane ki aajnyaa deta hai. is tarah anyaayi aur moorkh raaja svat: hi nasht ho jaata hai.

paatr

  • mahant - ek saadhoo
  • govardhan das - mahant ka lobhi shishya
  • Narayan das- mahant ka doosra shishya
  • kabaabavaala kabaab vikreta
  • ghaaseeraam :chana bechne wala
  • narangeevaali - naarangi bechne waali
  • halavaai - mithaai bechne wala
  • kujadin - sabji bechne waali
  • mugal - meve aur fal bechne wala
  • paachakavaala - chooran vikreta
  • machhaleevaali - machhali bechne waali
  • jaatavaala - jaati bechne wala
  • baniya
  • raaja - chaupat raaja
  • mantri - chaupat raaja ka mantri
  • maali
  • do naukar, raaja ke do naukar
  • fariyaadi - raaja se nyaaya maaaingane wala
  • kalloo - baniya jiske deebaar se fariyaadi ki bakari mari
  • kaareegar - kallu baniya ki deebaar banaane wala
  • choonevaala - deevaar banaane ke liye masaala taiyaar karne wala
  • bhishti - deevaar banaane ke masaale mein paani daalne wala
  • kassaai - bhishti ke liye mashak banaane wala
  • gaderiya - - kasaai ko bheind bechne wala
  • kotavaal -
  • chaar sipaahi - raaja ke sipaahi

sandarbh

inhein bhi dekhein

baahari kadiyaaain