anaar

agar aap is naam ki aatishbaaji par jaankaari dhoondh rahe hain to anaar (aatishbaaji) ka lekh dekhiye
anaar

anaar (vaanaspatik naam-pyoonika grenetam)[1] ek fal hain, yeh laal rang ka hota hai. ismein saikadon laal rang ke chhote par raseele daane hote hain. anaar duniya ke garm pradeshon mein paaya jaata hai. svaasthya ki drushti se yeh ek mahattvapoorn fal hai. Bhaarat mein anaar ke ped adhiktar Maharashtra, Rajasthan, uttar pradesh, Haryana, Andhra pradesh, Karnataka, Tamil Nadu aur Gujarat mein paae jaate hain. sabse pehle anaar ke baare mein roman bhaashiyon ne pata lagaaya tha. rom ke nivaasi anaar ko jyaada beej wala seb kehte the. Bhaarat mein anaar ko kai naamon mein jaana jaata hai. baangla bhaasha mein anaar ko bedaana kehte hain, hindi mein anaar, sanskrut mein daadim aur tamil mein maadulai kaha jaata hai. anaar ke ped sundar va chhote aakaar ke hote hain. is ped par fal aane se pehle laal rang ka bada fool lagta hai, jo hari pattiyon ke saath bahut hi khoobsoorat dikhta hai. shodhakartaaon ka maanana hai ki yeh fal lagbhag 300 saal puraana hai. yahoodi dharm mein anaar ko jananakshamata ka soochak maana jaata hai, jabki Bhaarat mein anaar apne svaasthya sambndhi gun ke kaaran lokapriya hai.

aushadheeya gun

anaar mein prachur maatra mein laabhadaayak proteen, carbohydrate, faaibar, vitaamin aur khanij paae jaate hain. 100 gram anaar khaane par hamaare shareer ko lagbhag 65 kilo kailori oorja milti hai. anek ayurvedik davaaen banaane mein bhi anaar ka prayog kiya jaata hai. iske beejon se nikle tel ka prayog audyogik kshetr mein kiya jaata hai. anaar ke ped ki lakdi bahut majaboot hoti hai. aamtaur par iski lakdi ka prayog tahalate samay kaam mein laai jaane waali chhadi banaane mein kiya jaata hai.[2] is par kiye gaye adhyayanon se pata chalta hai ki anaar raktasanchaar waali beemaariyon se ladta hai, uchch raktachaap ko ghataata hai, soojan aur jalan mein raahat pahuainchaata hai, gathiya aur vaat rog ki sambhaavana ghataata aur jodon mein dard kam karta hai, Cancer ki rokathaam mein sahaayak banta hai, shareer ke budhaane ki gati dheemi karta hai aur mahilaaon mein maatrutv ki sambhaavana aur purushon mein punsatv badhaata hai. anaar ko tvacha ke Cancer, stan-Cancer, prostet granthi ke Cancer aur pet mein alsar ki sambhaavana ghataane ki drushti se bhi vishesh upayogi paaya gaya hai. Amreeki doctoron ki ek patrika ne haal hi mein likha ki anaar ka ras vruddhaavastha mein sathiya jaane ke alsahaaimar rog ki sambhaavana bhi ghataata hai.[3]

sandarbh