amrutasar

amrutasar
city
हरमंदिर साहिब का रात्रि दृश्य
haramandir saahib ka raatri drushya
samay mandal: IST (UTC+5:30)
desh Flag of India.svg Bhaarat
raajya Punjab
jila amrutasar
mahaapaur bakhshi Ram aroda[1]
vidhaayak anil Joshi, navajot Kaur siddhoo, Omprakash soni, raaj Kumar, indarabeer Singh
saaainsad captain amarindar Singh
janasankhya 3,695,077 (2007 tak )
kshetrafal
ooainchaai (AMSL)

• 218 meter (715 fee॰)

Erioll world.svgnirdeshaank: 31°a38′aN 74°a52′aE / 31.64°aN 74.86°aE / 31.64; 74.86 amrutasar (punjabi:ਅaaੰaaਮaa੍aaਰaaਿaaਤaaਸaaਰ) Bhaarat ke Punjab raajya ka ek shahar hai.[2] amrutasar Punjab ka sabse mahatvapoorn aur pavitra shahar maana jaata hai. pavitra isliye maana jaata hai kyonki sikkhon ka sabse bada guroodvaara svarn mandir amrutasar mein hi hai. Tajmahal ke baad sabse jyaada paryatak amrutasar ke svarn mandir ko hi dekhne aate hain. svarn mandir amrutasar ka dil maana jaata hai. yeh guroo raamadaas ka dera hua karta tha. amrutasar ka itihaas gauravamayi hai. yeh apni sanskruti aur ladaaiyon ke liye bahut prasiddh raha hai. amrutasar anek traasadiyon aur dardanaak ghatnaaon ka gavaah raha hai. bhaarateeya svatantrata sangraam ka sabse bada narasanhaar amrutasar ke jaliyaanvaala baag mein hi hua tha. iske baad Bhaarat Pakistan ke beech jo bantavaara hua us samay bhi amrutasar mein bada hatyaakaand hua. yaheen naheen Afghan aur mugal shaasakon ne iske oopar anek aakraman kiye aur isko barbaad kar diya. iske baavajood sikkhon ne apne drudh sankalp aur majaboot ichhaashakti se dobaara isko basaaya. haalaanki amrutasar mein samay ke saath kaafi badlaav aae hain lekin aaj bhi amrutasar ki garima barkaraar hai.

anukram

itihaas

Goldentemple (82).JPG

amrutasar lagbhag saadhe chaar sau varsh se astitv mein hai. sabse pehle guroo raamadaas ne 1577 mein 500 beegha mein guroodvaare ki neenv rakhi thi. yeh guroodvaara ek sarovar ke beech mein bana hua hai. yahaan ka bana tandoor bada lajeej hota hai. yahaan par sundar krupaan, aam paapad, aam ka aachaar aur sikkhon ki das gurooon ki khoobsoorat tasveerein milti hain.

amrutasar mein pehle jaisa aakarshan naheen raha. amrutasar ke paas uske gauravamayi itihaas ke alaava kuchh bhi naheen hai. amrutasar mein svarn mandir ke alaava dekhne laayak kuchh hai to vah hai amrutasar ka puraana shahar. iske chaaron taraf deevaar bani hui hai. ismein baarah pravesh dwaar hai. yeh baarah dwaar amrutasar ki kahaani bayaan karte hain. amrutasar darshan ke liye sabse achha saadhan saaikil riksha aur auto hain. isi prachaalan ko aage badhaane aur viraasat ko sainbhaalane ke uddesh se Punjab paryatan vibhaag ne faajilka ki ek gair sarkaari sanstha graduate welfare association faajilka se milkar, faajilka se shuroo hue ikofreindali riksha ne nae roop, "iko- cab" ko amrutasar mein bhi shuroo kar diya hai | ab amrutasar mein riksha ki savaari karte samay na keval paryatakon ki jaankaari ke liye iko- cab mein shahar ka paryatan maanachitr hai, balki peene ke liye paani ki botal, padhne ke liye akhbaar aur sunane ke liye eff emm radio jaise suvidhaaen bhi hai |

mukhya aakarshan

amrutasar ka svarn mandir

svarn mandir amrutasar ka sabse bada aakarshan hai. iska poora naam haramandir saahab hai lekin yeh svarn mandir ke naam se prasiddh hai. poora amrutasar shahar svarn mandir ke chaaron taraf basa hua hai. svarn mandir mein pratidin hajaaron paryatak aate hain. amrutasar ka naam vaasvat mein us taalaab ke naam par rakha gaya hai jiska nirmaan guroo raamadaas ne apne haathon se karaaya tha.

sikkh keval Bhagwan mein vishvaas karte. unke liye guroo hi sab kuchh hain. svarn mandir mein pravesh karne se pehle vah mandir ke saamane sar jhukaate hain, fir pair dhone ke baad seedhiyon se mukhya mandir tak jaate hain. seedhiyon ke saath-saath svarnamandir se judi hui saari ghatnaaen aur iska poora itihaas likha hua hai. svarn mandir bahut hi khoobsoorat hai. ismein roshani ki sundar vyavastha ki gayi hai. sikkhon ke liye svarn mandir bahut hi mahatvapurn hai. sikkhon ke alaava bhi bahut se shraddhaalu yahaan aate hain. unki svarn mandir aur sikkh dharm mein atoot aastha hai.

haramandir saahab parisar mein do bade aur kai chhote-chhote teerthasthal hain. ye saare teerthasthal jalaashaya ke chaaron taraf faile hue hain. is jalaashaya ko amrutasar aur amrut jheel ke naam se jaana jaata hai. poora svarn mandir safed pattharon se bana hua hai aur iski divaaron par sone ki pattiyon se nakkaashi ki gayi hai. haramandir saahab mein poore din guru baani ki svar lahariyaan gunjati rahati hain. mandir parisar mein patthar ka smaarak laga hua hai. yeh patthar jaanbaaj sikkh sainikon ko shraddhaajanli dene ke liye laga hua hai.

jaliyaanvaala baag

jaliyaanvaala baag smaarak

13 April 1919 ko is baag mein ek sabha ka aayojan kiya gaya tha. yeh sabha british sarkaar ke virooddh thi. is sabha ko beech mein hi rokane ke liye general daayar ne baag ke ekamaatr raaste ko apne sainikon ke saath gher liya aur bheed par andhaadhundh goli baari shuroo kar di. is goleebaari mein bachchon, budhon aur mahilaaon samet lagbhag 300 logon ki jaan gayi aur 1000 se jyaada ghaayal hue. yeh ghatna ko itihaas ki sabse dardanaak ghatnaaon mein se ek maana jaata hai.

jaliyaan wala baag hatyaakaand itna bhayankar tha ki us baag mein sthit kuaan shavon se poora bhar gaya tha. ab ise ek sundar park mein badal diya gaya hai aur ismein ek sangraahalaya ka nirmaan bhi kar diya gaya hai. iski dekhbhaal aur suraksha ki jimmedaari jaliyaanvaala baag trast ki hai. yahaan par sundar ped lagaae gaye hain aur baad banaai gayi hai. ismein do smaarak bhi banaae gaye hain. jismein ek smaarak roti hui moorti ka hai aur dusara smaarak amar jyoti hai. baag mein ghumane ka samay garmiyon mein subah 9 baje se shaam 6 baje tak aur sardiyon mein subah 10 baje se shaam 5 tak rakha gaya hai.

anya darshaneeya sthal

gurudvaare

amrutasar ki dakshin disha mein santokhasar saahab aur bibesar saahab guroodvaar hai. inmein se santokhasar guroodvaara svarn mandir se bhi bada hai. mahaaraaja ranajeet Singh ne raamabaag park mein ek samar pailes banavaaya tha. iski achhi dekharekh ki gayi jisse yeh aaj bhi sahi sthiti mein hain. is mahal ki baahari deevaaron par laal patthar lage hue hain. is mahal ko ab mahaaraaja ranajeet Singh sangraahalaya mein badal diya gaya hai. is sangraahalaya mein anek chitron aur furniture ko pradarshit kiya gaya hai. yeh ek park ke beech mein bana hua hai. is park ko bahut sundar banaaya gaya hai. is park ko Lahore ke shaaleemaar baag jaisa banaaya gaya hai. sangraahalaya mein ghoomane ka samay subah 10 baje se shaam 5 baje tak rakha gaya hai. yeh somvaar ko band rahata hai.

durgyaana mandir

praacheen hindu mandir haathi gate kshetr mein sthit hain. yahaan par durgeeyaana mandir hai. is mandir ko haramandir ki tarah banaaya gaya hai. is mandir ke jalaashaya ke madhya mein sone ki parat chadha garbh gruh bana hua hai. durgeeyaana mandir ke bilkul peechhe hanumaan mandir hai. dant kathaaon ke anusaar yahi vah sthaan hai jahaan hanumaan ashvamedh yagya ke ghode ko love-kush se vaapas lene aae the aur un donon ne hanumaan ko paraast kar diya tha.

kharauddeen masjid

yeh masjid Gandhi gate ke najadeek hall baajaar mein sthit hai. namaaj ke samay yahaan bahut bheed hoti hai. is samay iska poora praagann namaajiyon se bhara hota hai. uchit dekhbhaal ke kaaran bhaari bheed ke baavajood iski sundarata mein koi kami naheen I hai. yeh masjid islaami bhavan nirmaan kala ki jeeti jaagati tasveer pesh karti hai mukhya roop se iski deevaaron par likhi aayatein. yeh baat dhyaan dene yogya hai ki jaliyaanvaala baag sabha ke mukhya vakta Dr saifauddeen kichloo aur Dr satyapaal isi masjid se hi sabha ko sambodhit kar rahe the.

Baba atal rai stambh

yeh guru haragovindasinh ke nau varsheeya putr ka shahaadat sthal hai.


Ram teerth

yeh Bhagwan Ram ke putron love tatha kush ka janm sthal maana jaata hai.

aaspaas ke darshaneeya s‍aathal

baagha bordar

baagha bordar par har shaam Bhaarat ki seema suraksha bal aur Pakistan reinjars ki sainik tukadiyaan ikatthi hoti hai. vishesh maukon par mukhya roop se 14 August ke din jab Pakistan ka svatantrata diwas samaapt hota hai aur Bhaarat ke svatantrata diwas ki subah hoti hai us shaam vahaan par shaanti ke liye raatri jaagaran kiya jaata hai. us raat vahaan logon ko ek-dusare se milne ki anumati bhi di jaati hai. iske alaava vahaan par poore saal kantili taarein, surakshaakarmi aur mukhya dwaar ke alaava kuchh dikhaai naheen deta.

taran taaran

amrutasar se kareeb 22 kilometer door is sthaan par ek taalaab hai. aisi maanyata hai ki iske paani mein beemaariyon ko door karne ki taakat hai.

khaanapaan

amrutasar ke vyanjan poore vishv mein prasiddh hain. yahaan ka bana chikn, makke ki roti, sarason ka saag aur lassi bahut prasiddh hai. amrutasar Punjab mein sthit hai. khaane-peene ke shaukeen logon ke liye Punjab svarg maana jaata hai.

darbaar saahib ke darshan karne ke baad adhiktar shraddhaalu bheeje bhathur, raseeli jalebi aur anya vyanjanon ka aanand lene ke liye bharaavan ke dhaabe par jaate hain. yahaan ki special thaali bhi bahut prasiddh hai. iske alaava laareins road ki tikki, aaloo-poori aur aaloo paraanthe bahut prasiddh hain. amrutasar ke amrutasari kulche bahut prasiddh hai. amrutasari kulchon ke liye sabse behtar jagah makabool road ke dhaabe hain. yahaan keval do baje tak ki kulche milte hain. papadee chaat aur tikki ke liye brujavaasi ki dookaan prasiddh hai. yeh dookaan koopar road par sthit hai. laareins road par bi.bi.di.A.vi. garl‍aas college ke paas shahar ke sabse achhe aam paapad milte hain. shaakaahaari khaane ke saath-saath amrutasar apne maansaahaari vyanjanon ke liye bhi prasiddh hai. maasanhaari vyanjanon mein amrutasari machhi bahut prasiddh hai. is vyanjan ko chaalees saal pehle chimn laal ne taiyaar kiya tha. ab yeh vyanjan amrutasar ke maansaahaari vyanjanon ki pehchaan hai. laareins road par soorajeet chikn haaoos apne bhoone hue chikn ke liye aur katara sher Singh apni amrutasari machhi ke liye poore amrutasar mein prasiddh hai.

baajaar-haat

amrutasar ka baajaar kaafi achha hai. yahaan har tarah ke deshi aur videshi kapade milte hain. yeh baajaar kaafi kuchh laajapat nagar jaisa hai. amrutasar ke puraane shahar ke hall baajaar ke aas-paas ke kshetr mukhyat: kotavaali kshetr ke paas paramparaagat baajaar hain. in baajaaron ke alaava yahaan par anek katare bhi hain. yahaan par aabhooshanon se lekar rasoi tak ka sabhi saamaan milta hai. yeh apne achaaron aur paapadon ke liye bahut prasiddh hai. punjabi pahanaava bhi poore vishv mein bahut prasiddh hai. khaaskar ladkiyon mein punjabi soot ke prati bahut chaav rahata hai. sooton ke alaava yahaan par pagadee, salavaar-kameej, roomaal aur punjabi jootiyon ki bahut maang hain.

darbaar saahab ke baahar jo baajaar lagta hai. vahaan par steel ke uchch gunavatta vaale bartan aur krupaan milte hain. krupaan ko sikkhon mein bahut pavitra maana jaata hai. in sab ke alaava yahaan par sikkh dharm se judi kitaabein aur saahitya bhi prachur maatra mein milta hai.

sthiti

yeh Bhaarat ke bilkul pashchim chhor par sthit hai. yahaan se Pakistan keval 25 kimi. ki doori par sthit hai. raashtreeya raajamaarg 1 dvaara karanaal, ambaala, khanna,jalandhar aur ludhiyaana hote hue amrutasar pahuncha ja sakta hai.

doori: yeh Delhi se uttar poorv mein 447 kimi. ki doori par sthit hai.

amrutasar jaane ke liye sabse achha samay October se March hai

aavaagaman

Delhi se yaatra mein lagne wala samay: relamaarg aur sadak maarg se 9 ghante, vaayumaarg se 1 ghanta.

vaayu maarg

shri guru raamadaas ji antarraashtreeya vimaanakshetr amrutasar se kareeb 11 kilometer ki doori par raajaasaansi mein sthit hai, jise tay karne mein 15 minute ka samay lagta hai. yeh havaai adda Delhi se achhi tarah juda hua hai.

rel maarg

Delhi se shataabdi, va kai eksaprais aur mel trainon dvaara aasaani se amrutasar railway station pahuncha ja sakta hai.

sadak maarg

apni car se bhi grand trank road dvaara aasaani se amrutasar pahuncha ja sakta hai. beech mein vishraam karne ke liye raaste mein saagar ratna, lucky dhaaba aur haveli achhe rastaraan hai. yahaan par rookakar kuchh der aaraam kiya ja sakta hai aur khaane ka aanand bhi liya ja sakta hai. iske alaava Delhi ke Kashmiri gate bas adde se bhi amrutasar ke liye basein jaati hain.

raajaneeti

bakhshi Ram aroda is shahar ke mahaapaur hain. Congress ke captain amarindar Singh yahaaain se saaainsad hain. amrutasar shahar mein paaainch vidhaan sabha nirvaachanakshetr hain, tatha yahaaain ke vidhaayak hain-anil Joshi, navajot Kaur siddhoo, Omprakash soni, raaj Kumar, indarabeer Singh. amrutasar jile mein kul 11 vidhaan sabha nirvaachanakshetr aate hain.[3]

sandarbh