amoghavarsh nrupatung

pattadakal ka jain Narayan mandir amoghavarsh nrupatung ne nirmit karaaya tha.

amoghavarsh nrupatung ya amoghavarsh pratham (800 –- 878) Bhaarat ke raashtrakoot vansh ke mahaanatam shaashak the. ve jain dharm ke anuyaayi the. itihaasakaaron ne unki shaantipriyta evam udaaravaadi dhaarmik drushtikon ke liye unhein samraat ashok se tulana ki hai. unke shaasanakaal mein kai sanskrut evam kannad ke vidvaano ko prashraya mila jinmein mahaan ganitjnya mahaaveeraachaarya ka naam pramukh hai.

parichay

amoghavarsh raashtrakoot raaja jo s. 814 E. mein gaddi par baitha aur 64 saal raaj karne ke baad sambhavat: 878 in. mein mara. vah govind truteeya ka putr tha. uske kishor hone ke kaaran pita ne mrutyu ke samay karakaraaj ko shaasan ka kaarya sainbhaalane ko sahaayak niyukt kiya tha. kintu mantri aur saamant dheere-dheere vidrohi aur asahishnu hote gaye. saamraajya ka gangavaadi praant svatantr ho gaya aur veingi ke chaalukyaraaj vijyaaditya dviteeya ne aakraman kar amoghavarsh ko gaddi se utaar tak diya. parantu amoghavarsh bhi saahas chhodnevaala vyakti na tha aur karakaraaj ki sahaayata se usane raashtrakooton ka sinhaasan fir svaayatt kar liya. raashtrakooton ki shakti fir bhi lauti naheen aur unhein baar-baar chot khaani padi.

amoghavarsh ke sanjan taamrapatr ke abhilekh se samakaaleen bhaarateeya raajaneeti par paryaapt prakaash padta hai, yadyapi usamein swayam usaki vijyon ka varnan atiranjit hai. vaastav mein uske yuddh praaya: uske vipreet hi gaye the. amoghavarsh dhaarmik aur vidyaavyasani tha, mahaalakshmi ka param bhakt. jainaachaarya ke upadesh se usaki pravrutti jain ho gayi thi. 'kaviraajamaarg' aur 'prashnottaramaalika' ka vah rachayita maana jaata hai. usi ne maanyakhet rajdhani banaai thi. apne antim dinon mein raajakaarya mantriyon aur Yuvraj par chhod vah virkt rahane laga tha.

baahari kadiyaaain