ameriki dollar

ek ameriki dollar ka not

ameriki dollar sanyukt raajya America ki raashtreeya mudra hai. ek dollar mein sau seint hote hain. pachaas seint ke sikke ko aadha dollar kaha jaata hai. pachchees seint ke sikke ko quarter kehte hain. das seint ka sikka daaim kahalaata hai aur paaainch seint ke sikke ko nikail kehte hain. ek seint ko paini ke naam se pukaara jaata hai. dollar ke not 1,5,10,20,50 aur 100 dollar me milte hai.

ek ameriki dollar ka sikka

18 veen shataabdi ke dauraan Spain ke upaniveshon mein "speni dollar" naam ki mudra prachalan thi aur us dauraan ye mudra America mein bhi vitt aur vaanijya ki reedh thi. "speni dollar" ke kaaran hi baad mein America ki raashtreeya mudra ka naam dollar pada. san 1775 ki ameriki kraanti ke dauraan to "speni mudra" ke sikko ka mahattv aur badh gaya aur kraantikaariyon ki maang thi ki pratyek upanivesh ki apni adhikrut mudra ho jise kaunatineintal Congress ka bhi samarthan praapt ho. dollar shabd yadyapi ameriki kraanti ke 200 varsh poorv se angreji bhaasha mein kathaboli ke roop mein prachalan mein tha jiska sheksapiyr ke kai naatakon mein ullekh tha. terah upaniveshon mein "speni dollar" sanchalan mein tha, jo baad mein sanyukt raajya America bana. varjiniya mein bhi "speni dollar" ko kaanooni nivida ke roop mein maanyata praapt thi.

puraana ameriki dollar not

puraane ameriki dollar ke sikke

sanyukt raajya America ke praarambhik dinon mein, "dollar" vah sikka samjha jaata tha jise Spain dvaara dhaala gaya hai aur ise "speni mild dollar" bulaaya jaata tha. ye sikke us samay desh mein maanak mudra ke roop mein upayog mein the. 2 April 1792 ko, alekjeindar haimiltan, jo us samay raajakosh sachiv the, ne chaandi ki "speni mild dollar" ke sikkon mein (jo us samay prachalan mein the) vaigyaanik dhang se raashi nirdhaarit kar raashtreeya Congress ke saamane ek prativedan prastut kiya. is prativedan ke parinaamasvaroop, dollar paribhaashit kiya gaya jise maap ki ikaai maana gaya jiska moolya shuddh chaandi ke 371 annaagraamon ka 4/16 vaan bhaag ya maanak chaandi 416 annaagraamon ke baraabar tha.

dollar chinh ($) ke peechhe ka itihaas ye hai ki ameriki dollar ko darshaane ke liye angreji ke US yaani United states (United States) ko jod diya gaya jisse ameriki mudra ko chihnit kiya ja sake.

vinimay dar/prati $ - 64.0868 rupaye (samprati 15 June, 2015).^[1]

• dollar rupaya vinimay- kaise nishchit hota hai 1 dollar = kitne rupae (hindeevaarta)
• Yahoo faainens par $- ki vinimay dar.
• dollar ka prabhutv itihaas ki baat : hoo jintaao
• sone ke badhte moolya ka rahasya (bharat jhunajhunavaala)