amba vilaas mahal

Mysore mahal
raatri ujjvalan mein mahal
chitr:Mysore-Palace-different-lightings.png
bhinn bhinn prakaaron ki raatri ujjvalan

mahaaraaja pailes, raajamahal Mysore ke krushnaraaja vaadiyaar chaturth ka hai. yeh pailes baad mein banavaaya gaya. isse pehle ka raajamahal chandan ki lakadiyon se bana tha. ek durghatana mein is raajamahal ki bahut kshati hui jiske baad yeh doosra mahal banavaaya gaya. puraane mahal ko baad mein theek kiya gaya jahaaain ab sangrahaalaya hai. doosra mahal pehle se jyaada bada aur achha hai.

Mysore pailes david, poorvi aur roman sthaapatya kala ka adbhut sangam hai. nafaasat se ghise saleti pattharon se bana yeh mahal gulaabi rang ke pattharon ke gunbadon se saja hai.

mahal mein ek bada sa durg hai jiske gunbad sone ke pattaron se saje hain. ye sooraj ki roshani mein khoob jagamagaate hain. ab ham Mysore pailes ke gombe thotti - gudiya ghar - se gujarte hain. yahaan 19veen aur aaranbhik 20veen sadi ki gudiyon ka sangrah hai. ismein 84 kilo sone se saja lakdi ka haud bhi hai jise haathiyon par raaja ke baithane ke liye lagaaya jaata tha. ise ek tarah se ghode ki peeth par rakhi jaane waali kaathi bhi maana ja sakta hai.

sthaapatya

gombe thotti ke saamane saat topein rakhi hui hain. inhein har saal dashahara ke aarambh aur samaapan ke mauke par daaga jaata hai. mahal ke madhya mein pahunchane ke liye gajadvaar se hokar gujarana padta hai. vahaan kalyaan mandap arthaat vivaah mandap hai. usaki chhat rangeen sheeshe ki bani hai aur farsh par chamakadaar patthar ke tukade lage hain. kaha jaata hai ki farsh par lage pattharon ko England se mangaaya gaya tha.

doosare mahalon ki tarah yahaan bhi raajaaon ke liye deevaan-A-khaas aur aam logon ke liye deevaan-A-aam hai. yahaan bahut se kaksh hain jinmein chitr aur raajasi hathiyaar rakhe gaye hain. raajasi poshaakein, aabhooshan, tun (mahogani) ki lakdi ki baareek nakkaashi vaale bade-bade darvaaje aur chhaton mein lage jhaad-faanoos mahal ki shobha mein chaar chaand lagaate hain. dashahara mein 200 kilo shuddh sone ke bane raajasinhaasan ki pradarshani lagti hai. kuchh logon ka maanana hai ki yeh paandavon ke jamaane ka hai. mahal ki deevaaron par dashahara ke avsar par nikalne waali jhaankiyon ka sajeev chitran kiya gaya hai.

mahal mein sthit mandir

praveshadvaar se bheetar jaate hi mitti ke raaste par daahini or ek kaauntar hai jahaaain camera aur selafon jama karna hota hai. kaauntar ke paas hai sone ke kalash se saja mandir hai. doosare chhor par bhi aisa hi ek mandir hai jo door dhuaindhala sa nazar aata hai. donon chhoron par mandir hain, jo mitti ke raaste par hai aur vipreet disha mein hai mahal ka mukhya bhavan tatha beech mein hai udyaan.

andar ek vishaal kaksh hai, jiske kinaaron ke galiyaaron mein thodi-thodi doori par stambh hai. in stambhon aur chhat par baareek sunahari nakkaashi hai. deevaaron par kram se chitr lage hai. har chitr par vivran likha hai. krushnaraaja vaadiyaar parivaar ke chitr. raaja chaturth ke yajnyaopaveet sanskaar ke chitr. vibhinn avsaron par liye gaye chitr. raajatilk ke chitr. sena ke chitr. raaja dvaara janta ki friyaad sunate chitr. ek chitr par humne dekha prasiddh chitrakaar raaja ravi varma ka naam likha tha. lagbhag sabhi chitr ravi varma ne hi taiyaar kiye.


kaksh ke beechon-beech chhat naheen hai aur oopar tak gunbad hai jo rang-birange kaaainchon se bana hai. in rang-birange kaaainchon ka chunaav sooraj aur chaaaind ki roshani ko mahal mein theek se pahuainchaane ke liye kiya gaya tha. nichle vishaal kaksh dekhne se pehle tal tak seedhiyaaain itni chaudi ki ek saath bahut se log chadh sakein. pehla tal pooja ka sthaan laga. yahaaain sabhi devi-devataaon ke chitr lage the. saath hi mahaaraaja aur mahaaraani dvaara yagya aur pooja kiye jaane ke chitr lage the. beech ka gunbad yahaaain tak hai.

doosare tal par darbaar haaainl hai. beech ke bade se bhaag ko chaaron or se kai sunahare stambh ghere hain is ghere se baahar baaeain aur daaeain golaakaar sthaan hai. shaayad ek or mahaaraani aur darbaar ki anya mahilaaeain baitha karateen thi aur doosari or se shaayad janta ki friyaad suni jaati thi kyonki yahaaain se baahari maidaan nazar aa raha tha aur baahar jaane ke liye donon or se seedhiyaaain bhi hai jahaaain ab baad laga di gayi hai. isi tal par pichhle bhaag mein ek chhote se kaksh mein sone ke teen sinhaasan hai - mahaaraaja, mahaaraani aur Yuvraj keliye.

sajaavat

hafte ke antim dinon mein, chhuttiyon mein aur khaas taur par dashahara mein mahal ko roshani se is tarah sajaaya jaata hai, aankhein bhale hi chaundhiya jaaen lekin najarein unase hatna naheen chaahateen. bijli ke 97,000 balb mahal ko aise jagamaga dete hain jaise andheri raat mein taare aasmaan ko saja dete hain.

baahari kadiyaaain