amarood

amarood ka fal aur patte

amarood ( vaanaspatik naam : seediym gvaayava, prajaati seediym, jaati gvaayava, kul mitsi) ek fal dene wala vruksh hai. vaigyaaniko ka vichaar hai ki amarood ki utpati amareeka ke ushn katibandheeya bhaag tatha vest indeej se hui hai.

anukram

parichay

Bhaarat ki jalavaayu mein amarood itna ghul mil gaya hai ki iski kheti yahaaain atyant safalataapoorvak ki jaati hai. pata chalta hai ki 17veen shataabdi mein yeh bhaaratavarsh mein laaya gaya. adhik sahishn hone ke kaaran iski safal kheti anek prakaar ki mitti tatha jalavaayu mein ki ja sakti hai. jaade ki ritu me yeh itna adhik tatha sasta praapt hota hai ki log ise nirdhan janta ka ek pramukh fal kehte hain. yeh svaasthya ke liye atyant laabhadaayak fal hai. ismein vitaamin "si' adhik maatra mein paaya jaata hai. iske atirikt vitaamin "A' tatha "bi' bhi paae jaate hain. ismein loha, choona tatha faasforas achhi maatra mein hote hain. amarood ki jeli tatha barfi (cheej) banaai jaati hai. ise dibbon mein band karke surakshit bhi rakha ja sakta hai.

amarood ke liye garm tatha shushk jalavaayu sabse adhik upayukt hai. yeh garami tatha paala donon sahan kar sakta hai. keval chhote paudhe hi paale se prabhaavit hote hain. yeh har prakaar ki mitti mein upajaaya ja sakta hai, parantu balui domat iske liye aadarsh mitti hai. Bhaarat mein amarood ki prasiddh kismein ilaahaabaadi safeda, laal goodevaala, chitteedaar, karela, bedaana tatha amarood seb hain.

amarood ka prasaaran adhiktar beej dvaara kiya jaata hai, parantu achhi jaatiyon ke gunon ko surakshit rakhane ke liye aam ki bhaaainti bhetakalam (inaaching) dvaara nae paudhe teyaar karna sabse achhi reeti hain. beej March ya July mein bo dena chaahiye. vaanaspaatik prasaaran ke liye sabse utam samay July August hai. paudhe 20 foot ki doori par lagaae jaate hain. achhi upaj ke liye do sinchaai jaade mein tatha teen sinchaai garmi ke dinon mein karni chaahiye. gobar ki sadi hui khaad ya kanpost, 15 gaadi prati ekad dene se atyant laabh hota hai. svasth tatha sundar aakar ka ped praapt karne ke liye aarambh se hi daaliyon ki uchit chhaintaai (proonig) karni chaahiye. puraani daaliyon mein jo nai daaliyaaain niklati hain unheen par fool aur fal aate hain. varsha ritu mein amarood ke ped foolate hain aur jaade mein fal praapt hote hain. ek ped lagbhag 30 varsh tak bhali bhaaainti fal deta hai aur prati ped 500-600 fal praapt hote hain. keede tatha rog se vruksh ko saadhaaranaat: koi vishesh haani naheen hoti.

amarood mein chhipe hain kai adbhut gun

amarood meetha aur svaadisht fal hone ke saath-saath kai aushadheeya gunon se bhara hua hai. sardiyon mein amarood khaane ke faayde hi faayde hain. dant rogon ke liye amarood raamabaan saabit hota hai. amarood ke patton ko chabaane se daanton ke keeda aur daanton se sambandhit rog bhi door ho jaate hain. iske alaava bhi ye kai aushadheeya guno ke liye jaana jaata hai.[1] [2]

sandarbh

baahari kadiyaaain