amaranaath

amaranaath
{{{varnan}}}

naam: shri amaranaath ji ki pavitra gufa
nirmaata: Baba amaranaath / prakruti
nirmaan kaal :
devata: amaranaath (Shiv)
vaastukala: praakrutik
sthaan: amaranaath, Jammu evam Kashmir

amaranaath hinduo ka ek pramukh teerthasthal hai. yeh Kashmir raajya ke shreenagar shahar ke uttar-poorv mein 135 sahastrameetar door samudratal se 13,600 foot ki ooainchaai par sthit hai. is gufa ki lanbaai (bheetar ki or gaharaai) 19 meter aur chaudaai 16 meter hai. gufa 11 meter ooainchi hai.[1] amaranaath gufa Bhagwan Shiv ke pramukh dhaarmik sthalon mein se ek hai. amaranaath ko teerthon ka teerth kaha jaata hai kyon ki yaheen par Bhagwan Shiv ne maaain paarvati ko amaratv ka rahasya bataaya tha.[2]

yahaaain ki pramukh visheshata pavitra gufa mein barf se praakrutik shivling ka nirmit hona hai. praakrutik him se nirmit hone ke kaaran ise svayanbhoo himaani shivling bhi kehte hain. aashaadh poornima se shuroo hokar rakshaabandhan tak poore saavan maheene mein hone vaale pavitra himling darshan ke liye laakho log yahaan aate hai.[3] gufa ki paridhi lagbhag dedh sau foot hai aur ismein oopar se barf ke paani ki booaindein jagah-jagah tapakati rahati hain. yaheen par ek aisi jagah hai, jismein tapakane waali him booaindon se lagbhag das foot lamba shivling banta hai. chandrama ke ghatne-badhne ke saath-saath is barf ka aakaar bhi ghatata-badhta rahata hai. shraavan poornima ko yeh apne poore aakaar mein aa jaata hai aur amaavasya tak dheere-dheere chhota hota jaata hai. aashcharya ki baat yahi hai ki yeh shivling thos barf ka bana hota hai, jabki gufa mein aamtaur par kachchi barf hi hoti hai jo haath mein lete hi bhurabhura jaae. mool amaranaath shivling se kai foot door ganesh, bhairav aur paarvati ke vaise hi alag alag himkhand hain.

anukram

janashrutiyaaain

amaranaath gufa mein barf se bana prakrutik shivling
amaranaath gufa mein barf se bana prakrutik shivling

janashruti prachalit hai ki isi gufa mein maata paarvati ko Bhagwan Shiv ne amarakatha sunaai thi, jise sunakar sadyojaat shuk-shishu shukadev rishi ke roop mein amar ho gaye the. gufa mein aaj bhi shraddhaaluon ko kabootaron ka ek joda dikhaai de jaata hai, jinhein shraddhaalu amar pakshi bataate hain. ve bhi amarakatha sunakar amar hue hain. aisi maanyata bhi hai ki jin shraddhaaluon ko kabootaron ko joda dikhaai deta hai, unhein Shiv paarvati apne pratyaksh darshanon se nihaal karke us praani ko mukti pradaan karte hain. yeh bhi maana jaata hai ki Bhagwan Shiv ne adrdhaagini paarvati ko is gufa mein ek aisi katha sunaai thi, jismein amaranaath ki yaatra aur uske maarg mein aane vaale anek sthalon ka varnan tha. yeh katha kaalaantar mein amarakatha naam se vikhyaat hui.

kuchh vidvaanon ka mat hai ki Bhagwan shankar jab paarvati ko amar katha sunaane le ja rahe the, to unhonne chhote-chhote anant naagon ko anantanaag mein chhoda, maathe ke chandan ko chandanabaadi mein utaara, anya pissuon ko pissoo top par aur gale ke sheshanaag ko sheshanaag naamak sthal par chhoda tha. ye tamaam sthal ab bhi amaranaath yaatra mein aate hain. amaranaath gufa ka sabse pehle pata solahaveen shataabdi ke poorvaadh mein ek musalmaan gadariye ko chala tha.[4] aaj bhi chauthaai chadhaava us musalmaan gadariye ke vanshajon ko milta hai. aashcharya ki baat yeh hai ki amaranaath gufa ek naheen hai. amaraavati nadi ke path par aage badhte samay aur bhi kai chhoti-badi gufaaen dikhti hain. ve sabhi barf se dhaki hain.

amaranaath yaatra

amar naath yaatra par jaane ke bhi do raaste hain. ek pahalagaam hokar aur doosra sonamarg balataal se. yaani ki pahalamaan aur balataal tak kisi bhi savaari se pahuainchein, yahaaain se aage jaane ke liye apne pairon ka hi istemaal karna hoga. ashakt ya vruddhon ke liye savaariyon ka prabandh kiya ja sakta hai. pahalagaam se jaanevaale raaste ko saral aur suvidhaajanak samjha jaata hai. balataal se amaranaath gufa ki doori keval 14 kilometer hai aur yeh bahut hi durgam raasta hai aur suraksha ki drushti se bhi sandigdh hai. iseeliye sarkaar is maarg ko surakshit naheen maanati aur adhiktar yaatriyon ko pahalagaam ke raaste amaranaath jaane ke liye prerit karti hai. lekin romaanch aur jokhim lene ka shauk rakhane vaale log is maarg se yaatra karna pasand karte hain. is maarg se jaane vaale log apne jokhim par yaatra karte hai. raaste mein kisi anhoni ke liye Bhaarat sarkaar jimmedaari naheen leti hai.

pahalagaam se amaranaath

pahalagaam Jammu se 315 kilometer ki doori par hai. yeh vikhyaat paryatan sthal bhi hai aur yahaaain ka naisargik saundarya dekhte hi banta hai. pahalagaam tak jaane ke liye Jammu-Kashmir paryatan kendra se sarkaari bas upalabdh rahati hai. pahalagaam mein gair sarkaari sansthaaon ki or se langar ki vyavastha ki jaati hai. teerthayaatriyon ki paidal yaatra yaheen se aarambh hoti hai.

pahalagaam ke baad pehla padaav chandanabaadi hai, jo pahalagaam se aath kilometer ki doori par hai. pehli raat teerthayaatri yaheen bitaate hain. yahaaain raatri nivaas ke liye camp lagaae jaate hain. iske theek doosare din pissu ghaati ki chadhaai shuroo hoti hai. kaha jaata hai ki pissu ghaati par devataaon aur raakshason ke beech ghamaasaan ladaai hui jismein raakshason ki haar hui. liddar nadi ke kinaare-kinaare pehle charan ki yeh yaatra jyaada kathin naheen hai. chandanabaadi se aage isi nadi par barf ka yeh pul salaamat rahata hai.

chandanabaadi se 14 kilometer door sheshanaag mein agala padaav hai. yeh maarg khadi chadhaai wala aur khatarnaak hai. yaheen par pissoo ghaati ke darshan hote hain. amaranaath yaatra mein pissoo ghaati kaafi jokhim bhara sthal hai. pissoo ghaati samudratal se 11,120 foot ki ooainchaai par hai. yaatri sheshanaag pahuainch kar taajaadam hote hain. yahaaain parvatamaalaaon ke beech neele paani ki khoobsoorat jheel hai. is jheel mein jhaankakar yeh bhram ho uthata hai ki kaheen aasmaan to is jheel mein naheen utar aaya. yeh jheel kareeb dedh kilometer lambaai mein faili hai. kinvadantiyon ke mutaabik sheshanaag jheel mein sheshanaag ka vaas hai aur chaubees ghanton ke andar sheshanaag ek baar jheel ke baahar darshan dete hain, lekin yeh darshan khushanaseebon ko hi naseeb hote hain. teerthayaatri yahaaain raatri vishraam karte hain aur yaheen se teesare din ki yaatra shuroo karte hain.

sheshanaag se panchatarani aath meal ke faasale par hai. maarg mein baivavail top aur mahaagunaas darre ko paar karna padta hain, jinki samudratal se ooainchaai kramash: 13,500 foot va 14,500 foot hai. mahaagunaas choti se panchatarani tak ka saara raasta utaraai ka hai. yahaaain paanch chhoti-chhoti saritaaeain bahne ke kaaran hi is sthal ka naam panchatarani pada hai. yeh sthaan chaaron taraf se pahaadon ki oonchi-oonchi chotiyon se dhaka hai. ooainchaai ki vajah se thand bhi jyaada hoti hai. okseejan ki kami ki vajah se teerthayaatriyon ko yahaaain suraksha ke intajaam karne padte hain.

amaranaath ki gufa yahaaain se keval aath kilometer door rah jaati hain aur raaste mein barf hi barf jami rahati hai. isi din gufa ke najadeek pahuainch kar padaav daal raat bita sakte hain aur doosare din subah pooja archana kar panchatarani lauta ja sakta hai. kuchh yaatri shaam tak sheshanaag tak vaapas pahuainch jaate hain. yeh raasta kaafi kathin hai, lekin amaranaath ki pavitra gufa mein pahuainchate hi safar ki saari thakaan pal bhar mein chhoo-mantar ho jaati hai aur adbhut aatmik aanand ki anubhooti hoti hai.

balataal se amaranaath- Jammu se balataal ki doori 400 kilometer hai. Jammu se udhamapur ke raaste balataal ke liye Jammu Kashmir paryatak svaagat kendra ki basein aasaani se mil jaati hain. balataal camp se teerthayaatri ek din mein amaranaath gufa ki yaatra kar vaapas camp laut sakte hain.

sandarbh

baahyasootr