albeniyn bhaasha

albeniyaai bhaasha bhaarateeya Europeeya parivaar ki praacheen bhaasha hai. yeh apne praaya: maulik roop mein albeniyaai janta ki praacheen prathaaon ki bhaanti aaj bhi vidyamaan hai. iske bolanevaalon ki sankhya lagbhag das lakh hai. uttari aur dakshini do boliyon ke roop mein yeh prachalit hai. uttari boli ko "gvegui" kehte hain aur dakshini ko "tosk". inke sanjnyaa roopon mein kinchit bhed hai : gvegui mein svaron ke madhya ka "na" tosk mein "ra" ho jaata hai. in boliyon ka bhaarateeya Europeeya roop inke sarvanaamon tatha kriyaapadon mein aaj bhi surakshit hai. yatha : to (daaoo-angreji; too-hindi); na (vi-angreji, ham-hindi); joo (you-angreji, tum-hindi) tatha kriyaapadon mein roopavidhaan : dom (main kehta hooain); doti (vah kehta hai); domi (ham kehte hain); aur doni (ve kehte hain).

iski adhikaansh shabdaavali videshi shabdon se milkar bani hai, yadyapi bhaarateeya Europeeya parivaar ke anek maulik shabd ismein aaj bhi vidyamaan hain. praacheen greek bhaasha se bahut hi kam shabd ismein aae prateet hote hain, kintu madhyakaaleen tatha aadhunik greek se avashya kuchh shabd ghoom firkar (aur kabhi-kabhi vesh badalkar bhi) is bhaasha mein aa gaye hain. jaise "lipset" (yeh aavashyak hai) shabd sarbiyn bhaasha se albeniyaai mein aaya, kintu usase pehle Serbia ne ise greek se liya tha. slaav bhaashaaon se bhi anek shabd liye gaye hain. klaasiki yug mein praacheen greek ka prabhaav albeniya tak naheen pahuainch paaya, jabki laateeni prabhaav bahut pehle se hi vahaaain tak pahuainch chuka tha. albeniyaai ankaavali mein chaar ke liye "katre" tatha shat ke liye "kvid" shabd avashya hi laateeni bhaasha ke hain. jabki "pace" (paaainch) aur dahet (dash) mool bhaarateeya-Europeeya-parivaar ke hain. isi prakaar laateeni "ameekas" (doodh) albeniyaai mein "meek" rah gaya hai.

shaktishaali roman saamraajya ke prabhutvakaal mein albeniyaai naagrik shabdaavali par yathaanusaar prabal laateeni prabhaav bhi pada, kintu graameen janta ne apni bhaasha ko aaj tak sarvada "shuddh" rakha hai. iska uchchaaran aur vyaakaran aaj bhi apne maulik roop mein akshunn hai. yeh bhaasha jis parvateeya pradesh mein boli jaati hai, vah epeeras ke uttar mein, maanteeneegro ke dakshin mein aur adriyaatik saagar ke poorvasth hai. yeh kab aur kaise is kshetr mein I, yeh abhi tak anishchit hai. is bhaasha ke 15veen shataabdi ke hi upalabdh saahitya ko sabse praacheen kaha jaata hai, kintu anya adhikaansh praacheen saahitya 16veen aur 17veen shataabdi ka hi milta hai. aadhunik albeniyaai saahitya jis bhaasha mein likha gaya hai vah vartamaan bhaasha se bahut bhinn naheen hai aur vartamaan bhaasha praacheen boliyon ka hi praaya: aparivrtit roop hai.