al kaayada

yeh vishv ka ek pramukh aatankvaadi aur ugravaadi sangathan hain |

anukram

sthaapana

Al Qaeda ki sthaapana vartamaan samay ke sabse kukhyaat aatankavaadi Osama bin Laden ne ki. Osama bin Laden Saudi arab ki ek niji bildar company ke maalik ka beta tha. jiske kaaran usane behisaab daulat ka istemaal kiya. al kaayada ki sthaapana kathit islaami dhaarmik sanstha ke roop mein huyi thi, jise America par huye 11 sitmbar ke hamle ke baad aatankvaadi sanstha ghoshit kar diya gaya. Amreeki raashtrapati Barack Obama ke anusaar iske sansthaapak Osama bin Laden ko 2 May 2011 ko Amreeki sena ne Pakistan mein maar daala. iske baad se is sangathan ke netrutvakarta ke taur par Doctor ayaman al javaahiri ka naam saamane aaya.

jaurjataaun university mein professor aur aatankvaad ke jaankaar Bruce haufamen ka kehna hai ki Osama bin Laden apni maut ke liye varsh 1988 se taiyaar tha aur usane apne uttaraadhikaari ki yojana bana rakhi thi. haufamen ka kehna hai, 'javaahiri, Osama ka svaabhaavik uttaraadhikaari hai. savaal keval itna hai ki vah Osama ki jagah kaabij hokar aatankvaad ki muhim ko kitne prabhaavi tareeke se aage badha paata hai.'

ayamaan al javaahiri moolat: misr ka Doctor hai jiski umr ab 59 saal ke aaspaas hogi. haalaanki javaahiri khud beete ek dashak se America se chhipta raha hai. fir bhi Al Qaeda mein Osama ke baad javaahiri hi sabse jyaada jaana-pahachaana chehara aur aavaaj hai. Laden ka kareebi javaahiri video sandesh jaari karke America aur uske sahayogi deshon ko aksar dhamaki deta raha hai.

al kaayada ka ek aur neta America par aatankvaadi hamle ka maastaramaaind khaalid shekh saal 2006 se gvaantaanaamo be mein kaid hai.

vistaar

Al Qaeda ne sabse pehle aathavein dashak mein apni sthaapana ke baad chechenya mein rus ke khilaaf ladaai ladi aur uske baad duniya ke alag-alag hisson mein Al Qaeda ne aisi ladaaiyon mein bhaag lena shuru kiya, jiske baare mein usane aarop lagaaya ki vahaan musalmaanon par atyaachaar huye hain. baad mein Al Qaeda ne 9-11 ke hamle kiye aur amareeka ko usane dushman number van ghoshit kar diya. Pakistani patrakaar haamid meer se baatcheet mein iske sansthaapak Osama bin Laden ne ekaadhik baar maana ki amareeka poori duniya mein apne saamraajya ke vistaar ke liye hamle kar raha hai aur al kaayada iske khilaaf apni ladaai jaari rakhega.

pramukh aatankvaadi gatividhiyaaain

1992 mein al kaayada ne apna pehla nishaana yaman ke do hotelon ko banaaya. pahal hamla unhonein movenapik hotel ko aur doosra hamla goldamohar ke paarking kshetr ko banaaya. unhone dono hotelon mein bam visfot kiye

1993 mein al kaayada ne amereeka ke world trade sentar mein bam visfot kiya jismein 6 logon ki jaan gayi.

2001 mein al kaayada ne amareeka ke world trade sentar par do apaharan kiye gaye vimaano se hamla kar diya tatha pentaagan par ek tatha pensilveniya mein ek vimaan se hamla kar diya jisme 3000 logo ki jaan gayi. ye duniya ka sabse bada hamla maana jaata hai.

2005 mein al kaayada ne Spain ke medrid mein train mein bam visfot kar diya jismein 191 logon ki jaan gayi aur 1800 log jakhmi ho gaye. 2005 mein al kaayada ne London ki teen bhoomigat trainon mein teen bam visfot kiye tatha ek bam ek bas mein visfot kiya. is hamle mein 52 logon ki jaan gayi aur 700 log jakhmi ho gaye.

baahari kadiyaaain