afreeka ki praakrutik vanaspati evam vanya jeev

praakrutik parivesh mein jirraaf
savaana, ghaas ka maidaan
afreeka ka sher

praakrutik vanaspati jalavaayu ka anusaran karti hai. afreeka mein jalavaayu ki vibhinnata ke aadhaar par vibhinn prakaar ki praakrutik vanaspati paayi jaati hai. bhoomamadhya-rekheeya kshetr mein adhik garmi evam varsha ke kaaran ghane van paaye jaate hain. bade-bade vrukshon ke beech chhote vruksh, lataaeain tatha jhaadiyaaain paayi jaati hain. vruksh paas-paas ugate hain. vrukshon ki oopari tahaniyaan is prakaar fail jaati hain ki soorya ka prakaash bhoomi par naheen pahuainch paata aur andhakaar chhaaya rahata hai. varsh bhar varsha hone ke kaaran vruksh kisi khaash samay mein apni pattiyaaain naheen giraate, at: in vrukshon ko sadaabahaar vruksh kaha jaata hai. in vrukshon ki pattiyaaain chaudi hoti hain, at: in vanon ko chaudi patti vaale sadaabahaar van kaha jaata hai. in vanon ke pramukh vrukshon mein mahogani, rabad, taad, aabanoos, gataapaarcha, baans, sinkona aur rojaud hain. in vanon mein vibhinn prakaar ke bandar, haathi, dariyaai ghoda (hippo), chimpainji, gorilla, cheeta, bhainsa, saaainp, ajagar aadi jangali jaanavar paae jaate hain. yahaaain tiseetisi naamak makkhi pai jaati hai. maindril naamak vishaalakaaya bandar hote hain. yahaaain par okaapi naamak bhoore rang ka jeev paaya jaata hai jiske pair par safed dhaari paayi jaati hai. yeh ghode ki tarah dikhlaai padta hai, par yeh jiraaf jaati ka hota hai. nadiyon mein magar paaye jaate hain. yahaaain par chameekale rang ki vibhinn prakar ki chidiyaan paayi jaati hain. bhoomadhyarekheeya vanon ke donon or, jahaaain varsha kaafi kam hoti hai, ped naheen ug sakte. vahaaain mukhyat: lambi-lambi (2 se 4 meter ooainchi) ghaasein ugati hain. in ushn katibndheeya ghaas ke maidaanon ko savaana kehte hain. beech-beech mein kaheen-kaheen patton se rahit kuchh ped bhi paae jaate hain. yeh pradesh vibhinn prakaar ke ghaas khaane vaale pashuon ka ghar hai. in pashuon mein hiran, baarahasinga, jebra, jirraaf tatha haathi mukhya hain. jirraaf vishv ka sabse ooaincha jaanavar maana jaata hai. kuchh jantushaastriyon ka maanana hai ki jirraaf kabhi sote naheen hain. yahaaain kuchh hinsak pashu bhi rahate hain jo in ghaas khaane vaale pashuon ka shikaar karte hain. inmein sher, cheeta evam geedad mukhya hain. dakshini afreeka ke sher bahut lambe hote hain. cheeta vishv mein sabse tej dodne wala jaanavar hai. savaana ghaas ke maidaan ke donon or jahaaain ki jalavaayu atyant garm va shushk hai, vahaaain ushn marusthaleeya vanaspati pai jaati hai. yahaaain keval kainteeli jhaadiyaaain heen ugati hain. marudyaanon mein khajoor ke ped paae jaate hain. yahaaain ka mukhya pashu ooaint hai jise marusthal ka jahaaj kehte hain. yahaaain bade aakaar tatha ghode ke samaan tej daudne vaale shuturmurg naamak pakshi paae jaate hain. afreeka ke uttari evam dakshini-pashchimi tateeya kshetron par keval jaade mein hi varsha hoti hai fir bhi yahaaain chaudi patti vaale sadaabahaar vruksh paae jaate hain. kyonki yahaaain ke vruksh apne aapko vaataavaran ke anusaar badal lete hain. in vrukshon ki jade lambi, pattiyaaain chhoti tatha chhaalein moti hoti hain. in visheshataaon ke kaaran ye vruksh garmiyon mein bhi hare-bhare rahate hain. yahaaain jaitun, kaark, laarel evam ok ke vruksh paae jaate hain. yahaaain ki jalavaayu falon ki kheti ke liye kaafi upayukt hai. yahaaain neenboo, santara, angoor, sev, anjeer aadi ras vaale falon ki kheti ki jaati hai. yahaaain jangali pashuon ka abhaav hai. praay: paalatoo pashu hi paae jaate hain. afreeka ke dakshini-poorvi bhaagon mein bhi varsha ki kami ke kaaran shushk ghaas ke maidaan paae jaate hain. yahaaain par ugane waali ghaasein chhoti-chhoti mulaayam tatha guchhedaar hoti hain. in ghaas ke maidaanon ko veld kehte hain. ghaas ke in maidaanon mein vrukshon ka ekdam abhaav hota hai. is bhaag mein pashuchaaran ka kaarya kiya jaata hai. afreeka ke dakshini evam poorvi bhaagon mein, jahaaain adhik ooainchaai ke kaaran himpaat hota hai, nukeeli patti vaale sadaabahaar van paae jaate hain. medaagaaskar dweep par bobaab naamak ek vichitr vruksh paaya jaata haijo jameen ke neeche se nami kheenchakar apne andar jal ka sanchaya karta hai.