afreeka ki jal apavaah pranaali

afreeka ki adhikaansh nadeeyaaain madhya afreeka ke uchch pathaari bhaang se niklati hain yahaaain khoob varsha hoti hai. afreeka ke uchch pathaar is mahaadveep mein jal vibhaajak ka kaarya karte hain. neel, naaijar, jembeji, kaango, limpopo evam oranj is mahaadveep ki badi nadiyaaain hain. mahaadesh ke aadhe se adhik bhaag inheen nadiyon ke pravaah kshetr ke antargat hain. shesh ka adhikaansh aantarik pravaah-kshetr mein padta hai; jaise- chaad jheel ka kshetr, uttari sahaara-kshetr, kaalaahaari-kshetr ityaadi. pathaari bhaag se maidaani bhaag mein utarate samay ye nadiyaaain jalaprapaat evam drutavaah banaati hain at: inmein apaar sambhaavit jalashakti hai. sansaar ki sambhaavit jalashakti ka ek-tihaai bhaag afreeka mein hi kruta gaya hai. in nadiyon ke ullekhaneeya jalaprapaat Victoria (jaambeji mein), stainali (kaango mein) aur livingston (kaango mein) hain. neel naaijar, kaango aur jambeji ko chhodkar adhikaansh nadiyaaain naav chalaane yogya naheen hain.

bhoomadhyasaagareeya jal apavaah pranaali

yeh jal apavaah pranaali afreeka ke uttari bhaag mein vistrut hai. neel is kshetr ki pramukh nadi hai jo Africa ki sabse badi jheel Victoria se nikalkar vistrut sahaara marusthal ke poorvi bhaag ko paar karti hui uttar mein bhoomadhyasaagar mein utar padti hai. safed neel aur neeli neel do pramukh dhaaraaon se neel nadi nirmit hoti hai. safed aur neeli neel soodaan ke khaaratoom ke paas milti hai. iska srot varsha bahul bhoomadhyarekheeya kshetr hai, at: ismein jal ka abhaav naheen hota. is nadi ne soodaan aur mushr ki marubhoomi ko apne sheetal jal se seenchakar hara-bhara bana diya hai. iseeliye mishr ko neel nadi ka baradaan kaha jaata hai. neeleeneel, asabaas aur sobaat iski sahaayak nadeeyaan hain.

atalaantik mahaasaagareeya jal apavaah pranaali

atalaantik mahaasaagareeya jal apavaah pranaali

atalaantik mahaasaagar afreeka mahaadveep ke pashchimi bhaag mein sthit hai at: yeh jal apavaah pranaali mahaadveep ke pashchimi bhaag mein sthit hai. kaango, naaijar, seneegal, kinaane aur oreinj is apavaah pranaali ki pramukh nadeeyaan hain. kaango afreeka ki doosari sabse badi nadi hai. isejeere nadi bhi kaha jaata hai. yeh nadi taigaanik jheel se niklati hai. 4376 kilometer ki doori tay karne ke baad yeh atalaantik mahaasaagar mein girti hai. naaijar gini tat ki pahaadiyon se nikalkar 4100 kilometer ki yaatra karne ke baad atalaantik mahaasaagar mein apni yaatra samaapt karti hai. ismein paani ki kami rahati hai kyonki yeh shushk kshetr se niklati hai tatha shushk kshetr se hi bahti hai. iska pravaah maarg dhanushaakaar hai. naaijar afreeka ki teesari sabse badi nadi hai. oreinj drekinsavarg parvat se nikalkar pashchim ki or bahti hai. yeh garmeeyon mein sukh jaati hai.

hind mahaasaagareeya jal apavaah pranaali

yeh apavaah pranaali afreeka ke poorvi bhaag mein vistrut hai. is kshetr ki pramukh nadiyaaain hain- jaimbeji, joona, rubama, limpopo tatha shibeli. jaimbeji (2,655 kilometer) is kshetr ki sabse pramukh nadi hai. yeh dakshini afreeka ke madhya pathaari bhaag se nikalkar poorv ki or bahate hue hind mahaasaagar mein girti hai. jaimbeji afreeka ki chauthi sabse lambi nadi hai. is nadi par anek jal prapaat hain at: is nadi ka kuchh bhaag hi naukaagaman yogya hai. vishvaprasiddh Victoria jalaprapaat isi nadi par hai. limpopo nadi bhi dakshin afreeka mein pashchim se poorv bahti hui hind mahaasaagar mein girti hai. ise ghadiyaal nadi bhi kehte hain.

chaad jheel ke paas ka kshetr aantarik jal apavaah ka kshetr maana jaata hai kyonki is kshetr ki nadiyaaain jheelon mein girti hain. yeh kshetr sahaara ke marusthal mein sthit hone ke baad bhi shushk naheen hai.