abhyaaranya‍

abhyaaranya ka arth hai abhaya + aranya. arthaat abhaya ghoom sakein jaanavar, aisa aranya ya van. sarkaar athva kisi anya sanstha dvaara sanrakshit van, pashu-vihaar ya pakshi vihaar ko abhayaaranya kehte hain. inka uddeshya pashu, pakshi ya van sanpada ko sanrakshit karna, usaka vikaas karna va shiksha tatha anusandhaan ke kshetr mein usaki madad lena hota hai.

anukram

kuchh abhyaaranya

gir vanyajeev abhyaaranya

Gujarat mein vanya praaniyon se samruddh gir abhyaaranya lagbhag 1424 varg kilometer mein faila hua hai. is vanya abhyaaranya mein adhisankh‍aaya maatra mein pushp aur jeev-jantuon ki prajaatiyaan milti hai. yahaan stanadhaariyon ki 30 prajaatiyaan, sareesrup varg ki 20 prajaatiyaan aur keedon- makodon tatha pakshiyon ki bhi bahut si prajaatiyaan pai jaati hai. dakshini Africa ke alaava vish‍aav ka yahi aisa ekalauta sthaan hai jahaan sheron ko apne praakrutik aavaas mein rahate hue dekha ja sakta hai. jungle ke sher ke liye antim aashray ke roop mein gir ka jungle, Bhaarat ke mahattvapoorn vanya abhyaaranyon mein se ek hai. gir ke jungle ko san 1969 mein vanya jeev abhyaaranya banaaya gaya aur 6 varshon baad iska 140.4 varg kilometer mein vistaar karke ise raashtreeya udyaan ke roop mein sthaapit kar diya gaya. yeh abh‍aayaaran‍aaya ab lagbhag 258.71 varg kilometer tak vistrut ho chuka hai. vanya jeevon ko sarakshann pradaan karne ke prayaas se ab sheron ki sankhya badhakar 312 ho gayi hai.

gir vanyajeev abhyaaranya

sookhein pataad vaale vrukshon, kaantedaar jhaadiyon ke alaava hare-bhare pedon se samruddh gir ka jungle nadi ke kinaare basa hua hai. yahaan ke mukhya vrukshon mein saagavaan, sheesham, babool, ber, jaamun, beel aadi hai. varsh sankhya baagh:baaghin:shaavak Bhaarat ke sabse bade kad ka hiran, saanbhar, cheetal, neelagaaya, chinkaara aur baarahasinga bhi yahaan dekha ja sakta hai saath hi yahaan bhaaloo aur badi poonchh vaale langoor bhi bhaari maatra mein paae jaate hai. kuchh hi log jaante honge ki gir Bhaarat ka ek achha pakshi abhyaaranya bhi hai. yahaan falagi wala baaj, kathafodava, ereeol, jangali maina aur pairaadaaij falaaikechar bhi dekha ja sakta hai. saath hi yeh adholiya, vaaladera, ratanaghuna aur peepaliya aadi pakshiyon ko bhi dekhne ke liye upayukt sthaan hai. is jungle mein magaramachhon ke liye form ka vikaas kiya ja raha hai jo yahaan ke aakarshan ko or bhi badha dega. darshakon ke liye gir vanya abhyaaranya madhya October maheene se lekar madhya June tak khola jaata hai lekin monsoon ke mausam mein ise band kar diya jaata hai.

naagarahol abhyaaranya

Karnataka mein sthit naagarahol apne vanya jeev abhyaaranya ke liye vishv bhar mein prasiddh hai. yeh un kuchh jagahon mein se ek hai jahaan Asiaee haathi paae jaate hain. haathiyon ke bade-bade jhund yahaan dekhe ja sakte hain. monsoon se pehle ki baarish mein yahaan badi sankhya mein rangabirange pakshi dikhaai dete hain. us samay poora vaataavaran unki chahachahaat se goonj uthata hai. pashupremiyon ke liye yahaan dekhne aur jaanane ke liye bahut kuchh hai. ek jamaane mein yeh jagah Mysore ke raajaaon ke shikaar ka s‍aathal tha. lekin baad mein ise abhyaaranya bana diya gaya. ab yeh Rajiv Gandhi abhyaaranya ke naam se jaana jaata hai. yeh park dakkan ke pathaar ka hissa hai. jungle ke beech mein naagarahol nadi bahti hai, jo kabeeni nadi mein mil jaati hai. kabeeni nadi par bane baandh ke kaaran park ke dakshin mein ek jheel ban gayi hai jo is udyaan ko baandeepur tiger reserve se alag karti hai.

ise bhi dekhe