aayurvigyaan

aadhunik gahan chikitsa kaksh (ICU)

aayurvigyaan, vigyaan ki vah shaakha hai jiska sambandh maanav shareer ko nirog rakhane, rog ho jaane par rog se mukt karne athva usaka shaman karne tatha aayu badhaane se hai.

aayurvigyaan ka janm Bhaarat mein kai hajaar varsh E.poo. mein hua,^{[krupaya uddharan jodein]} parantu paashchaatya vidvaanon ka mat hai ki aayurvigyaan ka janm E.poo. chauthi shataabdi mein yoonaan mein hua aur lagbhag 600 varsh baad usaki mrutyu rom mein hui. iske lagbhag 1,500 varsh pashchaat vigyaan ke vikaas ke saath usaka punarjanm hua. yoonaani aayurved ka janmadaata hippokreteej tha jisne usako aadhidaivik rahasyavaad ke andhakoop se nikaalkar apne upayukt sthaan par sthaapit kiya. usane bataaya ki rog ki rokathaam tatha usase mukti dilaane mein devi devataaon ka haath naheen rahata. usane taantrik vishvaason aur vaisi chikitsa ka ant kar diya. uske pashchaat gat shataabdiyon mein samay-samay par anek anveshanakartaaon ne naveen khojein karke is vigyaan ko unnat kiya.

praarambh mein aayurvigyaan ka adhyayan jeevavijnyaaan ki ek shaakha ki bhaaainti kiya gaya aur shareer-rachana-vigyaan (anaitomi) tatha shareer-kriya-vigyaan (fijiolauji) ko iska aadhaar banaaya gaya. shareer mein honevaali kriyaaon ke gyaan se pata laga ki unka roop bahut kuchh raasaayanik hai aur ye ghatanaaeain raasaanik kriyaaon ke fal hain. jyon-jyon khojein huin tyon-tyon shareer ki ghatnaaon ka raasaayanik roop saamane aata gaya. is prakaar rasaayan vigyaan ka itna mahatva badha ki vah aayurvigyaan ki ek pruthak shaakha ban gaya, jiska naam jeevarasaayan (baayokemistri) rakha gaya. iske dvaara na keval shaareerik ghatnaaon ka roop spasht hua, varan rogon ki utpatti tatha unke pratirodh ki vidhiyaaain bhi nikal aain. saath hi bhautik vigyaan ne bhi shaareerik ghatnaaon ko bhali bhaaainti samajhne mein bahut sahaayata di. yeh gyaat hua ki anek ghatanaaeain bhautik niyamon ke anusaar hi hoti hain. ab jeevarasaayan ki bhaaainti jeevabhautiki (baayofijiks) bhi aayurvigyaan ka ek ang ban gayi hai aur usase bhi rogon ki utpatti ko samajhne mein tatha unka pratirodh karne mein bahut sahaayata mili hai. vigyaan ki anya shaakhaaon se bhi rogarodhan tatha chikitsa mein bahut sahaayata mili hai. aur in sabke sahayog se manushya ke kalyaan mein bahut pragati hui hai, jiske falasvaroop jeevanakaal badh gaya hai.

shareer, shaareerik ghatnaaon aur rog sambandhi aantarik kriyaaon ka sookshm gyaan praapt karne mein anek prakaar ki praayogik vidhiyon aur yantron se, jo samay-samay par bante rahe hain, bahut sahaayata mili hai. kintu is gahan adhyayan ka fal yeh hua ki aayurvigyaan anek shaakhaaon mein vibhkt ho gaya aur pratyek shaakha mein itni khoj hui hai, naveen upakaran bane hain tatha praayogik vidhiyaaain gyaat ki gayi hain ki koi bhi vidvaan ya vidyaarthi un sab se poornataya parichit naheen ho sakta. din--prati--din chikitsak ko prayogashaalaaon tatha yantron par nirbhar rahana pad raha hai aur yeh nirbharata uttarottar badh rahi hai.

pratyek shiksha ka dhyeya manushya ka maanasik vikaas hota hai, jisse usamein tark karke samajhne aur tadanusaar apne bhaavon ko prakat karne tatha kaaryaanvit karne ki shakti utpann ho jaaya. aayurvigyaan ki shiksha ka bhi yahi uddeshya hai. iske liye sab aayurvigyaan ke vidyaarthiyon mein vidyaarthi ko upasnaatak ke roop mein paaainch varsh bitaane padte hain. medical collegeon (aayurvigyaan vidyaalayon) mein vidyaarthiyon ko aadhaar vijnyaaanon ka adhyayan karke uchch maadhyamik shiksha praapt karne par bharati kiya jaata hai. tatpashchaat pratham do varsh vidyaarthi shareerarachana tatha shareerakriya naamak aadhaaravijnyaaanon ka adhyayan karta hai jisse usako shareer ki svaabhaavik dasha ka gyaan ho jaata hai. iske pashchaat teen varsh rogon ke kaaran in svaabhaavik dashaaon ki vikrutiyaaain ka gyaan paane tatha unki chikitsa ki reeti seekhane mein vyateet hote hain. rogon ko rokane ke upaaya tatha bheshajavaidhik ka bhi, jo is vigyaan ki neeti sambandhi shaakha hai, vah isi kaal mein adhyayan karta hai. in paaainch varshon ke adhyayan ke pashchaat vah snaatak banta hai. iske pashchaat vah ek varsh tak apni ruchi ke anusaar kisi vibhaag mein kaam karta hai aur us vishay ka kriyaatmak gyaan praapt karta hai. tatpashchaat vah snaatakottar shikshan mein diploma ya degree lene ke liye kisi vibhaag mein bharati ho sakta hai.

sab aayurvigyaan mahaavidyaalaya (medical college) kisi na kisi vishvavidyaalaya se sambandhit hote hain jo unki pareekshaaon tatha shikshanakram ka sanchaalan karta hai aur jiska uddeshya vigyaan ke vidyaarthiyon mein tark ki shakti utpann karna aur vigyaan ke nae rahasyon ka udghaatan karna hota hai. aayurvigyaan vidyaalayon (medical collegeon) ke pratyek shikshak tatha vidyaarthi ka bhi uddeshya yahi hona chaahiye ki use roganivaarak nai vastuon ki khoj karke is aartinaashak kala ki unnati karne ki cheshta karni chaahiye. itna hi naheen, shikshakon ka jeevanalakshya yeh bhi hona chaahiye ki vah aise anveshak utpann karein.

chikitsaapaddhati ka keindrastanbh vah saamaanya chikitsak (jenaral praiktishnar) hai jo janta ya parivaaron ke ghanishth sampark mein rahata hai tatha aavashyakta padne par unki sahaayata karta hai. vah apne rogiyon ka mitr tatha paraamarshadaata hota hai aur samay par unhein daarshanik saantvana dene ka prayatn karta hai. vah rog sambandhi saadhaaran samasyaaon se parichit hota hai tatha dooravarti sthaanon, gaaainvon ityaadi, mein jaakar rogiyon ki seva karta hai. yahaaain usako sahaayata ke ve sab upakaran naheen praapt hote jo usane shikshan kaal mein dekhe the aur jinka prayog usane seekha tha. bade nagaron mein ye bahut kuchh upalabdh ho jaate hain. aavashyakta padne par usako visheshagya se sahaayata leni padti hai ya rogi ko aspataal mein bhejana hota hai. aajkal is vigyaan ki kisi ek shaakha ka vishesh adhyayan karke kuchh chikitsak visheshagya ho jaate hain. is prakaar hrudayarog, maanasik rog, asthirog, baalarog aadi mein visheshagyon dvaara vishisht chikitsa upalabdh hai.

aajkal chikitsa ka vyaya bahut badh gaya hai. rog ke nidaan ke liye aavashyak pareekshaaeain, moolyavaan aushadhiyaaain, chikitsa ki vidhiyaaain aur upakaran iske mukhya kaaran hain. aadhunik aayurvigyaan ke kaaran janta ka jeevanakaal bhi badh gaya hai, parantu aushadhiyon par bahut vyaya hota hai. khed hai ki vartamaan aarthik dashaaon ke kaaran uchit upachaar saadhaaran manushya ki saamathrya ke baahar ho gaya hai.

chikitsaavijnyaaan ki shakti ab bahut badh gayi hai aur nirantar badhti ja rahi hai. aajkal garbhanirodh kiya ja sakta hai. garbh ka ant bhi ho sakta hai. peeda ka shaman, bahut kaal tak moorhaavastha mein rakhana, anek sankraamak rogon ki safal chikitsa, sahaj pravruttiyon ka daman aur vruddhi, aushadhiyon dvaara bhaavon ka parivartan, shalyakriya dvaara vyaktitv par prabhaav aadi sab sambhav ho gaye hain. manushya ka jeevanakaal adhik ho gaya hai. din--prati--din naveen aushadhiyaaain nikal rahi hain; rogon ka kaaran gyaat ho raha hai; unki chikitsa gyaat ki ja rahi hai.

sarkaar ke svaasthya sambandhi teen pramukh kaarya hain. pehle to janta mein rogon ko failane na dena; doosare, janta ki svaasthyavruddhi, jiske liye upayukt bhojan, shuddh jal, rahane ke liye upayukt sthaan tatha nagar ki svachhata aavashyak hai; teesare, rogagrast hone par chikitsa sambandhi upayukt aur uttam sahaayata upalabdh karna. in teenon uddeshyon ki poorti mein chikitsak ka bahut bada sthaan aur uttaradaayitv hai.

• shareerarachana vigyaan (enaataumi)
• shareerakriya vigyaan (fijiyolauji)
• bhroonavijnyaaan
• ootak vigyaan (Histology)
• pratirksha vigyaan (immunology / immunoloji)
• jaivarasaayan
• jaivabhautiki (biophysics)
• chikitsa jeevavijnyaaan

• saundarya chikitsa
• khelachikitsa
• beemaachikitsa
• naabhikeeya aayurvigyaan
• anrariksh aayurvigyaan
• sainyachikitsa
• paarivaarik aayurvigyaan
• paramparaagat tatha aparamparaagat chikitsaashaastr
• nyaayik chikitsaavijnyaaan
• ushnakatibdheeya chikitsaavijnyaaan, aadi

• chikitsa (Therapy)
• svaasthya vigyaan
• aayurved
• praakrutik chikitsa
• yog
• manorog vigyaan (Psychiatry)
• tantrikaavijnyaaan
• bheshaji (faarmesi)
• vaikalpik chikitsa
• dantachikitsa (deintristri)
• pashu chikitsa vigyaan (vetanari medisin)
• vikrutivijnyaaan (paitholauji)
• arbud vigyaan (Oncology)
• nishchetana vigyaan (Anaesthesiology)

aadhunik chikitsaashaastr (Google pustak; lekhak - dharmadatt vaidya)
rasatarangini ka hindi anuvaad (Google pustak; anuvaadak - kaasheenaath shaastri)
HELP - Bhaarat ki pehli online intaraiktiv svaasthya guide; hindi mein
helth tude - indiya - hindi mein svaasthyavishyak jaankaari evam samaachaar
aayurvigyaan ka vruhad paaribhaashik shabdasangrah (angreji-hindi) (Comprehensive Glossary of Medical Sciences (English-Hindi))
svasth-Bhaarat dot oaaraji
nirog -hindi mein svaasthya-jaankaari
Health Information Translations - hindi sahit anek bhaashaaon mein anekaanek rogon ki jaankaari
Health Information in Hindi (hindi) from national Library of medicine (NLM, USA)
Snap Server MONARCH - Multicultural Health Handouts in hindi
vruddhaavastha sambandhi nidaan - vruddhon ke liye takanaalauji samaadhaan portal
aayurved chikitsak
The Standford Multilingual Health Library (Hindi)
Skin- An Educational Program for Maternal & Child Health Information Sheets in Hindi
People's Charter for Health - Hindi version - People's Health Movement PHM
Walking the way to Health Initiative (Hindi) July 06 (pdf)
web duniya hindi chainel
UNAIDS - hindi
Gandhi Naturopathy
Hindi Diabetes Handouts (pdf)
maanasik svaasthya ke vishay me hindi me jaankaari
leaflets about health and safety at work in Hindi
Children First for Health - HINDI
10 Tips for Health (Hindi, pdf)
global helth reporting - TV, maleriya, echaaaivi/eds

eMedicine Physician contributed medical articles and CME

WebMD General comprehensive online health information

KMLE Medical Dictionary Medical dictionary and medical related links

chiraayu (aanalaain chikitsa maargadarshan evam chikitsa-samaachaar)

hindi svaasthya rakshak

bhaarateeya svaasthya nirdeshika

heel end helth (svaasthya sambandhi hindi website)

OnlyMyHealth (hindi mein svaasthya ka portal)

rogon ki saral chikitsa

Where There Is No Doctor - svaasthya swayam-sahaayata ka vishvakosh