aaryabhatt dviteeya

aaryabhatt (dviteeya) ganit aur jyotish donon vishyon ke achhe aachaarya the. inka banaaya hua mahaasiddhaant granth jyotish siddhaant ka achha granth hai.

jeevan kaal

inhonne bhi apna samay kaheen naheen likha hai. daaktar Singh aur datt ka mat hai (history ov hindu maithimaitiks, bhaag 2, prushth 89) ki ye 950 E. ke lagbhag the, jo shakakaal 872 hota hai. Dixit lagbhag 875 shak kehte hain. aaryabhatt dviteeya brahmagupt ke peechhe hue hai, kyonki brahmagupt ne aaryabhatt ki jin baaton ka khandan kiya hai ve aaryabhatteeya se milti hain, mahaasiddhaant se naheen. mahaasiddhaant se to prakat hota hai ki brahmagupt ne aaryabhatt ki jin-jin baaton ka khandan kiya hai ve ismein sudhaar di gayi hain. kuttak ki vidhi mein bhi aaryabhatt pratham, bhaaskar pratham tatha bahmagupt ki vidhiyon se kuchh unnati dikhaai padti hai. isliye ismein sandeh naheen ki aaryabhatt dviteeya brahmagupt ke baad hue hain.

yogadaan

brahmagupt aur lall ne ayanachalan ke sambandh mein kaai charcha naheen ki hai, parantu aaryabhatt dviteeya ne ispar bahut vichaar kiya hai. apne granth madhyamaadhyaaya ke shlok 11-12 mein inhonne ayanabindu ko ek grah maankar iske kalpabhagan ki sankhya 5,78,159 likhi hai jisse ayanabindu ki vaarshik gati 173 vikla hoti hai jo bahut hi ashuddh hai. spashtaadhikaar mein spasht ayanaansh jaanane ke liye jo reeti bataai gayi hai usase prakat hota hai ki inke anusaar ayanaansh 24 ansh se adhik naheen ho sakta aur ayan ki vaarshik gati bhi sada ek si naheen rahati. kabhi ghatate-ghatate shoonya ho jaati hai aur kabhi badhte-badhte 173 vikla ho jaati hai. isse siddh hota hai ki aaryabhatt dviteeya ka samay vah tha jab ayanagati ke sambandh mein hamaare siddhaanton ko koi nishchaya naheen hua tha. manjul ke laghumaanas mein ayanachalan ke sambandh mein spasht ullekh hai, jiske anusaar ek kalp mein ayanabhagan 1,99,669 hota hai, jo varsh mein 59.9 vikla hota hai. manjul ka samay 854 shak ya 932 isvi hai, isliye aaryabhatt ka samay isse bhi kuchh pehle hona chaahiye. isliye inka samay 800 shak ke lagbhag hona chaahiye.

baahari kadiyaaain