aara naagari prachaarini sabha

british hukoomat mein jab hindi ki upeksha ki ja rahi thi tab naagari lipi ke prachaar aur hindi saahitya ke vistaar ke liye utar Bhaarat mein do sthaanon par naagari prachaarini sabha ki sthaapana ki gayi. ek kaashi (uttar pradesh) aur doosra aara (Bihar) mein.

aara mein naagari prachaarini sabha ki sthaapana 12 October 1901 E. ko sv. pan॰ sakal Narayan sharma, jaya bahaadur, Ram Krishna Agrawal, Dave Kumar jain, jainendr kishor jain, rai saahab harshoo prasaad Singh aadi saahitya premiyon ke sahayog se hui. sabha kiraaye ke makaan mein 1928 tak raha. iske baad san 1928 mein sarkaar dvaara ramana maidaan ke uttar-poorv kone par bhoo-arjan ke baad do kamron ka nirmaan karaaya gaya. sabha dvaara 3 March 1950 E. ko raashtrapati dau॰ Rajendra prasaad ko abhinandan granth samarpit kiye jaane ke avsar par Bihar sarkaar ki or se 25 hajaar ki nakad raashi sabha ko upalabdh karaayi. is raashi se hi vartamaan bhavan ki neenv padi.

sabha dvaara 'navaras', 'aara puraatatv', 'sikh-guruon ka itihaas', 'maithil kokil vidyaapati' aadi pachcheeson granthon ka prakaashan hua. raashtrapita mahaatma Gandhi, Khan abdul gaffaar Khan, madan mohan maalaveeya, hariaudh, dau॰ Rajendra prasaad, sant nihaal Singh aadi mahaanubhaavon ka abhinandan tatha abhinandan granthon ke prakaashan ka shreya sabha ko praapt hai. bahut pehle sabha ki or se 'naagari hitaishi' saahityik patrika niklati thi, jiska prakaashan varsho se band hai. ab sirf vaarshik 'shodh' patrika prakaashit hoti hai. arthaabhaav mein sabha ka bhavan jarjar ho gaya tha. iska jeernoddhaar varsh 1964 mein bhootapoorv Bihar vidhaan parishad ke sadasya va sabha ke sachiv sv. ranajeet bahaadur Singh ke prayaas se hua. sabhaagaar ki booking ke alaave iski 26 dukaanein aay ke mukhya strot hai. sabha ke sthaapana kaal se chhote star par iski laaibreri thi. vartamaan mein jila kendreeya pustakaalaya shahar mein aakarshan ka kendra hai. yahaan vartamaan samay mein lagbhag 25 hajaar pustakein hain, jismein kai aitihaasik va durlabh pustakein hain. pratyek maah pustakaalaya mein lagbhag dhaai darjan patra-patrikaaen aati hain. pustakaalaya ko prati varsh 22 hajaar rupaye ka anudaan praapt hota hai. sabha ki bhoomi ka leej varsh 2007 mein samaapt ho gaya hai. iske naveeneekaran ke liye aavedan diya gaya hai. lekin abhi tak iska naveeneekaran naheen ho paaya hai.

inhein bhi dekhein