aanand math

aanand math baangla bhaasha ka ek upanyaas hai jiski rachana bankim chandr chattopaadhyaaya ne 1882 mein ki thi. is kruti ka bhaarateeya svatantrata sangraam aur svatantrata ke kraantikaariyon par bahut gahra prabhaav pada. Bhaarat ka raashtreeya geet vande maataram isi upanyaas se liya gaya hai.

aanandamath raajaneetik upanyaas hai. is upanyaas mein uttar Bengal mein 1773 ke sanyaasi vidroh ka varnan kiya gaya hai. is pustak mein deshbhakti ki bhaavana hai.

katha

aanandamath ke pratham khand mein katha Bengal ke durbhiksh kaal se praarambh hoti hai jab log daane-daane ke liye taras rahe the. sab gaaainv chhodkar yahaaain-vahaaain bhaag rahe the - ek to khaane ke laale the doosare kisaan ke paas kheti mein ann utpann na hone par bhi angrejon dvaara lagaan ka dabaav unhein peedit kar raha tha.

katha padachinh gaaainv ki hai. Mahendra aur kalyaani apne abodh shishu ko lekar gaaainv se door jaana chaahate hain. yahaaain loot-paat-dakaiti aadi ki ghatanaaeain hain. dakaiton ne kalyaani ko pakad liya tha par vah jaan bachaati door jungle mein bhatak jaati hai. Mahendra ko sipaahi pakad lete hain - jahaaain haathaapaai hoti hai aur bhavaanand naamak sannyaasi usaki raksha karta hai. bhavaanand aatmaraksha mein angrej saahab ko maar deta hai - loot ka saamaan vyavastha mein lagaata hai. vahaaain doosra sannyaasi jeevaanand pahuainchata hai. bhavaanand aur jeevaanand donon sanyaasi, pradhaan satyaanand ke shishya hain - jo 'aanandamath' mein rahakar desh seva ke liye karm karte hain. Mahendra bhavaanand ka parichay jaanana chaahata hai, kyonki yadi bhavaanand na milta to usaki jaan ja sakti thi. bhavaanand ne javaab diya- mera parichay jaanakar kya karoge? Mahendra ne kaha - main jaanana chaahata hooain, aaj aapne mera bahut upakaar kiya hai. Mahendra samajh naheen paata ki sanyaasi dakaiton ki tarah bhi ho sakta hai. itne par bhi bhavaanand Mahendra ki patni aur putri se milaane ka bhi aashvaasan deta hai. bhavaanand ki mudra sahasa badal gayi thi. vah ab dheer sthir prakruti ka sanyaasi naheen lag raha tha. uske chehare par muskaraahat tair rahi thi. maun bhang karne ke liye vah vyagr ho raha tha, parantu Mahendra gambhir tha. tab bhavaanand ne geet gaana shuroo kiya-

vande maataram! sujalaan sufalaan malayaj sheetalaan shasyashyaamalaan maataram.

baahari kadiyaaain