aahaareeya resha

soyaabeen jaise legyooms mein aahaareeya resha bharpoor maatra mein upasthit hota hai

aahaareeya resha, aahaar mein upasthit reshe tattv ko kehte hain. ye paudhon se milne vaale aise tatv hain jo swayam to apaachya hote hain, kintu mool roop se paachan kriya ko suchaaroo banaane ka atyaavashyak yogadaan karte hain. reshe shareer ki koshikaaon ki deevaar ka nirmaan karte hain. inko enjaaim bhang naheen kar paate hain. at: ye apaachya hote hain.[1] kuchh samay poorv tak inhein aahaar ke sambandh mein bekaar samjha jaata tha, kintu baad ki shodhon se gyaat hua ki inmein anek yaantrik evam anya visheshataayein hoti hain, jaise ye shareer mein jal ko rok kar rakhate hain, jisse avashisht (mal) mein paani ki kami naheen ho paati hai aur kabj ki sthiti se bache rahate hain.[1]

reshe vaale bhojan sroton ko praay: unke ghulanasheelata ke aadhaar par bhi baanta jaata hai. ye reshe ghulanasheel aur aghulanasheel hote hain. ye donon tatv paudhon se milne vaale reshon mein paae jaate hain. sabjiyaan, gehoo aur adhiktar anaajon mein ghulanasheel reshe ki apeksha aghulanasheel resha hota hai. svaasthya mein yogadaan ki drushti se donon tarah ke reshe apne-apne dhang se kaam karte hain. jahaan ghulanasheel reshe se sampoorn svaasthaya par sakaaraatmak prabhaav padta hai, vaheen aghulanasheel reshe se motaapa sambandhi samasya bhi badh sakti hai. aghulanasheel reshe paachan mein madad karte hai aur kabj kam karte hai. ghulanasheel reshe seeram kolestraal kam karte hai aur achhe kolestraal (H.di.L) ka anupaat badhaate hai. bhojan mein uchch reshe vaale aahaar se vajan niyantrit hota hai. aise bhojan ko adhik chabaana padta hai evam adhik oorja vyaya hoti hai. iske saath hi resha insulin ke star kop bhi giraata hai, jisse bhookh par niyantran rahata hai, tatha uchch resha aahaar pet mein adhik samay tak rahate hain, jisse pet bhare hone ka ehsaas bhi rahata hai.[1] resha mal nirmaan ko bhi prabhaavit karta hai aur ise adhik bhaari banaata hai. mal jitna bhaari hoga, aanton se nikalne mein use utana hi samay lagega. gehoo ki chokar uchch reshe se paripoorn hone ke kaaran mal ka bhaar badhaane mein madad karti hai. usi maatra ke gaajar ya bandagobhi ke reshe se doogani prabhaavasheel hai. hippokretaj ke anusaar sampoorn anaaj ki double roti aant ko saaf kar deti hai.

aahaareeya reshe sabhi paudhon mein paae jaate hain. jin paudhon mein resha adhik maatr mein paaya jaata hai, adhiktar unase hi inhein praapt kiya jaata hai. adhik maatr vaale faaibar paudhon ko seedhe taur par bhi aahaar mein grahan kiya ja sakta hai ya inhein uchit vidhi se pakaakar bhojan ke taur par bhi khaaya ja sakta hai. ghulanasheel reshe kai paudhon mein paae jaate hain jinse milne vaale khaadya padaartho mein jau, kela, seb, mooli, aaloo, pyaaj aadi pramukh hain. aghulanasheel reshe makka, aaloo ke chhilke, moongafali, gobhi aur tamaatar mein se praapt hote hain. rasabhari jaise fal mein bhi resha hota hai. ghulanasheel reshe se shareer ko adhik oorja milti hai, jabki aghulanasheel reshe se shareer ko oorja praapt naheen karni chaahiye. yeh bhi dhyaan yogya hai ki donon tareeke se shareer mein prati gram faaibar se chaar kailori bhi jaati hai.

sandarbh

  1. a aa i bhojan ke ang-aahaareeya resha.(hindi). helth end theraapyootik. abhigman tithi:11 October, 2009

baahari sootr