aahaareeya potaishiym

potaashiym ek bhautik tattv hai, jo maanav shareer ke liye atyadhik mahattvapoorn hai. yeh sada hi kisi esid ke saath paaya jaata hai. khanij ki kami waali mitti khanij ki kami wala aahaar utpann karti hai, jiska sevan shareer ki koshikaaon se potaashiym lene ke liyein vivsh karta hai, jisse sampoorn shareer-rasaayan vikshubdh ho jaata hai. potaashiym ki kami vishesh rup se garbhavati mahilaaon mein mitti, deevaar ka choona ityaadi ya vishisht prakaar ki mitti bhi khaane ki ichha paida karti hai.

potaashiym, peshiyon, snaayuon ki saamaanya shakti, hrudaya ki kriya aur enjaaim pratikriyaaon ke liyein aavashyak hai aur shareer ke taral santulan ko niyamit karne mein sahaayak hota hai. iski kami se smaran-shakti ka maansapeshiyon ki kamjori, aniyamit hrudaya-gati aur chidchidaapan ho sakte hai. iski adhikta se hrudaya ki aniymitaayein ho sakti hai. potaashiym komal ootakon ke liye vahi kaarya karta hai, jo kailshiym shareer ke kathor ootakon ke liye hai. potaashiym koshikaaon ke bheetar aur baahar ke taralon ka vidyut-apaghatani santulan banaaye rakhane ke liye bhi mahatvapoorn hai. aayu ke saath poteshiym ka anrtagrahan bhi badhana aavashyak hota hai. potaashiym ki kami maanasik satarkata ke abhaav, peshiyon ki thakaavat vikshaam karne mein kathinaai, sardi-jukaam, kabj, matali, tvacha ki khujali aur shareer ki maansapeshiyon mein aithan ke rup mein dikhaai hoti hai. sodiym ka badha hua anrtagrahan shareer ki koshikaaon mein se potaishiym ki haani ko badha deta hai. adhik potaashiym se rakt-nalikaaon ki deevaarein kailshiym nikshep se mukt rakhi ja sakti hai.

viksit deshon mein seb ke aasav ka sirka poteshiym ka ek uttam strot hai. yeh shareer ki vasaaon ko jalaane mein madad karta hai. gaayon par kiye gaye prayogon mein seb ke aasav ke sirke se gaayon mein gathiya samaapt ho gaya arua doodh ka utpaadan badh gaya.

srot

geinhoon ke ankur, chhuhaare, khameer, aaloo, moongafli, bandagobhi, matar, kele, sookhe meve, naarangi aur anya flon ke ras, kharabooje ke beej, murge, machhali aur sabse adhik paiparika aur seb ke aasav ka sirka.