aahaareeya lauh

aahaareeya lauh ki aavashyakta laal rakt koshikaaon ka himoglobin banaane ke liye hoti hai. fefdon se shareer ki koshikaaon aur ootakon tak okseejan le jaane ke liyein bhi yahi sahaayak hoti hai. shareer ka kuchh lauh tattv yakrut mein bhandaar ho jaata hai. vitaamin bi ke chayaapachaya ke liye bhi lauh aavashyak hota hai. ling aur shareer ki kriyaatmak sthiti ke anusaar dainik aahaar mein keval 2-4 mi.gra. laauh ki aavashyakta hoti hai. vividh prakaar ke aahaaron ki sanrachana ke anusaar unamein paaye jaane vaale lauh ka upayog karne ki shareer ki avashoshan kshamata seemit hoti hai. shareer ke sansthaan vibhinn anaaj aadi mein sannihit lauh ka keval 5 - 10 pratishat hi grahan kar sakte hai. hari pattedaar sabjiyon mein lauh ka pratishat bahut adhik hota hai. iske alaava aahaar ki mishrit sanrachana par bhi graahya pratishat nirbhar karta hai. inheen kaaranon se vishv svaasthya sangathan ke antargatt khaadya evam krushi sangathan dvaara lauh ki dainik aavashyakta 12-24 mileegraam ke beech tay ki gayi hai. lauh ki kami se utpann eneemiya ke upachaar karne ke liye aahaar mein iski atyadhik aavashyakta hoti hai. aisi sthitiyon mein lauh sampoorakon ya lohe ki pushtikrut aahaaron ka aashray liya ja sakta hai.

janm ke samay navajaat ke paas keval chaar maheene ki lohe ki aapoorti hoti hai. itne samay mein us shareer ko apne aahaar se lauh tattv ko apne aahaar se grahan karna praarambh kar dena aavashyak hota hai. lauh ki thodi si kami bhi iske bauddhik vikaas ko kam kar sakti hai. raj: sraav aur garbhaavastha ke samay mahilaaon mein lauh ki kami ho sakti hai. kathor vyaayaam se bhi shareer mein iski kami ho sakti hai. maghapaan karne vaalon mein kuchh aahaar shareer dvaara anya aahaaron se praapt lohe ka upayog rok dete hai. lohe ki kami shavaasaheenata, thakaavat aur kamjori utpann kar sakti hai. iski adhikta vishaaktata utpann kar sakti hai.

srot

aahaareeya lauh ke mahatvapoorn srot hain: hari pattedaar sabjiyaan, matar fliyaan, kishmish, akharot, naashapaati, sabhi anaaj, moong, masoor daal, chokar, beej, soyaabeen, machhali, yakrut, murga aur anda, ityaadi.