aagam

Bhaarat ke naana dharmon mein aagam ka saamraajya hai. jain dharm mein maatra mein nyoon hone par bhi aagamapooja ka paryaapt samaavesh hai. bauddh dharm ka 'vajrayaan' isi paddhati ka prayojak maarg hai. vaidik dharm mein upaasya devata ki bhinnata ke kaaran iske teen prakaar hai: vaishnav aagam (pancharaatr tatha vaikhaanas aagam), shaiv aagam (paashupat, shaivasiddhaant, trik aadi) tatha shaakt aagam.

anukram

hindu aagam

aagam parampara se aaye hindu dharm ke mahatvapoorn granth hain. ved ke ye sampoorak hain. inke vakta praay: shivji hote hain.

yeh shaastr saadhaaranataya 'tantrashaastr' ke naam se prasiddh hai. nigmaagamamoolak bhaarateeya sanskruti ka aadhaar jis prakaar nigam (=ved) hai, usi prakaar aagam (=tantr) bhi hai. donon svatantr hote hue bhi ek doosare ke poshak hain. nigam karm, gyaan tatha upaasana ka svaroop batalaata hai tatha aagam inke upaayabhoot saadhanon ka varnan karta hai. iseeliye vaachaspati mishr ne 'tatvavaishaaradi' (yogabhaashya ki vyaakhya) mein 'aagam' ko vyutpatti is prakaar ki hai : aagachhanti buddhimaarohanti abhyudayani:shreyasopaaya yasmaat‌, s aagam:.

aagam ka mukhya lakshya 'kriya' ke oopar hai, tathaapi gyaan ka bhi vivran yahaaain kam naheen hai. 'vaaraaheetantr' ke anusaar aagam in saat lakshanon se samavit hota hai : srushti, pralaya, devataarchan, sarvasaadhan, purashcharan, shatkarm, (=shaanti, vasheekaran, stanbhan, vidveshan, uchchaatan tatha maaran) saadhan tatha dhyaanayog. 'mahaanirvaan' tantr ke anusaar kaliyug mein praani medhya (pavitra) tatha amedhya (apavitr) ke vichaaron se bahudha heen hote hain aur inheen ke kalyaanaarth mahaadev ne aagamon ka upadesh paarvati ko swayam diya. iseeliye kaliyug mein aagam ki poojaapaddhati vishesh upayogi tatha laabhadaayak maani jaati hai-kalau aagamasammat:.

vaidik dharm mein upaasya devata ki bhinnata ke kaaran iske teen prakaar hai: vaishnav aagam (paaaincharaatr tatha vaikhaanas aagam), shaiv aagam (paashupat, shaivasiddhaant, trik aadi) tatha shaakt aagam. dvait, dvaitaadvait tatha advait ki drushti se bhi inmein teen bhed maane jaate hain. anek aagam vedamoolak hain, parantu katipya tantron ke oopar baahari prabhaav bhi lakshit hota hai. visheshat: shaaktaagam ke kaulaachaar ke oopar cheen ya Tibet ka prabhaav puraanon mein sveekrut kiya gaya hai. aagamik pooja vishuddh tatha pavitra bhaarateeya hai. 'panch makaar' ke rahasya ka ajnyaaan bhi iske vishay mein anek bhramon ka utpaadak hai.

jain aagam

jain-saahitya ka praacheenatam bhaag 'aagam' ke naam se kaha jaata hai. aagam granth kaafi praacheen hai, tatha jo sthaan vaidik saahitya kshetr mein ved ka tatha bauddh saahitya mein tripitk ka hai, vahi sthaan jain saahitya mein aagamon ka hai. aagam granthon mein mahaaveer ke upadeshon tatha jain sanskruti se sambandh rakhane waali anek katha-kahaaniyon ka sankalan hai.

ye aagam 46 hain-
ang (12) : aayaarang, sooyagadan, thaanaang, samavaayaang, bhagavati, naayaadhammakaha, uvaasagadasa, antagadadasa, anuttarovavaaiyadasa, panhavaagaran, vivaagasuya, diththavaaya.

upaang (12) : ovaaiya, raayapaseniya, jeevaabhigm, pannavana, sooriypannati, jambuddeevapannati, niryaavali, kappavadansiya, pupfiya, pupfachooliya, vanhidsa.

painna (10) : chausaran, aaurapachakkhaan, bhattaparinna, santhar, tandulaveyaaliya, chandavijjhaya, devindatthav, ganivijja, mahaapanchakkhaan, voratthav.

chhedasootr (6) : niseeh, mahaaniseeh, vavahaar, aachaaradasa, kapp (bruhatkalp), panchakapp.

moolasootr (4) : uttarajjhayan, aavassaya, dasaveyaaliya, pindanijjuti. nandi aur anuyog.

bauddh aagam

inhein bhi dekhein

baahari kadiyaaain