aadi shankaraachaarya

aadi shankar

chhaatron ke madhya aadi shankaraachaarya, raaja ravi varma dvaara (1904) mein chitrit
janm shankar
788 i॰[1]
kalaadi, cher saamraajya
vartamaan mein Kerala, Bhaarat
mrutyu 820 i॰[1] (umr 32)
kedaaranaath, paal saamraajya
vartamaan mein uttaraakhand, Bhaarat
guru/shikshak govind bhaagavatapaad ji
darshan advait vedaant
khitaab/sammaan advait vedaant ki vyaakhya ki

aadi shankaraachaarya advait vedaant ke praneta the. unke vichaaropadesh aatma aur paramaatma ki ekaroopata par aadhaarit hain jiske anusaar paramaatma ek hi samay mein sagun aur nirgun donon hi svaroopon mein rahata hai. smaart sanpradaaya mein aadi shankaraachaarya ko Shiv ka avataar maana jaata hai. inhonne ish, ken, kath, prashn, mundak, maandookya, aitareya, taittireeya, bruhadaaranyak aur haandogyopanishd par bhaashya likha. vedon mein likhe gyaan ko ekamaatr ishvar ko sambodhit samjha aur usaka prachaar tatha vaarta poore Bhaarat mein ki. us samay vedon ki samajh ke baare mein matabhed hone par utpann jain aur bauddh maton ko shaastraarthon dvaara khandit kiya aur Bhaarat mein chaar konon par chaar mathon ki sthaapana ki.

bhaarateeya sanskruti ke vikaas mein aadya shankaraachaarya ka vishesh yogadaan raha hai. aachaarya shankar ka janm vaishaakh shukl panchami tithi E. san 788 ko tatha moksh E. san 820 sveekaar kiya jaata hai, parantu sudhanva jo ki shankar ke samakaaleen the, unke taamrapatr abhilekh mein shankar ka janm yudhishthiraabd 2631 shak (507 i0poo0) tatha shivlok gaman yudhishthiraabd 2663 shak (475 i0poo0) sarvamaanya hai. shankar digvijya, shankaravijyavilaas, shankarajaya aadi granthon mein unke jeevan se sambandhit tathya udghaatit hote hain. dakshin Bhaarat ke Kerala raajya (tatkaaleen maalaabaarapraant) mein aadya shankaraachaarya ji ka janm hua tha. unke pita Shiv guru taittireeya shaakha ke yajurvedi braahman the. bhaarateeya praachya parampara mein aadyashankaraachaarya ko Shiv ka avataar sveekaar kiya jaata hai. kuchh unke jeevan ke chamatkaarik tathya saamane aate hain, jisse prateet hota hai ki vaastav mein aadya shankaraachaarya Shiv ke avataar the. aath varsh ki avastha mein govindapaad ke shishyatv ko grahan kar sannyaasi ho jaana, pun: Varanasi se hote hue badrikaashram tak ki paidal yaatra karna, solah varsh ki avastha mein badreekaashram pahunch kar brahmasootr par bhaashya likhna, sampoorn Bhaarat varsh mein bhraman kar advait vedaant ka prachaar karna, darabhanga mein jaakar mandan mishr se shaastraarth kar vedaant ki deeksha dena tatha mandan mishr ko sannyaas dhaaran karaana, bhaaratavarsh mein prachalit tatkaaleen kureetiyon ko door kar samabhaavadarshi dharm ki sthaapana karna - ityaadi kaarya inke mahatva ko aur badha deta hai. chaar dhaarmik mathon mein dakshin ke shrungeri shankaraachaaryapeeth, poorv (Orissa) jagannaathapuri mein govardhanapeeth, pashchim dvaarika mein shaaradaamath tatha badrikaashram mein jyotirpeeth Bhaarat ki ekaatmakata ko aaj bhi digdarshit kar raha hai. kuchh log shrungeri ko shaaradaapeeth tatha Gujarat ke dvaarika mein math ko kaali math kehte rhai. ukt sabhi kaarya ko sampaadit kar 32varsh ki aayu mein moksh praapt ki.

anukram

mahatva

shankaraachaarya ke vishay mein kaha gaya hai-

ashtavarshechaturvedi, dvaadashesarvashaastravit
shodashekrutavaanbhaashyamdvaatrinshemunirbhyagaat

arthaat aath varsh ki aayu mein chaaron vedon mein nishnaat ho gaye, baarah varsh ki aayu mein sabhi shaastron mein paarangat, solah varsh ki aayu mein shaankarabhaashyatatha battees varsh ki aayu mein shareer tyaag diya. brahmasootr ke oopar shaankarabhaashyaki rachana kar vishv ko ek sootr mein baandhane ka prayaas bhi shankaraachaarya ke dvaara kiya gaya hai, jo ki saamaanya maanav se sambhav naheen hai. shankaraachaarya ke darshan mein sagun brahm tatha nirgun brahm donon ka ham darshan, kar sakte hain. nirgun brahm unka niraakaar ishvar hai tatha sagun brahm saakaar ishvar hai. jeev ajnyaaan vyashti ki upaadhi se yukt hai. tatt‍aa‌aavamasi tum hi brahm ho; ahan brahmaasmi mai hi brahm hoon; 'ayaamaatma brahm' yeh aatma hi brahm hai; in bruhadaaranyakopanishd tatha chhaandogyopanishd vaakyon ke dvaara is jeevaatma ko niraakaar brahm se abhinn sthaapit karne ka prayat‍aa‌aan shankaraachaarya ji ne kiya hai. brahm ko jagat ke utpatti, sthiti tatha pralaya ka nimitt kaaran bataae hain. brahm sat (trikaalaabaadhit) nitya, chaitanyasvaroop tatha aanand svaroop hai. aisa unhonne sveekaar kiya hai. jeevaatma ko bhi sat svaroop, chaitanya svaroop tatha aanand svaroop sveekaar kiya hai. jagat ke svaroop ko bataate hue kehte hain ki -

naamaroopaabhyaan vyaakrutasya anekakartrubhoktrusanyuktasya pratiniyt deshakaalanimittakriyaafalaashrayasya
manasaapi achintyarachanaaroopasya janmasthitibhanganyat:.

arthaat naam evam roop se vyaakrut, anek karta, anek bhokta se sanyukt, jismein desh, kaal, nimitt aur kriyaafal bhi niyat hain. jis jagat ki srushti ko man se bhi kalpana naheen kar sakte, us jagat ki utpatti, sthiti tatha laya jisse hota hai, usako brahm kehte hai. sampoorn jagat ke jeevon ko brahm ke roop mein sveekaar karna, tatha tark aadi ke dvaara uske siddh kar dena, aadi shankaraachaarya ki visheshata rahi hai. is prakaar shankaraachaarya ke vyaktitv tatha krutitvake moolyaankan se ham kah sakte hai ki raashtra ko ek sootr mein baandhane ka kaarya shankaraachaarya ji ne sarvatobhaavenakiya tha. bhaarateeya sanskruti ke vistaar mein bhi inka amoolya yogadaan raha hai.

tithiyaaain

aadi guroo shankaraachaarya ka janm Kerala ke kaaladee naamak gram me hua tha. vah apne braahman maata-pita ki ekamaatr santaan the. bachapan me hi unke pita ka dehaant ho gaya. shankar ki ruchi aarambh se hi sanyaas ki taraf thi. alpaayu me hi aagrah karke maata se sanyaas ki anumati lekar guru ki khoj me nikal pade.. vedaant ke guru govind paad se gyaan praapt karne ke baad saare desh ka bhraman kiya. mithila ke pramukh vidvaan mandan mishr ko shaastraarth me haraaya. parantun mandan mishr ki patni bhaarati ke dvaara paraajit hue. dubaara fir rati vigyaan me paarangat hokar bhaarati ko paraajit kiya.

unhonein tatkaaleen Bhaarat me vyaapt dhaarmik kureetiyon ko door kar advait vedaant ki jyoti se desh ko aalokit kiya. sanaatan dharm ki raksha hetu unhonne Bhaarat mein chaaron dishaaon mein chaar mathon ki sthaapana ki tatha shankaraachaarya pad ki sthaapana karke us par apne chaar pramukh shishyon ko aaseen kiya. uttar me jyotirmath, dakshin me shrangeri, poorv mein govardhan tatha pashchim mein shaarada math naam se desh mein chaar dhaamon ki sthaapana ki. 32 saal ki alpaayu me pavitra kedaar naath dhaam mein shareer tyaag diya. saare desh mein shankaraachaa‍aarya ko sammaan sahit aadi guru ke naam se jaana jaata hai.

jeevan

ek sannyaasi baalak, jiski aayu maatr 7 varsh thi, gurugruh ke niymaanusaar ek braahman ke ghar bhiksha maaaingane pahuaincha. us braahman ke ghar mein bhiksha dene ke liye ann ka daana tak na tha. braahman patni ne us baalak ke haath par ek aaainvala rakha aur rote hue apni vipnnata ka varnan kiya. usaki aisi avastha dekhkar us prem-daya moorti baalak ka hrudaya dravit ho utha. vah atyant aart svar mein maaain lakshmi ka stotr rachakar us param karunaamayi se nirdhan braahman ki vipda harane ki praarthana karne laga. usaki praarthana par prasann hokar maaain mahaalakshmi ne us param nirdhan braahman ke ghar mein sone ke aaainvalon ki varsha kar di. jagat janani mahaalakshmi ko prasann kar us braahman parivaar ki daridrata door karne wala, dakshin ke kaalaadi gram mein janma vah baalak tha- ''shankar'', ji aage chalakar ''jagadguru shankaraachaarya'' ke naam se vikhyaat hua. is mahaajnyaaani shaktipunj baalak ke roop mein swayam Bhagwan shankar hi is dharati par avateern hue the. inke pita shivguru naamapudri ke yahaaain vivaah ke kai varshon baad tak jab koi santaan naheen hui, tab unhonne apni patni vishishtaadevi ke saath putr praapti ki kaamna se deerghakaal tak chandramauli Bhagwan shankar ki kathor aaraadhana ki. aakhir prasann hokar Bhagwan shankar ne unhein svapn mein darshan diye aur kaha- 'var maaaingo.' shivguru ne apne isht guru se ek deerghaayu sarvajnya putr maaainga. Bhagwan shankar ne kaha- 'vats, deerghaayu putr sarvajnya naheen hoga aur sarvajnya putr deerghaayu naheen hoga. bolo tum kaisa putr chaahate ho?' tab dharmapraan shaastrasevi shivguru ne sarvajnya putr ki yaachana ki. audharadaani Bhagwan Shiv ne pun: kaha- 'vats tumhein sarvajnya putr ki praapti hogi. main swayam putr roop mein tumhaare yahaaain avateern hoooainga.'

kuchh samay ke pashchaat E. san 686 mein vaishaakh shukl panchami (kuchh logon ke anusaar Akshay truteeya) ke din madhyaakaal mein vishishtaadevi ne param prakaasharoop ati sundar, divya kaantiyukt baalak ko janm diya. devajnya braahmanon ne us baalak ke mastak par chakr chinh, lalaat par netr chinh tatha skandh par shool chinh parilkshit kar use Shiv avataar niroopit kiya aur usaka naam 'shankar' rakha. inheen shankaraachaarya ji ko prativrsh vaishaakh shukl panchami ko shraddhaanjali arpit karne ke liye shri shankaraachaarya jayanti manaai jaati hai. jis samay jagadguru shankaraachaarya ka aavirbhaav hua, us samay bharat mein vaidik dharm mlaan ho raha tha tatha maanavata bisr rahi thi, aise mein aachaarya shankar maanav dharm ke bhaaskar prakaash stambh bankar prakat hue. maatr 32 varsh ke jeevan kaal mein unhonne sanaatan dharm ko aisi ojasvi shakti pradaan ki ki usaki samast moorha door ho gayi. shankaraachaarya ji teen varsh ki avastha mein malayalam ka achha gyaan praapt kar chuke the. inke pita chaahate the ki ye sanskrut ka poorn gyaan praapt karein. parantu pita ki akaal mrutyu hone se shaishavaavastha mein hi shankar ke sir se pita ki chhatrachhaaya uth gayi aur saara bojh shankar ji ki maata ke kandhon par aa pada. lekin unki maata ne kartavya paalan mein kami naheen rakhi. paaainch varsh ki avastha mein inka yajnyaopaveet sanskaar karavaakar vedon ka adhyayan karne ke liye gurukul bhej diya gaya. ye praarambh se hi pratibha sampann the, at: inki pratibha se inke guru bhi behad chakit the. apratim pratibha sampann shrutidhr baalak shankar ne maatr 2 varsh ke samay mein ved, puraan, upanishd, raamaayan, mahaabhaarat aadi granth kanthasth kar liye. tatpashchaat guru se sammaanit hokar ghar laut aae aur maata ki seva karne lage. unki maatru shakti itni vilkshan thi ki unki praarthana par aalavaai (poorna) nadi, jo unke gaaainv se bahut door bahti thi, apna rukh badal kar kaalaadi gram ke nikat bahne lagi, jisse unki maata ko nadi snaan mein suvidha ho gayi. kuchh samay baad inki maata ne inke vivaah ki sochi. par aachaarya shankar gruhasthi ke jhanjhat se door rahana chaahate the. ek jyotishi ne janm-patri dekhkar bataaya bhi tha ki alpaayu mein inki mrutyu ka yog hai. aisa jaanakar aachaarya shankar ke man mein sannyaas lekar lok-seva ki bhaavana prabal ho gayi thi. sannyaas ke liye unhonne maaain se hath kiya aur baalak shankar ne 7 varsh ki aayu mein sannyaas grahan kar liya. fir jeevan ka uchchatam lakshya praapt karne ke liye maata se anumati lekar ghar se nikal pade.

shaastraarth

aadi shankaraachaaya ji ki moorti

ve Kerala se lambi padayaatra karke narmada nadi ke tat par sthit onkaaranaath pahuainche. vahaaain guru govindapaad se yog shiksha tatha advait brahm gyaan praapt karne lage. teen varsh tak aachaarya shankar advait tatv ki saadhana karte rahe. tatpashchaat guru aajnyaa se ve kaashi vishvanaath ji ke darshan ke liye nikal pade. jab ve kaashi ja rahe the ki ek chaandaal unki raah mein aa gaya. unhonne krodhit ho chaandaal ko vahaaain se hat jaane ke liye kaha to chaandaal bola- 'he muni! aap shareeron mein rahane vaale ek paramaatma ki upeksha kar rahe hain, isliye aap abraahman hain. ataev mere maarg se aap hat jaayein.' chaandaal ki devavaani sun aachaarya shankar ne ati prabhaavit hokar kaha-'aapne mujhe gyaan diya hai, at: aap mere guru hue.' yeh kehkar aachaarya shankar ne unhein pranaam kiya to chaandaal ke sthaan par Shiv tatha chaar devon ke unhein darshan hue. kaashi mein kuchh din rahane ke dauraan ve maahishmati nagari (Bihar ka mahishi) mein aachaarya mandan mishr se milne gaye. aachaarya mishr ke ghar jo paalatoo maina thi vah bhi ved mantron ka uchchaaran karti thi. mishr ji ke ghar jaakar aachaarya shankar ne unhein shaastraarth mein hara diya. pati aachaarya mishr ko haarata dekh patni aachaarya shankar se boleen- 'mahaatman! abhi aapne aadhe hi ang ko jeeta hai. apni yuktiyon se mujhe paraajit karke hi aap vijayi kahala sakeinge.'

tab mishr ji ki patni bhaarati ne kaamashaastr par prashn karne praarambh kiye. kintu aachaarya shankar to baal-brahmachaari the, at: kaam se sambandhit unke prashnon ke uttar kahaaain se dete? is par unhonne bhaarati devi se kuchh dinon ka samay maaainga tatha par-kaaya mein pravesh kar us vishay ki saari jaankaari praapt ki. iske baad aachaarya shankar ne bhaarati ko bhi shaastraarth mein hara diya. kaashi mein pravaas ke dauraan unhonne aur bhi bade-bade gyaani panditon ko shaastraarth mein paraast kiya aur guru pad par pratishthit hue. anek shishyon ne unase deeksha grahan ki. iske baad ve dharm ka prachaar karne lage. vedaant prachaar mein sanlagn rahakar unhonne anek granthon ki rachana bhi ki. advait brahmavaadi aachaarya shankar keval nirvishesh brahm ko satya maanate the aur brahmajnyaaan mein hi nimgn rahate the. ek baar ve brahm muhoort mein apne shishyon ke saath ek ati sainkari gali se snaan hetu manikrnika ghaat ja rahe the. raaste mein ek yuvati apne mrut pati ka sir god mein liye vilaap karti hui baithi thi. aachaarya shankar ke shishyon ne us stri se apne pati ke shav ko hataakar raasta dene ki praarthana ki, lekin vah stri use anasuna kar rudan karti rahi. tab swayam aachaarya ne usase vah shav hataane ka anurodh kiya. unka aagrah sunakar vah stri kehne lagi- 'he sannyaasi! aap mujhse baar-baar yeh shav hataane ke liye kah rahe hain. aap is shav ko hi hat jaane ke liye kyon naheen kehte?' yeh sunakar aachaarya bole- 'he devi! aap shok mein kadaachit yeh bhi bhool gayi ki shav mein swayam hatne ki shakti hi naheen hai.' stri ne turant uttar diya- 'mahaatman aapki drushti mein to shakti nirpeksh brahm hi jagat ka karta hai. fir shakti ke bina yeh shav kyon naheen hat sakta?' us stri ka aisa gambhir, jnyaaanamaya, rahasyapoorn vaakya sunakar aachaarya vaheen baith gaye. unhein samaadhi lag gayi. ant:chakshu mein unhonne dekha- sarvatr aadyaashakti mahaamaaya leela vilaap kar rahi hain. unka hrudaya anivrchaneeya aanand se bhar gaya aur mukh se maatru vandana ki shabdamayi dhaara stotr bankar foot padi.

ab aachaarya shankar aise mahaasaagar ban gaye, jismein advaitavaad, shuddhaadvaitavaad, vishishta dvaitavaad, nirgun brahm gyaan ke saath sagun saakaar ki bhakti ki dhaaraaeain ek saath hilorein lene lageen. unhonne anubhav kiya ki gyaan ki advait bhoomi par jo paramaatma nirgun niraakaar brahm hai, vahi dvait ki bhoomi par sagun saakaar hai. unhonne nirgun aur sagun donon ka samarthan karke nirgun tak pahuainchane ke liye sagun ki upaasana ko aparihaarya seedhi maana. gyaan aur bhakti ki milan bhoomi par yeh bhi anubhav kiya ki advait gyaan hi sabhi saadhanaaon ki param upalabdhi hai. unhonne 'brahman satyan jaganmithya' ka udghosh bhi kiya aur Shiv, paarvati, ganesh, vishnu aadi ke bhaktirsapoorn stotr bhi rache, 'saundarya lahari', 'vivek choodaamani' jaise shreshthatam granthon ki rachana ki. prasthaan trayi ke bhashya bhi likhe. apne akaatya tarkon se shaiv-shaakt-vaishnavon ka dvandv samaapt kiya aur panchadevopaasana ka maarg prashast kiya. unhonne aasetu himaalaya sampoorn bharat ki yaatra ki aur chaar mathon ki sthaapana karke poore desh ko saanskrutik, dhaarmik, daarshanik, aadhyaatmik tatha bhaugolik ekta ke avichhinn sootr mein baaaindh diya. unhonne samast maanav jaati ko jeevanmukti ka ek sootr diya-

durjan: sajjano bhooyaat sajjan: shaantimaapnuyaat.
shaanto muchyet bandhemyo mukt: chaanyaan vimochyet.

arthaat durjan sajjan banein, sajjan shaanti banein. shaantajan bandhanon se mukt hon aur mukt anya janon ko mukt karein. apna prayojan poora hone baad taintees varsh ki alpaayu mein unhonne is nashvar deh ko chhod diya.

math

darshan aur vichaar

sankshep mein advait mat

shankaraachaarya ek mahaan samanvayavaadi the. unhein hindu dharm ko pun: sthaapit evam pratishthit karne ka shreya diya jaata hai. ek taraf unhone advait chintan ko punarjeevit karke sanaatan hindu dharm ke daarshanik aadhaar ko sudrudh kiya, to doosari taraf unhone janasaamaanya mein prachalit moortipooja ka auchitya siddh karne ka bhi prayaas kiya.

sanaatan hindu dharm ko drudh aadhaar pradaan karne ke liye unhone virodhi panth ke mat ko bhi aanshik taur par angeekaar kiya. shankar ke maayaavaad par mahaayaan bauddh chintan ka prabhaav maana jaata hai. isi aadhaar par unhein prachhann buddh kaha gaya hai.

kai Europeeya vidvaanon ka havaala dete hue, Lucian Blaga samajhta hai ki aadi shankaraachaarya 'sabhi samay ka sabse bade tatvameemaansa ka vidvaan hai'.[2] aadi shankaraachaarya ne kaha ki gyaan ke do prakaar ke hote hain. ek paraavidya kaha jaata hai aur anya mein aparaavidya kaha jaata hai. pehla gun brahm (ishvar) hota hai lekin doosra nirgun brahm hota hai.[3]

shankar ke advait ka darshan ka saar-
  • brahm aur jeev moolat: aur tatvat: ek hain. hame jo bhi antar najar aata hai usaka kaaran ajnyaaan hai.
  • jeev ki mukti ke liye gyaan aavashyak hai.
  • jeev ki mukti brahm me leen ho jaane me hai.

aitihaasik aur saanskrutik prabhaav

rachanaaeain

  • ashtottarasahasranaamaavali:
  • upadeshasahasri
  • charpatapanjarikaastotram‌
  • tattvavivekaakhyam
  • dattaatreyastotram‌
  • dvaadashapanjarikaastotram‌
  • panchadashi
    • kootasthadeep
    • chitradeep
    • tattvavivek
    • truptideep
    • dvaitavivek
    • dhyaanadeep
    • naatak deep
    • panyachakoshavivek
    • panyachamahaabhootavivek
    • panyachakoshavivek
    • brahmaanande advaitaanand
    • brahmaanande aatmaanand
    • brahmaanande yogaanand
    • mahaavaakyavivek
    • vidyaanand
    • vishyaanand
  • paraapoojaastotram‌
  • prapanchasaar
  • bhavaanyashtakam‌
  • laghuvaakyavrutti
  • vivekachoodaamani
  • sarvavedaantasiddhaantasaarasangrah
  • saadhanapanchakam
  • bhaashya
    • adhyaatm patal bhaashya
    • ishopanishd bhaashya
    • aitaropanishd bhaashya
    • kathopanishd bhaashya
    • kenopanishd bhaashya
    • chhaandogyopanishd bhaashya
    • taittireeyopanishd bhaashya
    • nrusinh poorvatapanyupanishd bhaashya
    • prashnopanishd bhaashya
    • bruhadaaranyakopanishd bhaashya
    • brahmasootr bhaashya
    • bhagavadgeeta bhaashya
    • lalita trishti bhaashya
    • hastaamalakeeya bhaashya
    • mandookopanishd kaarika bhaashya
    • mundakopanishd bhaashya
    • vishnusahasranaam stotr bhaashya
    • sanat‌aasujaateeya bhaashya

laghu tattvajnyaaanavishyak rachanaaeain

  • advait anubhooti (84)
  • advait panchakam‌ (5)
  • anaatma shreevigrhan (18)
  • aparokshaanubhooti (144)
  • upadesh panchakam‌ kinva saadhan panchakam‌ (5)
  • ekashloki (1)
  • kaupeenapanchakam‌ (5)
  • jeevanamukt aanandalahari (17)
  • tattvopadesh(87)
  • dhanyaashtakam‌ (8)
  • nirvaan manjari (12)
  • nirvaanashatakam‌ (6)
  • pancheekaranam‌ (gadya)
  • prabodh sudhaakar (257)
  • prashnottar rat‍aanamaalika (67)
  • praudh anubhooti (17)
  • yati panchakam‌ (5)
  • yog taraavali(?) (29)
  • vaakyavrutti (53)
  • shatashloki (100)
  • sadaachaar anusandhaanam‌ (55)
  • saadhan panchakam‌ kinva upadesh panchakam‌ (5)
  • svaroopaanusandhaan ashtakam‌ (9)
  • svaatm niroopanam‌ (153)
  • svaatmaprakaashika (68)
ganesh stuti
  • ganesh pancharat‍anam‌ (5)
  • ganesh bhujaangam‌ (9)
shivstuti
  • kaalabhairav ashtakam‌ (10)
  • dashashloki stuti (10)
  • dakshinmoorti ashtakam‌ (10)
  • dakshinmoorti stotram‌ (19)
  • dakshinmoorti varnamaala stotram‌ (13)
  • mrutyunjaya maanasik pooja (46)
  • vedasaar Shiv stotram‌ (11)
  • Shiv aparaadhakshamaapan stotram‌ (17)
  • Shiv aanandalahari (100)
  • Shiv keshaadipaadaantavarnan stotram‌ (29)
  • Shiv naamaavali ashtakam‌ (9)
  • Shiv panchaakshar stotram‌ (6)
  • Shiv panchaakshara nakshatramaalaastotram‌ (28)
  • Shiv paadaadikeshaantavarnanastotram‌ (41)
  • Shiv bhujaangam‌ (4)
  • Shiv maanas pooja(5)
  • suvarnamaala stuti (50)
shaktistuti
  • an‍aanapoorna ashtakam‌ (8)
  • aanandalahari
  • kanakadhaara stotram‌ (18)
  • kalyaan vrushtistav (16)
  • Gauri dashakam‌ (11)
  • tripurasundari ashtakam‌ (8)
  • tripurasundari maanas pooja (127)
  • tripurasundari ved paad stotram‌ (10)
  • devi chatu:shashthi upachaar pooja stotram‌ (72)
  • devi bhujaangam‌ (28)
  • navarat‍aan maalika (10)
  • bhavaani bhujaangam‌ (17)
  • bhramaraanba ashtakam‌ (9)
  • mantramaatruka pushpamaalaastav (17)
  • mahishaasuramardini stotram‌
  • lalita pancharatnam‌ (6)
  • shaarada bhujangaprayaat stotram‌ (8)
  • saundaryalahari (100)
vishnu evam unke avataaron ki stuti
  • achyutaashtakam‌ (9)
  • krushnaashtakam‌ (8)
  • govindaashtakam‌ (9)
  • jagan‍anaathaashtakam‌ (8)
  • paandurangaashtakam‌ (9)
  • bhagavan‌ maanas pooja (10)
  • mohamud‌aagaar (bhajagovindam‌) (31)
  • Ram bhujangaprayaat stotram‌ (29)
  • lakshmeenrusinh karaavalanb (karunaras) stotram‌ (17)
  • lakshmeenarasinh pancharat‍anam‌ (5)
  • vishnupaadaadikeshaant stotram‌ (52)
  • vishnu bhujangaprayaat stotram‌ (14)
  • shat‌apadeestotram‌ (7)
anya devataaon evam teerthon ki stuti
  • ardhanaareeshvarastotram‌ (9)
  • uma maheshvar stotram‌ (13)
  • kaashi panchakam‌ (5)
  • gangaashtakam‌ (9)
  • guru ashtakam‌ (10)
  • narmadaashtakam‌ (9)
  • nirgun maanas pooja (33)
  • manakarnika ashtakam‌ (9)
  • yamunaashtakam‌ (8)
  • yamunaashtakam‌-2 (9)

inhein bhi dekhein

dhyaan dein

  1. a aa Sharma 1962, pa॰ vi.
  2. lucheeyaan balaaga, dharm ke darshan ka course, peris, Alba -yooliya, faronade ka prakaashan sanstha, ek hajaar nau sau nabbe chaar, unahattar ka prushth. (ISBN 973-963-1215)
  3. meercha itu, bhaarateeya darshan aur bhaarateeya dharm, braashov, laitin poorabi ka prakaashan sanstha, do hajaar chaar, sadsath aur adsath ke prushthon. (ISBN 973-9338-70-4)

sandarbh

baahari kadiyaaain