aachaarya vishvanaath

saahitya darpan ka angreji roopaantar

aachaarya vishvanaath (poora naam aachaarya vishvanaath mahaapaatr) sanskrut kaavya shaastr ke marmajnya aur aachaarya the. ve saahitya darpan sahit anek saahityasambandhi sanskrut granthon ke rachayita hain. unhonne aachaarya mammat ke granth kaavya prakaash ki teeka bhi ki hai jiska naam "kaavyaprakaash darpan" hai.

anukram

jeevan charit

saahitya darpan ke pratham parichhed ki pushpika mein unhonne jo vivran diya hai uske aadhaar par unke pita ka naam chandrashekhar aur pitaamah ka naam naaraayanadaas tha. mahaapaatr unki upaadhi thi. ve kaling ke rahane vaale the. unhonne apne ko "saandhivigrahik," "ashtaadashabhaashaavaaravilaasineebhujang" kaha hai par kisi raaja ke raajya ka naamollekh naheen kiya hai. saahitya darpan ke chaturth parichhed mein alaauddeen khilji ka ullekh paae jaane se granthakaar ka samay alaauddeen ke baad ya samaan sambhaavit hai. janboo ki hastalikhit pustakon ki soochi mein saahitya darpan ki ek hastalikhit prati ka ullekh milta hai, jiska lekhan kaal 1384 E. hai, at: saahitya darpan ke rachayita ka samay 14veen shataabdi thaharata hai.

krutiyaaain evam mahatva

ras ko saahitya ki aatma maanane vaale ve pehle sanskrut aachaarya the. saahitya darpan mein unka sootr vaakya rasaatmakan vaakyan kaavyam aaj bhi saahitya ka mool maana jaata hai aur baar baar uddhrut kiya jaata hai.[1] saahitya mein ras ki sthaapana karne vaale unke is darshan ko vishvavyaapi khyaati mili aur is granth ka anek bhaashaaon mein anuvaad hua.[2] saahitya darpan aur kaavya prakaash ki teeka ke atirikt vishvanaath dvaara anek kaavyon ki bhi rachana bhi ki gayi hai jinka pata saahitya darpan aur kaavyaprakaash darpan se lagta hai. "raaghav vilaas", sanskrut mahaakaavya, "kuvalayaashvacharit", praakrut bhaashaabaddh kaavya, "narasinhavijya" sanskrut kaavya; "prabhaavateeparinya" aur "chandrakala" naatika tatha "prashasti ratnaavali" jo solah bhaashaaon mein rachit karanbhak hai, ka ullekh inhonne swayam kiya hai aur unke udaaharan bhi aavashyakataanusaar diye hain jinse saahitya darpanakaar ki bahubhaashaavijnyaata aur pragalbh paanditya ki abhivyakti hoti hai.

sandarbh

baahyasootr