aachaarya raamachandr varma

aachaarya raamachandr varma (1890-1969 E.) hindi ke saahityakaar evam koshakaar rahe hain. hindi shabdasaagar ke sampaadakamandal ke pramukh sadasya the. aapne aachaarya kishoreedaas Vajpayee ke saath milkar 'achhi hindi' ka aandolan chalaaya. aapke samay mein hindi ka maanakeekaran hua.

anukram

parichay

inka janm kaashi ke ek sammaanit khatri parivaar mein hua. varma ji ki paathashaaleeya shiksha saadhaaran hi thi kintu apne vidyaaprem ke kaaran inhonne vidvaanon ke sansarg tatha svaadhyaaya dvaara hindi ke atirikt urdoo, faarasi, maraathi, bangala, gujaraati, angreji aadi kai bhaashaaon ka achha adhyayan kar liya tha. inki shikshu vrutti jeevan ke antim kaal tak poornataya jaagruk rahi. vibhinn bhaashaaon ke granthon ke aadarsh anuvaad inhonne prastut kiye hain. angreji ke 'hindu paaliti' granth anuvaad inhonne hindu raajatantr' naam se kiya hai. maraathi bhaasha ki jnyaaaneshvari, chhatrasaal aadi pustakon ke safal anuvaad drashtavya hain.

varma ji ki sthaayi den bhaasha ke kshetr mein hai. apne jeevan ka adhikaansh inhonne shabdaarthanirnaya aur bhaashaaparishkaar mein bitaaya. inka aaranbhik jeevan patrakaarita ka raha. san‌ 1907 E. mein ye 'hindi kesari' ke sampaadak hue. yeh patra Nagpur se prakaashit hota tha. tadanantar baukeepur se niklanevaale 'Bihar bandhu' ka inhonne yogyataapoorvak sanpaadan kiya. baad mein naagareeprachaarineepatrika ke sanpaadakamandal mein rahe. naagareeprachaarini sabha, kaashi se sanpaadit honevaale 'hindi shabdasaagar' mein ye sahaayak sampaadak niyukt hue. san‌ 1910 E. se 1929 E. tak inhonne usamein kaarya kiya. baad mein inhein 'sankshipt hindi shabdasaagar' ke sanpaadan ka bhaar diya gaya. iske anantar ye svatantr roop mein bhaasha aur kosh ke kshetr mein kaaryarat rahe.

inhonne gahari soojhaboojh ka parichay diya hai. is kaarya ke liye ye baraabar chintan aur manan kiya karte the. inki anoothi hindeeseva ke kaaran Bhaarat sarkaar ne inhein 'padmashri' ki sammaanit upaadhi se alankrut kiya tha. ismein kinchinmaatr sandeh naheen ki ye aajeevan hindeeseva mein jiye. shabdaarthanirnaya ke prati gahari ruchi rakhane ke kaaran inhonne apne bhavan ka naam hi 'shabdalok' rakh liya tha. antim kaal mein inhonne hindi ka ek bruhat‌ kosh 'maanak hindi kosh' ke naam se taiyaar kiya jo paaainch khandon mein hindi saahitya sammelan se prakaashit hua hai.

inke katipya prasiddh granthon ke naam hain- achhi hindi, urdoo-hindeekosh, hindi prayog, praamaanik hindi kosh, shiksha aur deshi bhaashaaeain, hindi kosh rachana, aadi.

san‌ 1969 mein inka kaasheevaas ho gaya. inki saadagi aur svabhaav ki saralata pratyek milnevaale saahityik par apna prabhaav daale bina na rahati thi. varma ji hindi mein jiye aur hindi ke liye jiye.

inhonne aadikaal ki kaalaavadhi sanvat 750 se 1375 tak maankar is do khandon mein baaainta hai:[1]

  • sandhikaal - 750 se 1000 vi. tak,
  • chaaranakaal - 1000 se 1375 vi. tak.

krutiyaaain

  • sankshipt hindi shabdasaagar
  • praamaanik hindi kosh (1949)
  • praamaanik hindi baalakosh
  • chhatrasaal (maaraathi se anoodit)
  • haasyaras (kaaka kaalelakar ki maraathi kruti 'haasya aani vinod' ka bhaashaantar)
  • 'foolon ka haar' (anoodit, san 1918)
  • achhi hindi

inhein bhi dekhein

sandarbh

baahari kadiyaaain