aabanoos

ek dhaareedaar aabanoos lakdi

aabanoos atyadhik saghan kaali kaashth tatha tatsanbandhit vrukshon ke liye ek saamaanya naam hai. vaigyaanik drushti se dekha jaae to ye daayospaairos vansh ki bahut si jaatiyon se milti hai, parantu kabhi-kabhi doosari bhaari, kaali (gahre rang ki) lakadiyon ko bhi aabanoos kaha jaata hai. sarvashreshth aabanoos sanbhavataa: daayasepaairos ebenam se milne waali lakdi hai, jo dakshin Bhaarat va Sri Lanka ki moolavaasi hai, iska shreelankaai aabanoos naam se vyaapaar kiya jaata hai.

yeh paudha tinduk kul ebeenesi ka sadasya hai. iske anya naam is prakaar hain: tinduk sfoorjaf, kaalaskandh (sanskrut), gaam, teindoo (hindi).

yeh samast bhaaratavarsh mein paaya jaata hai. yeh ek madhyapramaan ka vruksh hai jo anek shaakhaaon prashaakhaaon se yukt hota hai tatha saghan, sadaaharit pattiyon se aachhaadit hota hai. tana kathor tatha Krishna varn ka hota hai. iski pattiyaaain chikni, aayataakaar paaainch se lekar aath inch tak lambi tatha dedh do inch chaudi hoti hain. iska pushp shvetavarn aur sugandhit hota hai. fal gol, kathor tatha gurachai rang ka hota hai. pak jaane par iska rang peela aur svaad madhur ho jaata hai. pratyek fal mein vrukkaakruti shareefe ke samaan chhah se lekar aath tak beej hote hain. fal mein kashaaya dravya (tainin, pekteen aur glookos) hota hai. kachche fal, chhaal or pushp mein kashaaya dravya bahut hota hai. iske atirikt ismein glootaunik aml ki bhi 12.8% maatra hoti hai.

iski lakdi ka upayog imaarati saamaan aadi banaane mein kiya jaata hai. aushadhi ke roop mein iski chhaal, fal, beej tatha pushp ka upayog kiya jaata hai. iski chhaal ka lep fodon par kiya jaata hai tatha rakt sraav hone par iska choorn chhidkane se rakt band ho jaata hai. iske kvaath ka prayog raktavikaar tatha kaf-pit-janya rogon mein karte hain. yeh yonivsti pradar, raktasraav tatha garbhaashaya ki shleshamakata ke shoth ko door karne mein bhi upayogi hai. iski chhaal ka kvaath prameh, sheeghrapatan, raktapradar tatha shvetapradar mein bhi diya jaata hai. iske atirikt kushth, vishmajvar, sarpadansh aur chamada rangane ke kaam mein bhi iski chhaal ka upayog kiya jaata hai.