aaaipits (upagrah)

kaiseeni yaan se li gayi aaaipits ki tasveer jismein iske do alag-alag rang vaale bhaag saaf nazar aa rahe hain
aaaipits ki bhoomadhya chattaan ka ek najdeeki chitr

aaaipits hamaare saur mandal ke chhathe grah shani ka teesara sab se bada upagrah hai. aaaipits saur mandal ke saare upagrahon mein se gyaarahavaaain sab se bada upagrah hai. iski khoj 1671 mein Italy ke khagolashaastri jiovaanni kaiseeni ne ki thi. aaaipits is baat ke liye mashahoor hai ke uske ek bhaag ka rang kaafi halka hai aur dusare bhaag ka rang bahut hi gaadha hai. is upagrah ke theek madhya rekha mein ek uthi hui chattaan dekhi gayi hai jo is chaaaind ke aadhe hisse tak chalti hai. aaaipits ka ghanatv kaafi kam hai aur vaigyaanik anumaan lagte hain ke ismein sirf 20% patthar hai aur baaki sab paani ki barf hai.[1]

anukram

anya bhaashaaon mein

aaaipits ko angreji mein "Iapetus" likha jaata hai. aaaipits praacheen yoonaani dhaarmik kathaaon ka ek paatr tha.

aakaar

aaaipits ka vyaas (daayaameetar) lagbhag 1,490 kimi hai. tulana ke liye pruthvi ke chandrama ka vyaas lagbhag 3,470 kimi hai, yaani aaaipits se lagbhag dhaai guna. iska aakaar ek dhruvon se pichke hue gole ki tarah hai aur bhoomadhya rekha mein thoda sa mota hai. isi vajah se kuchh khagolashaastri iske aakaar ko akhrot jaisa bataate hain.[2]

do rang

17vi sadi mein hi jiovaanni kaiseeni ne sahi andaaja laga liya tha ke aaaipits ka ek rukh gora hai aur ek kaala. aaaipits ke gadhe rang vaale kshetr ko ab "kaiseeni raijio" ke naam se bulaaya jaata hai. maana jaata hai ke jo padaarth is ilaake ko us ka gaadha rang dete hain ve dhoomaketuon ya anya kisi baahari vastuon ke jriye is upagrah par aa gire the. maana jaata hai ke in padaarthon mein kaarban ke kuchh rasaayan aur haidrojan saayanaaid maujood hain.

bhoomadhya chattaan

do rangon ke alaava aaaipits ki bhoo-madhya chattaan bhi ek rahasya hai. yeh 1,300 kimi lambi, ausatan 20 kimi chaudi aur ausatan 13 kimi oonchi hai. iske kuchh hisse to aaspaas ke maidaanon se 20 kimi oopar uthate hain. yeh chattaan sirf gadhe rang vaale kaiseeni raijio kshetr mein milti hai. yeh chattaan kaise bani, iske teen vichaar hain, lekin inmein se koi bhi yeh naheen samjha paata ke yeh sirf gaadhe rang vaale hisse mein kyon hai -

  • kuchh vaigyaanik maanate hain ki pehle aaaipits aaj se adhik garam tha aur apne ghoornan aksh par bahut teji se ghoom raha tha aur iska aakaar aur bhi pichka hua tha. jaise-jaise yeh thanda hua aur dheere hua, iski pichkan kam ho gayi aur iska kuchh malaba dhruvon ki taraf jaane laga. lekin jaise yeh hota gaya, bhoomadhya ka ilaaka pehle hi thanda aur sakht ho chuka tha isliye vah jyon-ka-tyon raha aur ek chattaan ke roop mein rah gaya.
  • anya vaigyaanik kehte hain ke aaaipits ke madhya mein ek gahari daraar pad gayi jise se barfeela malaba bahaar ugala aur fir jamkar yeh chattaan bana gaya.
  • teesara gut kehta hai ke aaaipits ke paas shaayad ek upagrahi chhalla tha jo dheere-dheere ispar girta raha aur is upagrah ke madhya mein yeh oonchi chattaan ki shrunkhala chhod gaya.

inhein bhi dekhein

bahari kadiyaaain

sandarbh

  1. Thomas, P. C. (July 2010). "Sizes, shapes, and derived properties of the saturnian satellites after the Cassini nominal mission" (PDF). Icarus 208 (1): 395–401. Bibcode:2010Icar..208..395T. doi:10.1016/j.icarus.2010.01.025.
  2. Roatsch, T.; Jaumann, R.; Stephan, K.; Thomas, P. C. (2009). "Cartographic Mapping of the Icy Satellites Using ISS and VIMS Data". Saturn from Cassini-Huygens. pp. 763–781. doi:10.1007/978-1-4020-9217-6_24. ISBN 978-1-4020-9216-9.