Swaraj party

chittaranjan das
Motilal Nehru

Swaraj party paraadheen Bhaarat ke svatantrata sangraam ke samay bana ek raajanaitik dal tha. yeh dal bhaarateeyon ke liye adhik sv-shaasan tatha raajaneetik svatantrata ki praapti ke liye kaarya kar raha tha. bhaarateeya bhaashaaon mein Swaraj ka arth hai "apna raajya" .

sthaapana

jab san 1922 mein chauri chaura kaand hua aur Gandhiji ne asahayog aandolan vaapas le liya to kuchh netaaon ne iske virodh mein Swaraj party ki sthaapana ki. in netaaon ka vichaar tha ki asahayog aandolan ko vaapas naheen liya jaana chaahiye tha kyonki is aandolan ko aashcharyachakit karne waali safalta mil rahi thi aur kuchh dinon mein yeh aandolan angreji raaj ki kamar tod deta. December, 1922 mein chittaranjan das, narasinh chintaaman Kelkar aur Motilal Nehru ne Congress-khilaafat svaraajya party naam ke dal ki sthaapana ki jiske adhyaksh chittaranjan das banaaye gaye aur Motilal uske sachiv banaaye gaye. is prakaar Congress mein do dal ban gaye.