Sri Lanka ka bhoogol

hind mahaasaagar ke uttari bhaag me sthit is dweep raashtra ki bhoomi kendreeya pahaado tatha tateeya maidaano se milkar bani hai. vaarshik varsha 2500 se 5000 mi.mi. tak hoti hai. vaarshik taapamaan ka ausat maidaani ilaakon mein 27 degree celcius tatha nuvaara eliya (oonchaai - 1800 meter) ke ilaake mein 15 degree celcius rahata hai.


is desh ka vistaar 6-10 gigri uttari akshaansh ke madhya hone, tatha chaaro or samudra se ghire hone ki vajah se yeh ek ushn katibandheeya jalavaayu kshetr hai. yahaan ki ausat saapekshik aardrata din mein 70% se lekar raat ke samay mein 90% tak ho jaati hai. bhaarateeya upamahaadveep ka hissa samajhe jaane vaale is dweep ko Bhaarat se Pak jaladamaroomadhya alag karta hai. iska kul kshetrafal 65,610 varg kilometer hai tatha iski samudratateeya rekha 1340 kimi lambi hai.

Sri Lanka ki jameen ka utthaan - topoloji


pidurutalagala Sri Lanka ka sarvochch bindu hai jiski samudratal se uainchaai lagbhag 2500 meter hai.[1] yaani evarest ki ooainchaai ke ek tihaai se bhi kam. aadam ka pul (Ram setu) ki tarah Sri Lanka mein ek aadam ki choti bhi hai jo desh ke uttar ki bajaay dakshin mein sthit hai. ise sthaaneeya log shri paad kehte hain kyonki iske shikhar ke sameep ek 1.5 meter ki rachana hai jisko bauddh log Bhagwan buddh ka padachihn maanate hai. hindu log ise Bhagwan Shiv ka padachihn maanate hain to muslim ise aadam ka. yeh desh ki doosari sabse uainchi choti hai jiski samudra tal se koi 2243 meter hai. yeh aaspaas ke ilaakon se bahut unnat tatha sundar dikhta hai tatha paryatakon ke aakarshan ka kendra hai.

sandarbh