Slovakia

slovaak ganaraajya
Slovenská republika
dhvaj kul chinh
raashtravaakya: none
raashtragaan: Nad Tatrou sa blýaaska
("Lightning Over the Tatras")
(tatara ke oopar bijli kaundhati hai)
rajdhani
aur sabse badaa nagar
braatislaava
48°a08′aN 17°a06′aE / 48.133°aN 17.1°aE / 48.133; 17.1
raajabhaasha(eain) slovaak
sarkaar ganaraajya
- raashtrapati Andrej Kiska
- pradhaanamantri Robert Fico
svatantrata chekoslovaakiya se
- Date 1 January, 1993[1]
kshetrafal
- kul 49,035 varg kilometer (130th)
18,933 varg meal
- jal (%) naganya
janasankhya
- 2008 janaganana 54,12,254 (111)
- 2001 janaganana 5,379,455
sakal ghareloo utpaad (PPP) 2005 praakkalan
- kul $85.14 billion (60th)
- prati vyakti $16,041 (45th)
maanav vikaas soochakaank (2003) 0.849
bahut uchch · 42nd
mudra Euro (EUR)
samay mandal CET (yoo॰atee॰asee॰+1)
- greeshmakaaleen (di॰ba॰asa॰) CEST (yoo॰atee॰asee॰+2)
doorabhaash koot 421[2]
Internet teeeladi .sk
  1. chekoslovaakiya check ganaraajya aur Slovakia mein vibhaajit ho gaya tha
  2. 1997 tak check ganaraajya ke saath 42 code tha

Slovakia yurop mahaadveep me sthit ek desh hai. chekoslovaakiya se alag hone ke baad is ganaraajya ka nirmaan hua tha. yahaaain ki rajdhani braatislaava hai.

anukram

itihaas

puraataatvik avasheshon ke adhyayan se yeh pata laga hai ki 1000 isa poorv se pehle Slovakia mein banjaare rahate the jo ek jagah se doosari jagah jaate rahate the. tatpashchaat ileeriyn aur selt jaati ke log yahaaain sthaayi roop se base. lagbhag 100 isa poorv mein jarman senaaon ne in jaatiyon ko yahaaain se khadeda aur swayam yahaaain bas gaye. roman saamraajya ne is ilaake par kabja karne ki koshish ki lekin jarman jaatiyon ko haarne mein asafal rahe. chhathi shataabdi tak slaav log yahaaain bas chuke the.[1]

san 833 mein Slovakia ke kshetr par moraaviyaai saamraajya ne kabja kar liya tha. san 863 mein isaai mishnari (dharm-prachaarak) desh ke logon ka dharm-parivartan karne mein safal rahe, jo aaj tak kaayam hai.[2]

san 907 mein moraaviyaai saamraajya ke bikhr gaya aur san 1018 mein Slovakia hangeriyaai saamraajya ka bhaag ban gaya. is samay mein kshetr ki aarthik unnati hui aur kshetr mein khadaanon se sona, chaandi, evam taanba nikaala gaya. parantu san 1237 mein poorv se taataar logon ne hamla kar diya aur arthavyavastha isse doob gayi. in hamlon se bachaav ke liye saamraajya ne jarman logon ko Slovakia ke kam janasankhya ghanatv vaale kshetron mein basane ke liye bheja. isse jarman logon ka yahaaain aana shuroo hua jiske nateejatan kai khanan vaale shaharon mein jarman log pramukh janajaateeya samooh ban gaye.[3]

chaudaveen aur solahaveen shataabdi mein hangeiriyaai saamraajya ke viruddh vidroh hue. iske baad turkiyon ne Hungary par kabja kar liya, parantu 1686 mein hangeriyn saamraajya ne unhein hara diya aur Slovakia par fir hangeriyn saamraajya ka prabhutv tha.[3]

bhoogol

Slovakia ki sthalaakrutik naksha

Slovakia poorvi Europe mein sthit hai. yeh sabhi taraf se jameen se ghira hai (arthaat iski kisi seema par samudra ya mahaasaagar naheen hai). iska kul kshetrafal 49,035 varg kilometer hai. iske uttar mein Poland hai, dakshin mein Hungary, poorv mein Ukraine aur pashchim mein check ganaraajya evam ostriya. dainyoob nadi raashtra ki rajdhani braatislaava se gujrati hai aur Hungary ke saath Slovakia ki seema ka kaam karti hai.[4][5] desh ka lagbhag 30% ilaaka pahaadi hai.[5]

janasaankhyiki

2008 ke anusaar, Slovakia ki janasankhya 54,12,254 hai aur janasankhya ghanatv hai 110 vyakti prati varg kilometer. 45% janasankhya 5,000 se kam janasankhya vaale gaaainvon mein rahati hai. saaksharata dar 99.6% hai aur ausat aayu 38.3 varsh. desh mein 51.41% striyaaain hain aur 48.59% purush. raashtra ke 86% log slovaak hain, 10% hangeriyaai, 1.7% roma, 1.4% check, 0.3% roosin, 0.1% jarman, 0.1% polish, 0.1% yookreneeyaai aur 0.07% moraaviyaai.[6]

Slovakia mein 69% log roman kaithalik hain, 10% protesteint, 4% yoonaani kaithalik aur 0.9% kattaravaadi isaai (orthodoks isaai). Slovakia mein 4,000 se bhi kam yahoodi hain.[7]

sarkaar

Slovakia 2004 mein Europeeya sangh ka sadasya ban gaya tha tatha 2007 mein usane lisban sandhi par hastaakshar kiye

Slovakia ek sansadeeya ganatantr hai. iske raashtreeya parishad mein 150 sadasya hote hain jinhein har 4 saal mein aam chunaav dvaara chuna jaata hai. san 2002 tak saansad raashtrapati ka chunaav kiya karte the aur raashtrapati banane ke liye ummeedavaar ko kam-se-kam 90 saansadon ke mat haasil karne hote the. 2002 mein Slovakia ke samvidhaan mein sanshodhan kiya gaya aur ab raashtrapati aam chunaavon dvaara chune jaate hain.[8]

raashtreeya parishad mein bahumat se sarkaar banti hai aur is sarkaar ke pramukh pradhaanamantri hote hain.[9]

Slovakia 8 prashaasanik kshetron aur 79 jilon mein bainta hua hai.[10]

nyaaya pranaali

Slovakia mein 55 jila nyaayaalaya hain, 8 kshetreeya nyaayaalaya (uchch nyaayaalaya) hain; aur ek sarvochch nyaayaalaya hai. iske atirikt ek samvaidhaanik nyaayaalaya bhi hai.[11]

arthavyavastha

2008 mein Slovakia ka sakal ghareloo utpaad 95 billion dollar (arab dollar) tha.[6] 1 January 2009 ko Slovakia yoorojon ka bhaag ban gaya aur Euro ne slovaaki kraaun ki jagah le li.

sandarbh

  1. gautafreed 2005, pa॰ 19.
  2. gautafreed 2005, pa॰ 20.
  3. a aa gautafreed 2005, pa॰ 21.
  4. gautafreed 2005, pa॰ 7.
  5. a aa mahoni 2011, pa॰ 9.
  6. a aa mahoni 2011, pa॰ 10-11.
  7. mahoni 2011, pa॰ 11.
  8. gautafreed 2005, pa॰ 33.
  9. gautafreed 2005, pa॰ 33-34.
  10. mahoni 2011, pa॰ 15.
  11. gautafreed 2005, pa॰ 37.

granthasoochi