Robert barns

Robert barns

raabart barns (Robert Burns ; 25 January 1759 – 21 July 1796) skautalaind ka kavi tha. adhikaansh log use skautalaind ka raashtreeya kavi maanate hain. usaki rachanaaeain 'skauts bhaasha' mein hain kintu usane angreji aur Scott bhaasha ki ek boli mein bhi rachanaaeain ki hain.

parichay

Robert barns ka janm 25 January san 1759 ko ellove naamak sthaan par hua tha. unki praarambhik shiksha bilkul alp evam aniyamit thi, kintu pustakein padhne mein vah bahut tanmaya rahate the aur 16 varsh ki avastha mein hi us samay prachalit lalit shiksha ke anek tatvon ko vah grahan kar chuke the. unke oopar pade praarambhik prabhaavon ke antargat kahaaniyon, birhon aur geeton ka naam liya ja sakta hai. san 1781 mein barns ne apne bhaai ke saath ek chhote form ki vyavastha ki kintu usaka parinaam atyant du:khad siddh hua aur apni asafalata ka katu anubhav kar apni maatrubhoomi chhod vah jamaika jaane ke liye udyat hue. kintu yaatra ke liye unke paas dhan naheen tha, etadarth unhonne 1786 E. mein apni kavitaaon ka prasiddh aur amoolya kilmaarnaak sanskaran prakaashit karaaya jisse unki prashansa bahut badh gayi. doosare sanskaran ke prakaashanaarth vah edinbara gaye jahaaain saahityik keindron ke pravar vidvaanon ne unka abhootapoorv svaagat kiya. unke is doosare sanskaran se unhein dhan ki achhi praapti hui, falat: unhonne elislaind ka firm hastagat kar liya, jahaaain ve apni patni jeen aarmar ke saath san 1788 se rahane lage. san 1789 mein unki niyukti aabakaari vibhaag ke kaaryakarta ke pad par hui. kintu doosari baar bhi krushi mein asafalata milne par ve hafreenj chale gaye jahaaain unhonne apne aabakaari vetan par hi jeevanayaapan karne nishchaya kiya. unka vetan 70 pound vaarshik se adhik na ho saka. yuvaavastha ke praarambh mein hi vah naari saundarya ke prati jaagruk the. svaasthya aur saubhaagya mein poornat: ksheen Robert barns ka jeevan 37 varsh tak bahut astavyast raha. gathiya jvar ke kaaran 21 July 1796 ko unki mrutyu ho gayi.

barns ki kaavyakrutiyon mein 'taim au' shaantar sheershak ek katha, 'di kaatars saitarde night' naamak ek varnanaatmak bruhad kavita, do sau se adhik hi anek prakaar ke geet aur vipul sankhya mein likhe unke chhote kaavyapatr, vyangaatmak kavitaaeain, chutakule, shokageet tatha anya prakaar ke vividh padya sammilit hain. 'taim au' shaantar, jaisa barns ne swayam kaha hai, unki sarvotkrusht rachana hai. kavita alankrut bhaav mein likhi hui atyant sundar premakatha hai. yeh haasya aur maanavata ke tatvon se otaprot hai. unki sabse lokapriya rachana 'di kaatars saitarde night' unke pita William barns ka vaastavik chitran prastut karti hai. kis prakaar ek sachcharitr vyakti apna gaarhasthya jeevan param aanand aur pratishtha se vyateet karta hai - yeh is kavita ki vishyavastu hai. ismein Scotland ke krushakon aur unke jeevan ka chitran prabhaavotpaadak hua hai. unka sabse mahatvapoorn patra 'aidres tu di devil' hai, jismein saitan ka sambandh bandhutv tatha maanavata ke avichhinn sauhaard se hai. baayaran ke sadrush barns do mahaan romantic vyangya kaviyon mein ek hai. unki sabse shreshth vyangyaatmak kavitaaeain 'di holi feyar' tatha 'holi vileej preyar' hain jinmein pratham vyaktigat aur saamaajik vyangya par aadhaarit shreshth kruti hai aur doosari ek teekshn evam marmaantak vyangya kalaakruti hai jismein dhaarmik paakhand par prahaar kiya gaya hai. 'di jolly begars' unki ati naatakeeya evam kalpanaapradhaan rachana hai jismein niruddeshya ghumakkadon ka varnan hai. aarnald ke mataanusaar is kavita mein gambheerta, satya tatha oj ka vah pradarshan hai jiska udaaharan keval sheksapeeyar aur aristofaanij ki krutiyon mein hi upalabdh ho sakta hai.

svaabhaavik evam pravaahayukt geetkaar ke roop mein barns ka sthaan Scotland, England athva Europe mein adviteeya hai. unka 'A mains A main faar A dait' maanavata ka gaan hai. ismein svatantrata, samaanata tatha bandhutv ki viplavaatmak pukaar hai.

barns ke adhikaansh patra kabhi kabhi samayaanusaar bhaasha ki krutrimta ko pradarshit karte hue bhi ojapoorn evam gathit hain aur praarambh se lekar ant tak saushthav tatha maanaveeya tatvon ke anoothe gunon se paripoorn hain.