Rio di jenero

oopar baayein se: Rio ka vihangam drushya, shugaralof parvat (braajeel), vyaapaarik kshetr, kraaist the reedimr moorti, erkos di laapa, rodrigo di fretaas jheel aur maaraakaana stadium.

Rio di jenero (purtagaali:Rio de Janeiro yaani "January ki nadi") braajeel ke Rio di jenero raajya ki rajdhani evam desh ka doosra sabse bada nagar hai. yeh shahar dakshin America ka teesara sabse adhik janasankhya wala shahar hai. Rio di jenero shahar kareeb do shataabdiyon tak Brazil ki rajdhani bana raha, 1763 se 1822 tak purtagaali aupaniveshik kaal ke dauraan aur fir 1822 se 1960 tak braajeel ke ek svatantr raashtra ke roop me udaya ke baad. 1808 se 1821 tak yeh purtagaali saamraajya ki bhi rajdhani tha. aamtaur par yeh rio ke naam se jaana jaata hai, shahar ka ek doosra upanaam A Cidade Maravilhosa yaani adbhut shahar bhi prachalit hai.

Rio di jenero apni praakrutik avasthiti, apne kaarnivl utsav, saamba aur anya sangeet aur paryatakon ke liye samudra taton par bane panktibddh hotelon vaale kopaakabaana aur ipaanema jaise taton ke liye prasiddh hai. samudra tat ke alaava yahaan ke sabse prasiddh aakarshanon mein shaamil hain korakovaado parvat par sthit isa maseeh ki vishaal moorti kraaist the reedimr ('kristo rideintaur'), jise aadhunik yug ke vishv ke saat aashcharyon mein se ek maana jaata hai; kebal car yukt shugaralof parvat (Pãao de Açaúacar); saanbodromo naamak ek vishaal sthaayi kaarnivl parade manch aur duniya ke sabse bade football stediymon mein se ek maaraakaana (Maracanã) stadium. 2016 ke greeshmakaaleen olanpik khelon ki mejabaani Rio di jenero ko mili hai aur in khelon ko aayojit karne wala yeh dakshin ameriki ka pehla shahar hoga[1].

vishv ka doosra sabse bada shahari van kshetr: floresta da tijuka, ya "tijuka van" bhi rio mein hi hai, jo duniya ke sabse bade shahari van kshetr Parque Estadual da Pedra Branca, ya white ston state park se lagbhag juda hi hua hai. gailiaao-antoniyo kaarlos jobim antarraashtreeya havaai adda, jise aamtaur par sirf gailiaao (Galeãao) kaha jaata hai Brazil ke kai shaharon ko Rio di jenero se jodta hai aur yahaan se kai antararaashtreeya udaanein bhi sanchaalit hoti hain.

apne aakarshan aur saundarya ke baavajood, Rio ki ginti vishv ke sabse adhik hinsaagrast shaharon me ki jaati hai. hinsak aparaadh ki ghatanaayein jyaadaatar jhuggi bastiyon mein ghatit hoti hai lekin inka asar iske madhyam vargeeya aur uchch vargeeya ilaakon me bhi dekha ja sakta hai. rio mein anya bade shaharon ke vipreet, malin bastiyon shahar ke kuchh sabse dhani ilaakon se sati hui hain.

रियो डि जेनेरो का एक विहंगम दृश्य
Rio di jenero ka ek vihangam drushya

sandarbh