Rajiv Gandhi aavaas yojana

Bhaarat sarkaar dvaara shahari kshetron mein jhuggi jhopadiyon se mukti dilaane aur gareebon ko apna ghar ka sapana poora karaane mein sahaayata ke liye is yojana ki shuruaat ki gayi. 2 June 2011 ko is yojana ke pehle charan ko manjoori di gayi.

kendra sarkaar ne shaharon ko slam mukt karne ke udyeshya hetu Rajiv Gandhi aavaas yojana naamak ek pariyojana ko desh bhar mein laagoo karne ka nirnaya liya. aarthik maamalon ki mantrimandaleeya samiti ne 2 June 2011 ko Rajiv Gandhi aavaas yojana ke tahat ise desh ke 250 shaharon mein laagoo karne ka prastaav paarit kiya. Rajiv Gandhi aavaas yojana ek lakh se jyaada aabaadi vaale har shahar mein laagoo ki jaani hai. saath hi isse laabhaanvit parivaaron ko aavaas ka maalikaana hak bhi diya jaana hai. kendra sarkaar ne iske saath hi shaharon mein rahane vaale gareebon ko aasaani se ghar banaane ke liye karj mil sake, iske liye ek hajaar karod rupaye ka kosh bhi banaaya. gruh mantri pi Chidambaram ke anusaar kendra sarkaar ne 12veen panchavarsheeya yojana ke ant tak desh ko slam mukt karne ka lakshya rakha hai. kendra sarkaar ne Rajiv Gandhi aavaas yojana ko laagoo karne mein raajyon ki bhoomika aham bana di. iske liye har raajya ko apni-apni yojana kendra se saajha karna hai, iske baad hi unhein sambandhit raashi ki bhugataan ki jaaegi. Rajiv Gandhi aavaas yojana ka lakshya do tarah se kaam karna hai. pehla ya to maujooda slam ko hi viksit kiya jaana hai ya fir slam ko kisi baahari jagah le jaana hai. haalaanki donon paristhitiyon mein yojana raajya sarkaar ki hi rahegi. is yojana se slam mein rahane vaale lagbhag 3.2 karod bhaarateeya logon ko behtar jeevanashaili pradaan ki ja sakti hai.