Rajendra Singh (rajjoo bhaiya)

pro॰ Rajendra Singh (rajjoo bhaiya)
janm 29 January 1922
shaahajahaanpur uttar pradesh Bhaarat
mrutyu July 14, 2003(2003-07-14) (umr 81)
Pune Maharashtra Bhaarat

pro॰ Rajendra Singh (angreji:Prof. Rajendra Singh janm:29 January 1922[1] - mrutyu:14 July 2003) raashtreeya swayamsevak sangh ke chauthe sarasanghachaalak the, jinhein sarvasaadhaaran jan se lekar sangh parivaar tak sabhi jagah rajjoo bhaiya ke naam se hi jaana jaata hai. ve Allahabad vishvavidyaalaya mein 1939 se 1943 tak vidyaarthi rahe. tatpashchaat 1943 se 1967 tak bhautiki vibhaag mein pehle pravakta niyukt hue, fir praadhyaapak aur ant mein vibhaagaadhyaksh ho gaye. rajjoo bhaiya Bhaarat ke mahaan ganitjnya hareeshachandr ke bee0esasee0 aur ema0esasee0 (bhautik shaastr) mein sahapaathi the.

anukram

jeevani

rajjoo bhaiya ka janm uttar pradesh ke shaahajahaaainpur shahar ki injeeniyrs kaaloni[2] mein 29 January san 1922 ko in0 (kuainvar) balabeer Singh ki dharmapatni jvaala devi ke garbh se hua tha. us samay unke pitaaji balabeer Singh vahaaain sichaai vibhaag mein abhiynta ke roop mein tainaat the. balabeer Singh ji moolat: uttar pradesh ke bulandashahar janapad ke banail pahaasoo gaaainv ke nivaasi the jo baad mein uttar pradesh ke sichaai vibhaag se mukhya abhiynta ke pad se sevaanivrut hue. ve bhaarateeya engineering seva (aai0i0esa0) mein chayanit hone vaale pratham bhaarateeya the. parivaar ki paramparaanusaar sabhi bachche apni maaain jvaala devi ko "jiyaaji" kehkar sambodhit kiya karte the. apne maata-pita ki kul paaainch santaanon mein rajjoo bhaiya teesare the. unase badi do bahanein - susheela va chandravati theen tatha do chhote bhaai - vijendr Singh va yateendr Singh bhaarateeya prashaasanik seva mein the aur kendra va raajya sarkaar mein uchch padon par rahe.[3]

utprerak aatmakathya

ek pustak[4] mein unhonne yeh rahasyodghaatan us samay kiya tha jab ve raashtreeya swayamsevak sangh ke sarasanghachaalak ke pad ko sushobhit kar rahe the paathakon ki jaankaari hetu ye tathya usi pustak se jyon ke tyon uddhrut kiye ja rahe hain:

"mere pitaaji san 1921-22 ke lagbhag shaahajahaaainpur mein engineer the. unke sameep hi injeeniyron ki us kaaloni mein kaakori kaand ke ek pramukh sahayogi shri premakrushn khanna ke pita shri raayabahaadur raamakrushn khanna bhi rahate the. shri Ram prasaad 'bismil' premakrushn khanna ke saath bahudha is kaaloni ke logon se milne aate the. mere pitaaji mujhe bataaya karte the ki 'bismil' ji ke prati sabhi ke man mein apaar shraddha thi. unka jeevan bada shuddh aur saral, pratidin niyamit yog aur vyaayaam ke kaaran shareer bada pusht aur balashaali tatha mukhamandal oj aur tej se vyaapt tha. unke tej aur purushaarth ki chhaap un par jeevan bhar bani rahi. mujhe bhi ek saamaajik kaaryakarta maankar ve praaya: 'bismil' ji ke baare mein bahut-si baatein bataaya karte the."

pro॰ Rajendra Singh sarasanghachaalak raashtreeya swayamsevak sangh

sangh yaatra

rajjoo bhaiya ki sangh yaatra asaamaanya hai. ve baalyakaal mein naheen yuvaavastha mein sajag va poorn viksit medha shakti lekar prayaag aaye. san 1942 mein M.SC. pratham varsh mein sangh ki or aakarshit hue aur keval ek-dedh varsh ke sampark mein M.SC. paas karte hi ve prayaag vishvavidyaalaya mein vyaakhyaata pad paane ke saath-saath prayaag ke nagar kaayarvaah ka daayitv sainbhaalane ki sthiti mein pahuainch gaye. 1946 mein prayaag vibhaag ke kaaryavaah, 1948 mein jail-yaatra, 1949 mein do teen vibhaagon ko milaakar sanbhaag kaaryavaah, 1952 mein praant kaaryavaah aur 1954 mein bhaaooraav devaras ke praant chhodne ke baad unki jagah poore praant ka daayitv sainbhaalane lage. 1961 mein bhaaooraav ke vaapas lautane par praant-prachaarak ka daayitv unhein vaapas dekar sah praant-prachaarak ke roop mein pun:unke sahayogi bane. bhaaooraav ke kaaryakshetr ka vistaar hua to pun: 1962 se 1965 tak uttar pradesh ke praant prachaarak, 1966 se 1974 tak sah kshetr-prachaarak va kshetr-prachaarak ka daayitv sainbhaala. 1975 se 1977 tak aapaatakaal mein bhoomigat rahakar lokatantr ki vaapasi ka aandolan khada kiya. 1977 mein sah-sarakaaryavaah bane to 1978 March mein maadhavaraav mule ka sar-kaaryavaah ka daayitv bhi unhein hi diya gaya. 1978 se 1987 tak is daayitv ka nirvaah karke 1987 mein ho0 ve0 sheshaadri ko yeh daayitv dekar sah-sarakaaryavaah ke roop mein unke sahayogi bane. 1994 mein tatkaaleen sarasanghachaalak baala saahab devaras ne apne girte svaasthya ke kaaran jab apna uttaraadhikaari khojana shuroo kiya to sabki nigaahein rajjoo bhaiya par thahar gayeen aur 11 March 1994 ko baala saaheb ne sarasanghachaalak ka sheershasth daayitv svayamev unhein saunp diya.

sangh ke itihaas mein yeh ek asaamaanya ghatna thi. prachaar maadhyamon aur sangh ke aalochakon ki aaainkhe is drushya ko dekhkar fati ki fati rah gayeen. unhein vishvaas hi naheen ho raha tha ki jis raashtreeya swayamsevak sangh par ve ab tak mahaaraashtreeyan braahmanon ke ekaadhikaar ki chhavi thopate aaye hain, uske shikhar par uttar Bhaarat ka koi gair-mahaaraashtriyn abraahman pahuainch sakta hai - vah bhi sarvasammati se. rajjoo bhaiya ka shareer us samay rogagrast aur shithil tha kintu unhonne praan-pan se saunpe gaye daayitv ko nibhaane ka ji-tod prayaas kiya. parantu aharnish kaarya aur samaaj-chintan se buri tarah toot chuke apne shareer se bhala aur kab tak kaam liya ja sakta tha. ataev san 1999 mein hi unhonne us daayitv ka bhaar kisi kam umr ke vyakti ko saunpane ka man bana liya. aur ant mein apne sahayogiyon ke aagrahapoorn anurodh ka aadar karte hue ek varsh ki prateeksha ke baad, March 2000 mein sudarshan ji ko yeh daayitv saupakar svaichhik pad-sannyaas ka sangh ke samaksh ek aadarsh prastut kiya.

apratim udaaharan

rajjoo bhaiya ki 60 varsh lambi sangh-yaatra keval is drushti se hi asaamaanya naheen hai ki kis prakaar ve ek ke baad doosra bada daayitv safalataapoorvak nibhaate rahe apitu is drushti se bhi hai ki 1943 se 1966 tak ve prayaag vishvavidyaalaya mein adhyaapan kaarya ke saath-saath ek poornakaalik prachaarak ki bhaaainti yatr-tatr-sarvatr ghoomate hue samast daayitvon ka nirvaah karte rahe. sangh-kaarya hetu apni kshamata ko badhaane ke liye ve sangh shiksha varg mein teen varsh ke paramparaagat prashikshan par nirbhar naheen rahe. pratham varsh ka prashikshan unhonne 1947 mein tab praapt kiya jab ve prayaag ke nagar kaaryavaah ki sthiti mein pahuainch chuke the, dviteeya varsh unhonne 1954 mein bareli ke sangh-shiksha-varg mein us samay kiya jab bhaaooraav devaras unhein samooche praant ka daayitv saunpakar baahar jaane ki taiyaari kar chuke the. truteeya varsh unhonne 1957 mein kiya jab ve uttar pradesh jaise bade praant ka daayitv sainbhaal rahe the. is baat se spasht hai ki unhonne teen varsh ke prashikshan ki aupachaarikta ka nirvaah sangh ke anya svayansevakon ke sammukh yogya udaaharan prastut karne ke liye kiya apne liye yogyata arjit karne ke liye naheen.

prayaag vishvavidyaalaya mein padhaate hue bhi ve sangh-kaarya mein prachaarakavat jute rahe. aupachaarik taur par unhein prachaarak 1958 mein ghoshit kiya gaya par sachaai yeh hai ki unhonne kaaryavaah pad ko prachaarak ki bhoomika swayam pradaan kar di. bhautik shaastr jaise goodh vishay par asaamaanya adhikaar rakhane ke saath-saath atyant saral va rochak adhyaapan shaili aur apne shishyon ke prati sneh bhaavana ke kaaran rajjoo bhaiya prayaag vishvavidyaalaya ke sarvaadhik lokapriya aur safal praadhyaapak the. varishthata aur yogyata ke kaaran unhein kai varshon tak vibhaag ke adhyaksh-pad ka daayitv bhi professor ke saath-saath sainbhaalana pada. kintu yeh sab karte hue bhi ve sangh-kaarya mein apne daayitvon ka nirvaah poori tarah karte rahe. reedar ya professor banane ki koi kaamna unke man mein kabhi naheen jagi. jin dinon prayaag vishvavidyaalaya mein bhautiki vibhaag ke reedar pad ke liye aavaden maaainge gaye unhonne aavedan patra hi naheen diya. sahayogiyon ne poochha ki rajjoo bhaiya! aapne aisa kyon kiya? to unhonne bade sahaj dhaing se uttar diya- "are mera jeevan-kaarya to sangh-kaarya hai, vishvavidyaalaya ki profesari naheen. abhi main saptaah mein chaar din kakshaayein leta hooain, teen din sangh-kaarya ke liye daura karta hooain. kabhi-kabhi bahut koshish karne par bhi vishvavidyaalaya samay par naheen pahuainch paata. abhi to vibhaag ke sab adhyaapak mera sahayog karte hain kintu yadi main reedar pad par abhyaarthi bana to ve mujhe apna pratispardhi samajhne lageinge. isliye kyon is pachade mein fainsana." rajjoo bhaiya ka sampoorn jeevan is baat ka saakshi hai ki unhein pad ki aakaanksha athva usaka moh kabhi raha hi naheen.

vishvavidyaalaya mein adhyaapak rah kar bhi unhonne apne liye dhanaarjan naheen kiya. ve apne vetan ki ek-ek pai ko sangh-kaarya par vyaya kar dete the. sampann parivaar mein janm lene, pablik schoolon mein shiksha paane, sangeet aur cricket jaise khelon mein ruchi hone ke baad bhi ve apne oopar kam se kam kharch karte the. mitvyayata ka ve apoorv udaaharan the. varsh ke ant mein apne vetan mein se jo kuchh bachata use guru-dakshina ke roop mein samaaj ko arpit kar dete the. ek baar raashtradharm prakaashan aarthik sankat mein fains gaya to unhonne apne pitaaji se aagrah karke apne hisse ki dhanaraashi dekar raashtradharm prakaashan ko sankat se ubaara. yeh thi unki sarvatyaagi sannyast vrutti ki abhivyakti!

samvedansheel ant:karan

ni:svaarth sneh aur nishkaam karm saadhana ke kaaran rajjoo bhaiya sabke priya tha. sangh ke bheetar bhi aur baahar bhi. purushottam das tandan aur laal bahaadur shaastri jaise raajanetaaon ke saath-saath prabhudatt brahmachaari jaise santon ka vishvaas aur sneh bhi unhonne arjit kiya tha. bahut samvedansheel ant:karan ke saath-saath rajjoo bhaiya ghor yathaarthavaadi bhi the. ve kisi se bhi koi bhi baat nissankoch kah dete the aur unki baat ko taalana kathin ho jaata tha. aapaatakaal ke baad janta party ki sarkaar mein jab naanaaji Deshmukh ko udyog mantri ka pad dena nishchit ho gaya to rajjoo bhaiya ne unase kaha ki naanaaji agar aap, atalaji aur aadavaaneeji - teenon sarkaar mein chale jaayeinge to baahar rahakar sangathan ko kaun sainbhaalega? naanaaji ne unki ichha ka aadar karte hue turant mantreepad thukara diya aur janta party ka mahaasachiv banana sveekaar kiya. chaahe atalaji hon, ya aadavaaneeji; ashokaji sinhal hon, ya dattopant theingadeeji - harek sheersh neta rajjoo bhaiya ki baat ka aadar karta tha; kyonki uske peechhe svaarth, kutilta ya gutabandi ki bhaavana naheen hoti thi. is drushti se dekhein to rajjoo bhaiya sachmuch sangh-parivaar ke na keval bodhi-vruksh apitu sabko jodne waali kadi the, naitik shakti aur prabhaav ka srot the. unke chale jaane se keval sangh hi naheen apitu Bhaarat ke saarvajanik jeevan mein ek yug ka ant ho gaya hai. rajjoo bhaiya keval haad-maaains ka shareer naheen the. ve swayam mein dhyeyanishtha, sankalp va moortimnt aadarshavaad ki saakshaat pratimoorti the. isliye rajjoo bhaiya sabhi ke ant:karan mein sadaiv jeevit raheinge. dekha jaaye to rajjoo bhaiya aaj mar kar bhi amar hain.

rajjoo bhaiya ki peeda

rajjoo bhaiya is baat se bade dukhi the ki kraantikaari 'bismil' ke naam par is desh mein koi bhavya smaarak hamaare neta log naheen bana sake. ve Turkey ke raashtreeya smaarak jaisa smaarak Bhaarat ki rajdhani Delhi mein bana hua dekhna chaahate the. unhonne kaha tha: "lachhedaar bhaashan dekar apni chhavi ko nikhaarane ke liye taaliyaaain bator lena alag baat hai, nepathya mein rahakar doosaron ke liye kuchh karna alag baat hai." ve chintak the, maneeshi the, samaaj-sudhaarak the, kushal sangathak the aur kul milaakar ek bahut hi sahaj aur sarvasulabh mahaapurush the. aisa vyakti badi deergh avadhi mein koi ekaadh hi paida hota hai[5].

sandarbh

  1. tarun vijay paanchajanya nai Delhi 27 July 2003
  2. madan laal varma 'kraant' sarafaroshi ki tamanna (bhaag-1) prushth-7(aashirvachan)1997 praveen prakaashan Delhi
  3. tarun vijay paanchajanya nai Delhi 27 July 2003 prushth chaar
  4. madanalaal varma 'kraant' sarafaroshi ki tamanna (bhaag-1) prushth 7 1997 praveen prakaashan Delhi
  5. hindu sabha vaarta (saaptaahik) nai Delhi varsh:27 ank;31 (30 July-5 August 2003) lekh: pro॰ Rajendra Singh (rajjoo bhaiya) prushth-12

inhein bhi dekhein

baahari kadiyaaain