Rajasthan

is lekh mein satyaapan hetu atirikt sandarbh athva sroton ki aavashyakta hai. krupaya vishvasaneeya srot jodkar is lekh mein sudhaar karein. srotaheen saamagri ko chunauteedi ja sakti hai aur hataaya bhi ja sakta hai. (December 2015)

is lekh athva vibhaag mein sandarbh ki soochi athva baahari kadiyaaain hain, parantu iske srot aspasht hain kyonki ismein uddharan naheen hain. aap sateek uddharan daalkar is lekh ko behtar bana sakte hain.

Rajasthan

Bhaarat ke praant
rajdhani	Jaipur
sabse bada shahar	Jaipur
janasankhya	68,621,012
- ghanatv	201 /kimee²
kshetrafal	342,239 kimee²
- jile
raajabhaasha(eain)	hindi, raajasthaani, gujaraati
pratishtha	1 November 1956
- raajyapaal	kalyaan Singh
- mukhyamantri	vasundhara raaje sindhiya
- vidhaanasabha	{{{vidhaanasabha}}}
aaiesao sankshep	IN-RJ
www.rajasthan.gov.in

Rajasthan Bhaarat ka ek praant hai. yahaaain ki rajdhani Jaipur hai.

Rajasthan Bhaarat ganaraajya ka kshetrafal ke aadhaar par sabse bada raajya hai. iske pashchim mein Pakistan, dakshin-pashchim mein Gujarat, dakshin-poorv mein Madhya Pradesh, uttar mein Punjab (Bhaarat), uttar-poorv mein uttarapradesh aur Haryana hai. raajya ka kshetrafal 3,42,239 varg ki॰mee॰ (1,32,139 varg meal) hai. GDP ke dar se yeh nave (9) number pe aata hai uttar pradesh aur Bihar bhi GDP dar mein isse kahi aage hai shiksha dar mein bhi yeh raajya apne padosi raajyon jaise Punjab Gujarat se bahut pichhda hai

Jaipur raajya ki rajdhani hai. bhaugolik visheshataaon mein pashchim mein thaar maroosthal aur ghaggar nadi ka antim chhor hai. vishv ki puraatan shreniyon mein pramukh araavali shreni Rajasthan ki ek maatr parvat shreni hai, jo ki paryatan ka kendra hai, mount Abu aur vishvavikhyaat dilvaada mandir sammilit karti hai. poorvi Rajasthan mein do baagh abhayaaranya, ranathambhaur evam sariska hain aur bharatapur ke sameep kevalaadev raashtreeya udyaan hai, jo sudoor saaiberiya se aane vaale saarason aur badi sankhya mein sthaaneeya prajaati ke anekaanek pakshiyon ke sanrakshit-aavaas ke roop mein viksit kiya gaya hai.

praacheen kaal mein Rajasthan

meena raaja embar (Jaipur) sahit Rajasthan ke pramukh bhaagon ke praarambhik shaasak the. praacheen samay mein Rajasthan me meena vansh ke raajaao ka shaasan tha. sanskrut mein matsya raajya ka rigved mein ullekh kiya gaya tha. baad mein bheel aur meena, (videshi logon) jo synthian, hepthalite ya anya madhya Asiaee guton ke saath aaye the, mishrit hue. meena raaja ambar (Jaipur raaj) sahit Rajasthan ke pramukh bhaagon ke praarambhik shaasak the. 12veen sadi tak Rajasthan ke bhaag par gurjaron ka raajya raha hai. Gujarat tatha Rajasthan ka adhikaansh bhaag gurjaratra (gurjaron se rakshit desh) ke naam se jaana jaata tha.^[1][2][3] gurjar pratihaaron ne 300 saal tak poore uttari-Bhaarat ko arab aakraantaaon se bachaaya tha. is kaaran inhein raashtra rakshak veer gurjar bhi kaha jaata hai!^[4] baad mein jab rajput jaati ne is raajya ke vividh bhaagon par apna kabja jama liya to un bhaagon ka naamakaran apne-apne vansh, kshetr ki pramukh boli athva sthaan ke anuroop kar diya. ye raajya the- Udaipur, doongarapur, baansavaada, prataapagadh, Jodhpur, Bikaner, kishnagadh, (jaalor) sirohi, kota, boondi, Jaipur, alavar, bharatapur, karauli, jhaalaavaad aur tonk.^[5] britishkaal mein Rajasthan 'rajputana' naam se jaana jaata tha. raaja mahaaraana prataap apni asadhaaran raajyabhakti aur shaurya ke liye jaane jaate hain. in raajyon ke naamon ke saath-saath inke kuchh bhoo-bhaagon ko sthaaneeya evam bhaugolik visheshataaon ke parichaayak naamon se bhi pukaara jaata raha hai. par tathya yeh hai ki Rajasthan ke adhikaansh tatkaaleen kshetron ke naam vahaan boli jaane waali pramukhatam boliyon par hi rakhe gaye the. udaaharanaarth dhoondhaadi-boli ke ilaakon ko dhoondhaad (Jaipur) kehte hain. 'mevaati' boli vaale niktavarti bhoo-bhaag alavar ko 'mevaat', Udaipur kshetr mein boli jaane waali boli'mevaadi' ke kaaran Udaipur ko mevaad, brajabhaasha-baahulya kshetr ko 'braj', 'maaravaadi' boli ke kaaran Bikaner-Jodhpur ilaake ko 'maaravaad' aur 'vaagadi' boli par hi doongarapur-baansavaada adi ko 'vaagad' kaha jaata raha hai. doongarapur tatha Udaipur ke dakshini bhaag mein praacheen 56 gaanvon ke samooh ko ""chhappan"" naam se jaante hain. maahi nadi ke tateeya bhoo-bhaag ko 'koyal' tatha Ajmer ke paas vaale kuchh pathaari bhaag ko 'uparamaal' ki sanjnyaa di gayi hai.^[6][7]

Rajasthan ka ekeekaran

Rajasthan Bhaarat ka ek mahatvapoorn praant hai. yeh 30 March 1949 ko Bhaarat ka ek aisa praant bana, jismein tatkaaleen rajputana ki taakatavar riyaasatein vileen huin. bharatapur ke jaat shaasak ne bhi apni riyaasat ke vilay Rajasthan mein kiya tha. Rajasthan shabd ka arth hai: 'raajaaon ka sthaan' kyonki yahaan gurjar, rajput, maurya, jaat aadi ne pehle raaj kiya tha. Bhaarat ke samvaidhaanik-itihaas mein Rajasthan ka nirmaan ek mahatvapoorn upalabdhi thi. british shaasakon dvaara Bhaarat ko aajaad karne ki ghoshana karne ke baad jab satta-hastaantaran ki kaaryavaahi shuroo ki, tabhi lag gaya tha ki aajaad Bhaarat ka Rajasthan praant banana aur rajputana ke tatkaaleen hisse ka Bhaarat mein vilay ek doobhar kaarya saabit ho sakta hai. aajaadi ki ghoshana ke saath hi rajputana ke deshi riyaasaton ke mukhiyaaon mein svatantr raajya mein bhi apni satta barkaraar rakhane ki hod si mach gayi thi, us samay vartamaan Rajasthan ki bhaugaalik sthiti ke najariye se dekhein to rajputana ke is bhoobhaag mein kul baais deshi riyaasatein thi. inmein ek riyaasat Ajmer-meravaada praant ko chhod kar shesh deshi riyaasaton par deshi raaja mahaaraajaaon ka hi raaj tha. Ajmer-meravaada praant par british shaasakon ka kabja tha; is kaaran yeh to seeghe hi svatantr Bhaarat mein aa jaati, magar shesh ikkees riyaasaton ka vilay hona yaani ekeekaran kar 'Rajasthan' naamak praant banaaya jaana tha. satta ki hod ke chalte yeh bada hi doobhar lag raha tha, kyonki in deshi riyaasaton ke shaasak apni riyaasaton ke svatantr Bhaarat mein vilay ko doosari praathamikta ke roop mein dekh rahe the. unki maang thi ki ve saalon se khud apne raajyon ka shaasan chalaate aa rahe hain, unhein iska deerghakaaleen anubhav hai, is kaaran unki riyaasat ko 'svatantr raajya' ka darja de diya jaae. kareeb ek dashak ki oohaapoh ke beech 18 March 1948 ko shuroo hui Rajasthan ke ekeekaran ki prakriya kul saat charanon mein ek November 1956 ko poori hui. ismein Bhaarat sarkaar ke tatkaaleen deshi riyaasat aur gruh mantri sardaar vallabh bhaai Patel aur unke sachiv vee॰ pee॰ Menon ki bhoomika atyant mahatvapoorn thi. inki soojhaboojh se hi Rajasthan ke vartamaan svarup ka nirmaan ho saka. Rajasthan me kul 21 raashtreeya raajamaarg gujarte hain.

Rajasthan ki aakruti lagbhag pataङagaakaar hai. raajya 23 3 se 30 12 akshaansh aur 69 30 se 78 17 deshaantar ke beech sthit hai. iske uttar mein Pakistan, Punjab aur Haryana, dakshin mein Madhya Pradesh aur Gujarat, poorv mein uttar pradesh aur Madhya Pradesh evam pashchim mein Pakistan hain.

sirohi se alavar ki or jaati hui 480 ki॰mee॰ lambi araavali parvat shrrunkhala praakrutik drushti se raajya ko do bhaagon mein vibhaajit karti hai. Rajasthan ka poorvi sambhaag shuru se hi upajaaoo raha hai. is bhaag mein varsha ka ausat 50 se.mi. se 90 se.mi. tak hai. Rajasthan ke nirmaan ke pashchaat chambal aur maahi nadi par bade-bade baandh aur vidyut gruh bane hain, jinse Rajasthan ko sinchaai aur bijli ki suvidhaaen upalabdh hui hai. anya nadiyon par bhi madhyam shreni ke baandh bane hain, jinse hajaaron haiktar sinchaai hoti hai. is bhaag mein taamba, jasta, abhrak, panna, gheeya patthar aur anya khanij padaarthon ke vishaal bhandaar paaye jaate hain.

raajya ka pashchimi bhaag desh ke sabse bade registaan " thaar" ya 'thaarapaakar' ka bhaag hai. is bhaag mein varsha ka ausat 12 se.mi. se 30 se.mi. tak hai. is bhaag mein looni, baandi aadi nadiyaan hain, jo varsha ke kuchh dinon ko chhodkar praaya: sookhi rahati hain. desh ki svatantrata se poorv Bikaner raajya gangaanahar dvaara Punjab ki nadiyon se paani praapt karta tha. svatantrata ke baad Rajasthan indas besin se raavi aur vyaas nadiyon se 52.6 pratishat paani ka bhaageedaar ban gaya. ukt nadiyon ka paani Rajasthan mein laane ke liye san 1958 mein 'Rajasthan nahar' (ab indira Gandhi nahar) ki vishaal pariyojana shuru ki gayi. Jodhpur, Bikaner, chooroo evam baadmer jilon ke nagar aur kai gaanvon ko nahar se vibhinn "lift pariyojanaaon" se pahunchaaye gaye peene ka paani upalabdh hoga. is prakaar Rajasthan ke reFDgistaan ka ek bada bhaag antat: shasya shyaamala bhoomi mein badal jaayega. sooratagadh jaise kai ilaako mein yeh najaara dekha ja sakta hai.

ganga besin ki nadiyon par banaai jaane waali jal-vidyut yojanaaon mein bhi Rajasthan bhi bhaageedaar hai. ise is samay bhaakhara-naangal aur anya yojanaaon ke krushi evam audyogik vikaas mein bharpoor sahaayata milti hai. Rajasthan nahar pariyojana ke alaava is bhaag mein javaai nadi par nirmit ek baandh hai, jisse na keval vistrut kshetr mein sinchaai hoti hai, varan Jodhpur nagar ko peyajal bhi praapt hota hai. yeh sambhaag abhi tak audyogik drushti se pichhda hua hai. par ummeed hai, is kshetr mein jyo-jyon bijli aur paani ki suvidhaaen badhti jaayeingi audyogik vikaas bhi gati pakad lega. is baag mein lignaait, fularsaarth, tangastan, baintonaait, jipsam, sangamaramar aadi khanij prachur maatra mein paaye jaate hain. jaisalamer kshetr mein kachcha tel milne ki achhi sambhaavanaaen hain. haal hi ki khudaai se pata chala hai ki is kshetr mein uchch kism ki praakrutik gas bhi prachur maatra mein upalabdh hai. ab vah din door naheen, jabki Rajasthan ka yeh bhaag bhi samruddhishaali ban jaaega.

raajya ka kshetrafal 3.42 lakh varg ki.mi hai jo Bhaarat ke kul kshetrafal ka 10.40 pratishat hai. yeh Bhaarat ka sabse bada raajya hai. varsh 1996-97 mein raajya mein gaanvon ki sankhya 37889 aur nagaron tatha kasbon ki sankhya 222 thi. raajya mein 33 jila parishdein, 235 panchaayat samitiyaan aur 9125 gram panchaayatein hain. nagar nigam 4 aur sabhi shreni ki nagarapaalikaaen 180 hain.

san 1991 ki janaganana ke anusaar raajya ki janasankhya 4.39 karod thi. janasankhya ghanatv prati varg ki॰mee॰ 126 hai. ismein purushon ki sankhya 2.30 karod aur mahilaaon ki sankhya 2.09 karod thi. raajya mein dashak vruddhi dar 28.44 pratishat thi, jabki Bhaarat mein yeh ausat dar 23.56 pratishat thi. raajya mein saaksharata 38.81 pratishat thi. jabki Bhaarat ki saaksharata to keval 20.8 pratishat thi jo desh ke anya raajyon mein sabse kam thi (?????). raajya mein anusoochit jaati evam anusoochit janajaati raajya ki kul janasankhya ka kramash: 17.29 pratishat aur 12.44 pratishat hai.

Rajasthan ki jalavaayu shushk se up-aardr maanasooni jalavaayu hai. araavali ke pashchim mein nyoon varsha, uchch dainik evam vaarshik taapaantar, nimn aardrata tatha teevr havaaon yukt shushk jalavaayu hai. doosari or araavali ke poorv mein ardhashushk evam up-aardr jalavaayu hai. akshaansheeya sthiti, samudra se doori, samudra taal se se oonchaai, araavali parvat shreniyon ki sthiti evam disha, vanaspati aavaran aadi sabhi yahaaain ki jalavaayu ko prabhavit karte hain.

1. Rajasthan vishvavidyaalaya Jaipur
2. Rajasthan takaneeki vishvavidyaalaya
3. Rajasthan kendreeya vishvavidyaalaya
4. jaya Narayan vyaas vishvavidyaalaya, Jodhpur
5. Modi praudyogiki tatha vigyaan sansthaan, lakshmanagadh,seekar jila (maanad vish‍aavavidyaalaya)
6. vanasthali vidyaapeeth (maanad vish‍aavavidyaalaya), Udaipur
7. Rajasthan vidyaapeeth (maanad vish‍aavavidyaalaya), Udaipur
8. bidla praudyogiki evam vigyaan sansthaan, Pilani (maanad vish‍aavavidyaalaya),
9. I. I. S. vish‍aavavidyaalaya (maanad vish‍aavavidyaalaya)
10. jain vish‍aav bhaarati vish‍aavavidyaalaya (maanad vish‍aavavidyaalaya) laadanoon
11. elaenaem soochana praudyogiki sans‍aathaan (maanad vish‍aavavidyaalaya)
12. maalaveeya raash‍aatreeya praudyogiki sans‍aathaan (maanad vish‍aavavidyaalaya) Jaipur
13. mohan laal sukhaadiya vish‍aavavidyaalayaudayapur
14. raash‍aatreeya vidhi vish‍aavavidyaalaya, Jodhpur
15. raajas‍aathaan krushi vishvavidyaalaya, Bikaner
16. raajas‍aathaan aayurved vishvavidyaalaya
17. raajas‍aathaan sans‍aakrut vishvavidyaalaya Jaipur
18. Bikaner vishvavidyaalaya, Bikaner
19. kota vishvavidyaalayakota
20. mahaaveer kota khula vishvavidyaalaya kota

mukhya lekh : Rajasthan ki mahatvapoorn kala-sanskruti ikaaiyaan

Jaipur

havaamahal,Jaipur.

1. Jaipur iske bhavya kilon, mahalon aur sundar jheelon ke liye prasiddh hai, jo vishvabhar se paryatakon ko aakarshit karte hain.
2. chandramahal (city pailes) mahaaraaja jayasinh (dviteeya) dvaara banavaaya gaya tha aur mugal auऱ raajasthaani sthaapatya ka ek sanyojan hai.
3. mahaaraaja savaai prataap Singh ne havaamahal 1799 E. mein banavaaya jiske vaastukaar laalachand usta the.
4. aamer durg mein mahalon, vishaal kakshon, stanbhadaar darshak-deerghaaon, bageechon aur mandiron sahit kai bhavan-samooh hain.
5. aamer mahal mugal auऱ hindu sthaapatya shailiyon ke mishran ka utkrusht udaaharan hai.
6. elbart hall naamak myoojiym 1876 mein, prince of vels ke Jaipur aagaman par savaai raamasinh dvaara banavaaya gaya tha aur 1886 mein janta ke liye khola gaya.
7. gavarnament sentral myoojiym mein haatheedaant krutiyon, vastron, aabhooshanon, nakkaasheedaar kaashth krutiyon, laghuchitron, sangamaramar pratimaaon, shastron auऱ hathiyaaron ka samruddh sangrah hai.
8. savaai jayasinh (dviteeya) ne apni sisodiya raani ke nivaas ke liye 'sisodiya raani ka baag' bhi banavaaya.
9. jalamahal, shaahi battakh-shikaar ke liye banaaya gaya maanasaagarjheel ke beech sthit ek sundar mahal hai.
10. 'kanak vrundaavan' apne praacheen govindev vigrah ke liye prasiddh Jaipur mein ek lokapriya mandir-samooh hai.
11. Jaipur ke baajaar jeevant hain aur dukaanein rang birange saamaanon se bhari hai, jismein hathakaragha-utpaad, bahumoolya ratnaabhooshan, vastr, meenaakaari-saamaan, raajasthaani chitr aadi shaamil hain.
12. Jaipur sangamaramar ki pratimaaon, blue pautari auऱ raajasthaani jootiyon ke liye bhi prasiddh hai.
13. Jaipur ke pramukh baajaar, jahaan se aap kuchh upayogi saamaan khareed sakte hain, jauhari baajaar, Bapu baajaar, Nehru baajaar, chauda raasta, tripoliya baajaar aur M.I. rod hain.
14. Rajasthan raajya parivhan nigam (RSRTC) ki uttar Bhaarat ke sabhi prasukh gantavyon ke liye bas sevaaen hain.
15. Jaipur ke nikat viraat nagar (puraana naam bairaath) jahaaain paandavon ne ajnyaaatavaas kiya tha, mein panyachakhand parvat par vajraang mandir naamak ek anokha devaalaya hai jahaaain hanumaan ji ki bina bandar ki mukhaakruti aur bina poonchh waali moorti sthaapit hai jiski sthaapana amar svatantrata senaani, yashasvi lekhak mahaatma raamachandr veer ne ki thi.

bharatapur

1. 'poorvi Rajasthan ka dwaar' bharatapur, Bhaarat ke paryatan maanachitr mein apna mahatva rakhata hai.
2. Bhaarat ke vartamaan maanachitr mein ek pramukh paryatak gantavya, bharatapur paanchavi sadi isa poorv se kai avasthaaon se gujar chuka hai.
3. 18 veen sadi ka ghana pakshi abhayaaranya , jo kevalaadev ghana raashtreeya udyaan ke roop mein bhi jaana jaata hai.
4. lohaagadh aayaran fort ke roop mein bhi jaana jaata hai, lohaagadh bharatapur ke pramukh aitihaasik aakarshanon mein se ek hai.
5. bharatapur sangrahaalaya Rajasthan ke vigat shaahi vaibhav ke saath shauryapoorn ateet ke saakshaatkaar ka ek pramukh srot hai.
6. ek sundar bageecha, Nehru park, jo bharatapur sangrahaalaya ke paas hai.
7. deeg jalamahal ek aakarshak raajamahal hai, jo bharatapur ke jaat shaasakon ne banavaaya tha.

Jodhpur

1. raathaudon ke roop mein prasiddh ek vansh ke pramukh, Rao jodha ne jis Jodhpur ki san 1459 mein sthaapana ki thi, Rajasthan ke pashchimi bhaag mein kendra mein sthit raajya ka doosra sabse bada shahar hai aur darshaneeya mahalon, durgon auऱ mandiron ke kaaran ek lokapriya paryatak gantavya hai.
2. shahar ki arthavyastha mein hathakaragha, vastr udyog aur dhaatu aadhaarit udyogon ka yogadaan hai.
3. meharaanagadh durg, 125 meter ooncha auऱ 5 kimi ke kshetrafal mein faila hua, Bhaarat ke bade durgon mein se ek hai jismein kai susajjit mahal jaise moti mahal, fool mahal, sheesh mahal sthit hain. andar sangrahaalaya mein bhi laghuchitron, sangeet vaadya yantron, poshaakon, shastraagaar aadi ka ek samruddh sangrah hai.

savaai maadhopur

# savaai maadhopur shahar ki sthaapana Jaipur ke poorv mahaaraaja savaai maadhosinh pratham ne 1765 isvi mein ki thi aur inheen ke naam par 15 May, 1949 E. ko savaai maadhopur jila banaaya gaya. meena baahulya is jile ka aitihaasikta ke tor par kaafi mahatva hai.

1. Rajasthan raajya ka pratham raashtreeya udyaan isi jile mein sthit hai, jise ranathanbhaur raashtreeya udyaan ke naam se jaana jaata hai. is udyaan ke kaaran savaai maadhopur ko 'tiger city' ke naam se bhi Rajasthan mein pehchaan mili hui hai.
2. savaai maadhopur jile mein chauhaan vansh ka aitihaasik ranathanbhor durg vishv dharohar mein shaamil hai, apni praakrutik banaavat va surakshaatmak drushti se abhedya yeh durg vishv mein anootha hai. is durg ka sabse prasiddh shaasak mahaaraaja hammeer Dave chauhaan Rajasthan ke itihaas mein apne hath ke kaaran kaafi prasiddh raha hai.

sooti vastr udyog

Rajasthan mein sabse pehle 1889 mein the Krishna mils limited ki sthaapana deshbhakt seth Damodar das ne byaavar nagar mein ki thi . yeh Rajasthan ki pehli sooti vastr mil thi .

cheeni udyog

Rajasthan mein sarvapratham chittaudgadh jile mein bhopaalasaagar nagar mein cheeni mil the mevaad sugar mils ke naam se san 1932 mein praarambh ki gayi . doosra kaarkhaana san 1937 mein shreegangaanagar mein the shreegangaanagar sugar mils ke naam se sthaapit hua . ismein mil mein shakkar banaane ka kaarya 1946 mein praarambh hua . 1956 mein is cheeni mil ko raajya sarkaar ne adhigruheet kar liya tatha yeh saarvajanik kshetr mein aa gayi .

1965 mein boondi jile ke keshoraayapaatan mein cheeni mil sahakaari kshetr mein sthaapit ki gayi .

san 1976 mein Udaipur mein cheeni mil niji kshetr mein sthaapit ki gayi .

chukandar se cheeni banaane ke liye shreeganganagar sugar mils limited mein ek yojana 1968 mein aarambh ki gayi thi .

seement udyog

seement udyog ki drushti se 'Rajasthan ka poore Bhaarat mein pratham sthaan hai . yahaan par sarvapratham 1904 mein samudri seepiyon se seement banaane ka prayaas kiya gaya tha . 1915 E. Rajasthan mein laakheri ,boondi mein klik Nixon company dvaara sarvapratham ek seement sanyantr sthaapit kiya gaya . 1917 mein is kaarkhaane mein seement banaane ka kaarya praarambh kiya gaya .

kaaainch udyog

Rajasthan mein kaaainch praapti ke mukhya sthal Jaipur ,Bikaner ,boondi tatha dhaulapur jile hai jahaan upayukt roop se kaaainch ki praapti hoti hai . the haai teknikl preeseejan glaas varks saarvajanik kshetr mein dhaulapur mein Rajasthan sarkaar ka upakram hai jo shreegangaanagar sugar mils ke adheen hai . kaaainch udyog ke maamale mein Rajasthan uttar pradesh ke baad dusare sthaan par hai .

oon udyog

sampoorn bhaaratavarsh mein 42% oon Rajasthan se utpaadit hoti hai . is kaaran Rajasthan bhar mein kai oon udyog ki milein vidyamaan hai jismein state voolan mils (Bikaner ) ,Jodhpur oon factory ,videshi aayaat - niryaat sanstha , kota ityaadi hai .

• Rajasthan sarkaar
• Rajasthan ke shahar
• Rajasthan ke Loksabha sadasya

• Rajasthan ka ekeekaran (Rajasthan etalas - maanachitraavali)
• Rajasthan - ek parichay
• Rajasthan – ek parichay (indiya vaatar portal)
• Rajasthan ka sthaapatya evam chitrakala