Osama bin Laden

Osama bin Laden ki tasveer

Osama bin Laden (10 March 1957 - 2 May 2011) al kaayada naamak aatanki sangathan ka pramukh the. yeh sangathan 11 September 2001 ko amareeka ke New York shahar ke world trade center par hue hamle ke saath vishv ke kai deshon mein aatank failaane aur aatanki gatividhiyaan sanchaalit karne ka doshi hai. 2 May 2011 ko Pakistan mein Amreeki sena ne ek hamle me unhe maar daala.

anukram

jeevan parichay

Saudi arab ke ek dhani parivaar mein 10 March 1957 mein paida hue Osama bin Laden, amareeka par 9/11 ke hamlon ke baad duniya bhar mein charcha mein aae. yah mohammad bin Laden ke 52 bachchon mein se 17va the. mohammad bin Laden Saudi arab ke arabpati bildar the jinki company ne desh ki lagbhag 80 feesadi sadkon ka nirmaan kiya tha.

jab Osama ke pita ki 1968 mein ek helikauptar durghatana mein mrutyu hui tab vo yuvaavastha mein hi karodpati ban gaye. Saudi arab ke shaah abdulla ajeej vishvavidyaalaya mein civil injeeniyring ki padhaai ke dauraan ve kattarpanthi islaami shikshakon aur chhaatron ke sampark mein aae.

anek bahason aur adhyayan ke baad ve pashchimi deshon mein moolyon ke patan ke khilaaf aur islaam ke kattarpanthi guton ke samarthan mein khade ho gaye. isse pehle apne parivaar ke saath yurop mein manaai gayi chhuttiyon ki tasveeron mein Osama ko faishanebal kapadon mein bhi dekha ja sakta hain.

2016

afvaahein

kuchh samaachaar patron ke anusaar Osama bin Laden abhi tak jinda hai aur vo vartamaan mein America mein rah raha hai .[1] yeh sab America ki CIA ke poorv karmachaari Edward snodan ne daava kiya hai .

hathiyaar ki sohabat

December 1978 mein jab soviyt sangh ne Afghanistan par hamla kiya to Osama ne aaraamaparast jidangi ko chhod mujaahideen ke saath haath milaaya aur shastr utha liye.

afgaanistaan mein unhonne maktab-al-khidmat ki sthaapana ki jismein duniya bhar se logon ki bharti ki gayi aur soviyt faujon se ladne ke liye upakaranon ka aayaat kiya gaya. afgaanistaan mein arab logon ke saath milkar abhiyaan karte vakt hi unhone al kaayada ke mool sangathan ki sthaapana kar li thi. afgaanistaan mein mujaahideen ka saath dene ke baad jab vo vaapas saaoodi arab pahuainche to unhonne saaoodi arab ke shaasakon ka virodh kiya. Osama ka maanana tha ki saaoodi arab ke shaasakon ne hi Amreeki sena ko saaoodi jameen par aane ke liye aamantrit kiya tha. madhya poorv mein Amreeki sena ki maujoodagi se naaraaj Osama bin Laden ne 1998 mein amareeka ke khilaaf yuddh ki ghoshana kar di thi.

varsh 1994 mein Amreeki dabaav ke kaaran Saudi arab mein unki naagarikta khtm kar di thi aur uske baad ve soodaan aur fir January 1996 mein dobaara afgaanistaan me pahuainch gaye. gauratalab hai ki varsh 1998 mein hi keeniya aur tanjaaniya mein Amreeki dootaavaason mein hue do bam dhamaakon mein 224 log maare gaye aur 5000 ghaayal hue. amareeka ne Osama aur unke 16 sahayogiyon ko pramukh sandigdh bataaya.

iske baad amareeka Osama ko dushman ke roop mein dekhne laga aur khufiya agency efbeeaai ki most vaaaintid list mein unhein pakadne ya maarane ke liye 2.5 karod dollar ke puraskaar ki ghoshana ki gayi.

9/11 ke aaropi

afreeka mein bam ghatnaaon ke saath-saath amareeka ne unhein 2001 ke world trade center mein bam dhamaake, 1995 mein riyaad mein car bam dhamaake, Saudi arab mein truck bam hamle ka doshi paaya.

maut

Pakistan ke Abbottabad shahar mein hue Amreeki sena ke abhiyaan mein 2 May 2011 ko use maar daala gaya. Osama bin Laden ki maut ke 12 ghante ke baad amareeka ke vimaan vaahak pot yooesaes kaarl vinsan par shav ko ek safed chaadar mein lapet kar ek bade thaile mein rakha gaya aur fir arab saagar mein utaar diya gaya. Amreeki adhikaari ke mutaabik, Saudi arab ne shav lene se inkaar kar diya tha.

uske maare jaane ke baad Amreeki raashtrapati Barack Obama ne apne poorv raashtrapati George bush ko yaad karte huye kaha ki jaisa bush ne kaha tha hamaari jang islaam ke khilaaf naheen hai. Laden ko Pakistan mein Islamabad ke ek kanpaaund mein maara gaya. ek hafte pehle hamaare paas Laden ke baare mein pukhta jaanakaariyaan mil gayi theen. uske baad hi kanpaaund ko gherakar ek chhote operation mein Laden ko maar giraaya gaya.

Barack Obama ne kaha ki Laden ne Pak ke khilaaf bhi jang chhedi thi. hamaare adhikaariyon ne vahaan ke adhikaariyon se baat ki aur vah bhi ise ek aitihaasik din maan rahe hain. yeh 10 saal ki shahaadat ki upalabadhi hai. humne kabhi bhi suraksha se samjhauta naheen kiya. al kaayada se peedit logon se main kahoonga ki nyaaya mil chuka hai.

osama ki jeevanayaatra : ek drushti mein

  • 1957 : saudi arab mein Laden ka janm. vah nirmaan udyami mohammad avaad bin Laden ke 52 bachchon mein se 17vaan tha.
  • 1969 : mohammad bin Laden ki maut. us samay 11 saal ke rahe Laden ko lagbhag aath karod dollar ki raashi viraasat mein mili. Laden baad mein jedda mein civil engineering ki padhaai ke liye gaya.
  • 1973 : Laden ne khud ko charampanthi muslim guton se joda.
  • 1979 : yuva Laden mujaahideen naam se pahachaane jaane vaale ladaakon ki madad ke liye Afghanistan gaya. Laden ek gut ka mukhya aarthik madadgaar ban gaya, jo baad mein al kaayada kahalaaya.
  • 1989 : Afghanistan mein soviyt sangh ke hatne ke baad Laden parivaar ki nirmaan company ke liye kaam karne ke uddeshya se saudi arab laut gaya. yahaan usane Afghan yuddh mein madad ke uddeshya se kosh jutaana shuroo kar diya. al kaayada vaishvik gut bana. mukhyaalaya Afghanistan raha, jabki uske sadasya 35 se 60 deshon mein maujood the.
  • 1991 : ameriki neet gathabandhan ne Kuwait se Iraqi balon ko khadedne ke liye yuddh shuroo kiya. Laden ne ameriki balon ke khilaaf jihaad ki shuruaat ki. sarkaar virodhi gatividhiyon ke chalte use saudi arab se nishkaasit kar diya gaya. saudi arab ne usaki aur uske parivaar ki naagarikta ko vaapas le liya. usane soodaan mein sharan li.
  • 1993 : world trade center par bam gira, chhah ki maut, saikadon ghaayal. is sambandh mein chhah muslim kattarpanthi doshi thaharaae gaye. ameriki adhikaariyon ke mutaabik, inke sambandh Laden se the. November mein riyaad mein ek imaarat ke saamane bam fata. is imaarat mein ameriki sainya paraamarshakaar kaam karte the. America ke paanch aur Bhaarat ke do naagrik maare gaye. hamle mein 60 se bhi jyaada log ghaayal.
  • 1995 : nairobi aur tanjaaniya ke daar A salaam mein ameriki dootaavaason ke baahar bam visfot, 224 ki maut.
  • 1996 : ameriki dabaav ke kaaran soodaan ne Laden ko nishkaasit kiya. Laden apne 10 bachchon aur teen beeviyon ko lekar Afghanistan pahuncha. yahaan usane ameriki balon ke khilaaf jihaad ki ghoshana ki.
  • 20 August 1998 : dootaavaas par hamlon ke javaab mein America ne Afghanistan aur soodaan mein Laden ke prashikshan shiviron par hamle kiye. kam se kam 20 log maare gaye. Laden vahaan maujood naheen tha.
  • 1998 : America ki ek adaalat ne dootaavaason par bamabaari ke aarop mein Laden ko doshi thaharaaya. uske sir par 50 lakh dollar ka inaam rakha gaya.
  • 1999 : FBI ne Laden ko '10 sabse vaanchhit aatankvaadiyon' ki soochi mein rakha.
  • 2000 : yaman mein ek aatmaghaati hamle mein 17 ameriki naavikon ki maut.
  • 2001 : al-kaayada pramukh ne 11 September ko world trade center ke tvin tauvars aur Pentagon par hamla kiya, 3,000 se jyaada logon ki maut. is hamle ke baad ameriki sarkaar ne Laden ka naam mukhya sandigdh ke taur par ghoshit kiya. ameriki suraksha bal Afghanistan sthit tora-bora ki pahaadiyon mein chhipe Laden ko maarane mein asafal rahe. khabaron ke mutaabik, Laden Pakistan bhaaga.
  • 2002 : America neet sainya abhiyaan tej hua. gathabandhan balon ne maidaani suraksha balon ki sankhya badhaai. Laden parde ke peechhe raha, lekin kuchh samay baad al-jajeera ne usaki aavaaj vaale do audio tape prasaarit kiye. ameriki khufiya adhikaariyon ke mutaabik, ye rikaurding praamaanik thi.
  • 2003 : Osama ki duniya bhar ke musalmaanon se appeal, apne matabhed door karke jihaad mein bhaag lein. Pakistan ke tatkaaleen raashtrapati Parvez musharraf ke mutaabik Laden sambhavat: jeevit aur Afghanistan mein kaheen chhipa hua. haalaanki unhonne daava kiya ki al-kaayada ab utana prabhaavi aatankvaadi gut naheen raha.
  • 2004 : chaar January ko, al-jajeera ne dobaara Laden ke tape jaari kiye. March mein ameriki raksha adhikaariyon ne Afghan Pakistan seema ke paas Laden ke liye khoj abhiyaan aur tej kiya.
  • 2009 : ameriki raksha mantri Robert Gates ne kaha ki adhikaariyon ke paas kai 'saalon' se Laden ke pate ke baare mein koi vishvasaneeya jaankaari naheen hai.
  • 02 May 2011 : America ne Islamabad ke paas (abbॊtaabaad mॆ) ek vishesh abhiyaan mein Laden ko maar giraaya.

baahari kadiyaaain