Narendra Kohli

Unbalanced scales.svg
is lekh ki nishpakshata vivaadit hai.
krupaya iske vaarta prushth par charcha dekhein.
Narendra Kohli

kaalajayi kathaakaar evam maneeshi dau॰aanarendr Kohli
janm (1940-01-06) January 6, 1940 (aayu 76 varsh)
syaalakot, Punjab (vibhaajan poorv)
raashtreeyata bhaarateeya
nrujaatiyta punjabi
naagarikta Bhaarat
shiksha Ph.D.
alma maater Delhi vishvavidyaalaya
lekhan kaal 1960-aajatak
saahityik aandolan 'saanskrutik punarjaagaran ke yug' ke praneta
ullekhaneeya kaarya mahaasamar, abhyudaya, todo, kaara todo, vasudev, saath saha gaya du:kh, abhigyaan, paanch ebsard upanyaas, aashriton ka vidroh, premachand, hindi upanyaas: srujan aur siddhaant
ullekhaneeya sammaan shalaaka sammaan, pandit deenadayaal upaadhyaaya sammaan, attahaas sammaan
jeevanasaathi dau॰aamadhurima Kohli
santaan kaartikeya evam agastya
[www.narendrakohli.org aadhikaarik jaalasthal]

kaalajayi kathaakaar evam maneeshi dau॰ Narendra Kohli ki ganana aadhunik hindi saahitya ke sarvashreshth rachanaakaaron mein hoti hai. Kohli ji ne saahitya ke sabhi pramukh vidhaaon (yatha upanyaas, vyang, naatak, kahaani) evam gaun vidhaaon (yatha sansmaran, nibandh, patra aadi) aur aalochanaatmak saahitya mein apni lekhani chalaai. unhonne shataadhik shreshth granthon ka srujan kiya hai. hindi saahitya mein 'mahaakaavyaatmak upanyaas' ki vidha ko praarambh karne ka shreya Narendra Kohli ko hi jaata hai. pauraanik evam aitihaasik charitron ki gutthiyon ko sulajhaate hue unke maadhyam se aadhunik saamaaj ki samasyaaon evam unke samaadhaan ko samaaj ke samaksh prastut karna Kohli ki anyatam visheshata hai. kohaleeji saanskrutik raashtravaadi saahityakaar hain, jinhonne apni rachanaaon ke maadhyam se bhaarateeya jeevan-shaili evam darshan ka samyak parichay karavaaya hai.

anukram

jeevan

Narendra Kohli ka janm 6 January 1940 ko sanyukt Punjab ke siyaalakot nagar me hua tha jo ab Pakistan me hai. praarambhik shiksha Lahore me aarambh hui aur Bhaarat vibhaajan ke pashchaat parivaar ke Jamshedpur chale aane par vaheen aage badhi. dilchasp hai ki praarambhik avastha mein hindi ke is sarvakaalik shreshth rachanaakaar ki shiksha ka maadhyam hindi na hokar urdoo tha. hindi vishay unhein dasveen kaksha ki pareeksha ke baad hi mil paaya. vidyaarthi ke roop mein Narendra atyant medhaavi the evam achhe ankon se utteern hote rahe. vaad-vivaad pratiyogitaaon mein bhi unhein anek baar anek pratiyogitaaon mein pratham sthaan praapt hua.

baad me Delhi vishvavidyaalaya se snaatakottar aur daaktaret ki upaadhi bhi li. prasiddh aalochak dau॰ nagendr ke nirdeshan mein "hindi upanyaas : srujan evam siddhaant" is vishay par unka shodh prabandh poorn hua. is praarambhik kaarya mein hi yuva Narendra Kohli ki marmabhedak drushti evam mool tatv ko pakad lene ki shakti ka pata lag jaata hai.

1963 se lekar 1995 tak unhonne Delhi vishvavidyaalaya me adhyaapan kaarya kiya aur vaheen se 1995 mein poornakaalik lekhan ki svatantrata praapt karne ke liye svaichhik avakaash grahan kiya.

pauraanik vishyon par hajaareeprasaad Dwivedi ki vishleshan drushti ka Narendra Kohli par prabhaav

praay: chhah-saat dashakon ke pashchaat aachaarya hajaareeprasaad Dwivedi ke saahityik avadaan ka moolyaankan karte samay ab ek pramukh tathya usamein aur joda ja sakta hai. aachaarya Dwivedi ne hindi saahitya mein ek aise dwaar ko khola jisse gujr kar Narendra Kohli ne ek sampoorn yug ki pratishtha kar daali. yeh hindi saahitya ke itihaas ka sabse ujjaval prushth hai aur is naveen prabhaat ke pramukh vaitaalik hone ka shri avashya hi aachaarya Dwivedi ka hai jisne yuva Narendra Kohli ko prabhaavit kiya. paramparaagat vichaaradhaara evam charitrachitran se prabhaavit hue bagair spasht evam suchintit tark ke aagrah par maulik drusht se soch sakana saahityik tathyon, visheshat: aitihaasik-pauraanik tathyon ka maulik vaigyaanik vishleshan yeh vah visheshata hai jiski neenv aachaarya Dwivedi ne daali thi aur usapar raamakatha, mahaabhaarat katha evam Krishna-kathaaon aadi ke bhavya praasaad khade karne ka shreya aachaarya Narendra Kohli ka hai. sankshep mein kaha jaae to bhaarateeya sanskruti ke mool svar aachaarya Dwivedi ke saahitya mein pratidhvanit hue aur unki anugoonj hi Narendra Kohli roopi paanyachajanya mein sama kar sanskruti ke krushnodghosh mein parivrtit hui jisne hindi saahitya ko hila kar rakh diya.

'deeksha' ka prakaashan

aadhunik yug mein Narendra Kohli ne saahitya mein aasthaavaadi moolyon ko svar diya. san 1975 mein unke raamakatha par aadhaarit upanyaas 'deeksha' ke prakaashan se hindi saahitya mein 'saanskrutik punarjaagaran ka yug' praarambh hua jise hindi saahitya mein 'Narendra Kohli yug' ka naam dene ka prastaav bhi jor pakadta ja raha hai. taatkaalik andhakaar, niraasha, bhrashtaachaar evam moolyaheenata ke yug mein Narendra Kohli ne aisa kaalajayi paatr chuna jo bhaarateeya maneesha ke rom-rom mein spandit tha. mahaakaavya ka jmaana beet chuka tha, saahitya ke 'katha' tattv ka sanvaahak ab padya naheen, gadya ban chuka tha. atyaadhik roodh ho chuki raamakatha ko yuva Kohli ne apni kaalajayi pratibha ke bal par jis prakaar upanyaas ke roop mein avatarit kiya, vah to ab hindi saahitya ke itihaas ka ek svarnim prushth ban chuka hai. yugon yugon ke andhakaar ko cheerakar unhonne Bhagwan Ram ki katha ko bhaktikaal ki bhaavukata se nikaal kar aadhunik yathaarth ki jameen par khada kar diya. saahityik evam paathak varg chamatkrut hi naheen, abhibhoot ho gaya. kis prakaar ek upekshit aur nirvaasit Rajkumar apne aatmabal se shoshit, peedit evam trust janta mein nae praan fooaink deta hai, 'abhyudaya' mein yeh dekhna kisi chamatkaar se kam naheen tha. yug-yugaantar se roodh ho chuki raamakatha jab aadhunik paathak ke ruchi-sanskaar ke anusaar bilkul nae kalevar mein dhalakar jab saamane aayi, to yeh dekhkar man reejhe bina naheen rahata ki usamein raamakatha ki garima evam raamaayan ke jeevan-moolyon ka lekhak ne samyak nirvaah kiya hai.

diggaj saahityakaaron evam aalochakon ki pratikriya

aashcharya naheen ki tatkaaleen sabhi diggaj saahityakaaron se yuva Narendra Kohli ko bharpoor aasheervaad bhi mila aur badaai bhi. moordhanya aalochak aur saahityakaar aachaarya hajaareeprasaad Dwivedi, amrutalaal naagar, yashapaal, jainendrakumaar ityaadi praay: sabhi sheershasth rachanaakaaron ne Narendra Kohli ki khule shabdon mein khule dil se bharpoor taareef curry. jainendr jaise us samay ke prasiddhatam rachanaakaaron ne bhi yuva Kohli ko padha aur jin shabdon mein apni pratikraya vyakt ki usane hindi saahitya mein kisi vishisht pratibha ke aagaman ki spasht ghoshana kar di.

main naheen jaanta ki upanyaas se kya apeksha hoti hai aur usaka shilp kya hota hai. prateet hota hai ki aapki rachana upanyaas ke dharm se oonche uthakar kuchh shaastr ki kaksha tak badh jaati hai. main iske liye aapka krutajnya hota hooain aur aapko haardik badhaai deta hooain. -jainendr Kumar (19.8.77)

mainne aapamein vah pratibha dekhi hai jo aapko hindi ke agrani saahityakaaron mein la deti hai. Ram katha ke aadi vaale ansh ka kuchh bhaag aapne ('deeksha' mein) badi kushalata ke saath prastut kiya hai. usamein aupanyaasikta hai, kahaani ki pakad hai. bhagavateecharan varma, (1976)[1]

aapne Ram katha, jise anek itihaasakaar maatr pauraanik aakhyaan ya mith hi maanate hain, ko yathaashakti yathaarthavaadi tarkasangat vyaakhya dene ka prayatn kiya hai. ahalya ki mith ko bhi kalpana se yathaarth ka aabhaas dene ka achha prayaas. yashapaal (8.2.1976)[1]

raamakatha ko aapne ekdam nayi drushti se dekha hai. 'avsar' mein Ram ke charitra ko aapne nayi maanaveeya drushti se chitrit kiya hai. ismein seeta ka jo charitra aapne chitrit kiya hai, vah bahut hi aakarshak hai. seeta ko kabhi aise tejodrupt roop mein chitrit naheen kiya gaya tha. saath hi sumitra ka charitra aapne bahut tejasvi naari ke roop mein ukera hai. mujhe is baat ki prasannata hai ki yatha-sambhav raamaayan katha ki mool ghatnaaon ko parivrtit kiye bina aapne usaki ek manograahi vyaakhya ki hai. ...pustak aapke adhyayan, manan aur chintan ko ujaagar karti hai.- hajaareeprasaad Dwivedi, (3.11.1976)[1]

deeksha mein praudh chintan ke aadhaar par raamakatha ko aadhunik sandarbh pradaan karne ka saahasik prayatn kiya gaya hai. baalakaand ki pramukh ghatnaaon tatha Ram aur vishvaamitr ke charitron ka vivek sammat punaraakhyaan, Ram ke yugapurush/yugaavataar roop ki tarkapusht vyaakhya upanyaas ki vishesh upalabdhiyaaain hain. dau॰ nagendr (1-6-1976)[1]

yoon hi kutoohalavash 'deeksha' ke kuchh panne palate aur fir us pustak ne aisa intrigue kiya ki donon din poori shaam use padhkar hi khtm kiya. badhaai. chaar khandon mein poori raamakatha ek bahut bada project hai. yadi aap aadi se ant tak yeh 'tempo' rakh le gaye, to vah bahut bada kaam hoga. ismein seeta aur ahalya ki chhaviyon ki paarshv-kathaaeain bahut sashakt ban padi hain.dharmaveer bhaarati 27-2-76)[1]

mainein dau॰ shaantikumaar naanuraam ka vaalmeeki raamaayan par shodh-prabandh padha hai. ramesh kuntal megh evam aathavalekar ke Ram ko bhi padha hai; lekin (deeksha mein) jitna sookshm, gahan, chintanapoorn viraat chitran aapne kiya vaisa mujhe samooche hindi saahitya mein aaj tak kaheen dekhne ko naheen mila. agar main raaja ya saadhan-sampann mantri hota to raamaayan ki jagah isi pustak ko khareedkar ghar-ghar bantavaata". raamanaaraayan upaadhyaaya (9-5-76)[1]

aap apne naayak ke chitran mein sashraddh bhi hain aur sachet bhi. ...pravaah achha hai. kai bimb achhe ubhare, saath saath nibl bhi hain, par hota yeh chalta hai ki ek achhi jhaanki jhalak jaati hai aur upanyaas fir se jor pakad jaata hai. is tarah ravaani aadyaant hi maani jaayagi. is safalta ke liye badhaai. ... subah ke parishram se choor tan kintu santosh se bhare-poore man ke saath tumhein bahut kaam karne aur Akshay yash siddh karne ka aarsheevaad deta hooain. amrutalaal naagar (20.10 1976)[1]

pratham shreni ke katipya upanyaasakaaron mein ab ek naam aur jud gaya-drudhtaapoorvak main apna yeh abhimt aapatak pahunchaana chaahata hooain. ...raamakatha se sambandhit saare hi paatr nae-nae roopon mein saamane aaye hain, unki janaabhimukh bhoomika ek-ek paathak-paathika ke andar (nyaaya ke) pakshadharatv ko ankurit karegi yeh mera bhavishya-kathan hai. -kavi Baba naagaarjun[1]

raamakatha ki aisi yugaanuroop vyaakhya pehle kabhi naheen padhi thi. isse Ram ko maanaveeya dharaatal par samajhne ki badi svasth drushti milti hai aur kori bhaavukata ke sthaan par sangharsh ki yathaarthata ubhar kar saamane aati hai...aapki vyaakhya mein badi taajagi hai. taareef to yeh hai ki aapne raamakatha ki paaramparik garima ko kaheen vikrut naheen hone diya hai. ...main to chaahoonga ki aap raamaayan aur mahaabhaarat ke anya pauraanik prasangon evam paatron ka bhi udghaatan karein. hai to jokhim ka kaam par yadi sadh gaya to aap hindi katha saahitya mein sarvatha nayi vidha ke praneta honge." -shivmangal Singh 'suman' (23-2-1976)

da Narendra Kohli ka hindi saahitya mein apna vishisht sthaan hai. vigat tees-paintees varshon mein unhonne jo likha hai vah naya hone ke saath-saath mithkeeya drushti se ek nai jameen todne jaisa hai....Kohli ne vyang, naatak, sameeksha aur kahaani ke kshetr mein bhi apni maulik pratibha ka parichay diya hai. maanaveeya samvedna ka paarakhi Narendra Kohli vartamaan yug ka pratibhaashaali varishth saahityakaar hai." da vijyendr snaatak',[2]

vastut: Narendra Kohli ne apni raamakatha ko na to saampradaayik drushti se dekha hai na hi punarutthaanavaadi drushti se. maanavataavaadi, vistaaravaadi ekatantr ki nirankushata ka virodh karne waali yeh drushti pragatisheel maanavataavaad ki samarthak hai. maanavata ki raksha tatha nyaayapoorn samataadhrut shoshanarahit samaaj ki sthaapana ka svapn na to kisi drushti se saampradaayik hai na hi punarutthaanavaadi. - Dr kavita surabhi

Narendra Kohli ka avadaan maatraatmak parimaan mein bhi paryaapt adhik hai. unnees upanyaason ko samete unki mahaakaavyaatmak upanyaas shrrunkhalaaen 'mahaasamar' (aath upanyaas), 'todo, kaara todo' (paanch-chh: upanyaas), 'abhyudaya' (deeksha aadi paanch upanyaas) hi gunavatta evam maatra donon ki drushti se apne poorvavartiyon se kaheen adhik hain. unke anya upanyaas bhi vibhinn vargon mein shreshth krutiyon mein gine ja sakte hain. saamaajik upanyaason mein 'saath saha gaya du:kh', 'kshama karna jeeji', 'preeti-katha'; aitihaasik upanyaason mein raajyavardhan evam harshavardhan ke jeevan par aadhaarit 'aatmadaan'; daarshanik upanyaason mein Krishna-sudaama ke jeevan par aadhaarit 'abhigyaan'; pauraanik-aadhuniktaavaadi upanyaason mein 'vasudev' unhein hindi ke samast poorvavarti evam samakaaleen saahityakaaron se uchchatar pad par sthaapit kar dete hain.

iske atirikt vruhad vyang saahitya, naatak aur kahaaniyon ke saath saath Narendra Kohli ne gambhir evam utkrusht nibandh, yaatra vivran evam maarmik aalochanaaen bhi likhi hain. sankshep mein kaha jaaya to unka avadaan gadya ki har vidha mein dekha ja sakta hai, evam vah praay: sabhi anya saahityakaaron se unki vishisht vidha mein bhi shreshth hain. unke krutitv ka aadha bhi kisi anya saahityakaar ko yug-pravartak saahityakaar ghoshit karne ke liye paryaapt hai. Narendra Kohli ne to un kathaaon ko apna maadhyam banaaya hai jo apne vistaar evam vaividhya ke liye vishv-vikhyaat hain : raamakatha evam mahaabhaarat katha. 'yannabhaarate - tannabhaarate' ko charitaarth karte hue unke mahopanyaas 'mahaasamar' maatr mein varnit paatron, ghatnaaon, manobhaavon aadi ki sankhya evam vaividhya dekhein to vah bhi paryaapt thaharega. varnan kala, charitra-chitran, manojagat ka varnan ityaadi dekhein bhi Kohli premachand se na sirf aage nikal jaate hai, varan sanvedanasheelata evam gaharaai bhi unamein adhik hai.

Narendra Kohli ki vah visheshata jo unhein in donon poorvavartiyon se vishisht banaati hai vah hai ek ke pashchaat ek paintees varshon tak nirantar unnees[3] kaalajayi krutiyon ka pranayan sarvashreshth hai. iske atirikt vruhad vyang-saahitya, saamaajik upanyaas, aitihaasik upanyaas, manovaigyaanik upanyaas bhi hain; safal naatak hain, vaichaarik nibandh, aalochanaatmak nibandh, sameekshaatmak evam vishleshanaatmak prabandh, abhibhaashan, lekh, sansmaran, rekhaachitron ka aisa khajaana hai... gadya ki pratyek vidha mein unhonne hindi saahitya ko itna diya hai ki unke samakaksh sabhi avadaan feeke jaan padte hain.

krutitv

upanyaas, kahaani, vyang, naatak, nibandh, aalochna, sansmaran ityaadi gadya ki sabhi pramukh evam gaun vidhaaon mein Narendra Kohli ne apni vidgdhata ka parichay diya hai. upanyaas vidha par adbhut pakad hone ke ka kaaran hai Narendra Kohli ki kai vishyon mein vyaapak siddhahastata maanav manovijnyaaan ko vah gaharaai se samajhte hain evam vibhinn charitron ke mool tatv ko pakad kar bhinn-bhinn paristhitiyon mein unki sahaj pratikraya ko ve prabhaavashaali evam vishvasaneeya dhang se prastut kar sakte hain. ausat evam asaadhaaran, sabhi prakaar ke paatron ko ve apni sahaj samvedna evam bhedak vishleshak shakti se na sirf pakad lete hai, varan unke saath taadaatmya sthaapit kar lete hain. raajanaitik sameekaranon, ghaat-pratighaat, shakti-santulan ityaadi ka vyaapak chitran unki rachanaaon mein milta hai. bhaasha, shaili, shilp evam kathaanak ke star par Narendra Kohli ne anek nae evam safal prayog kiye hain. upanyaason ko praacheen mahaakaavyon ke star tak utha kar unhonne mahaakaavyaatmak upanyaason ki nai vidha ka aavishkaar kiya hai.

Narendra Kohli ki siddhahastata ka uttam udaaharan hai unke mahaaupanyaas 'mahaasamar' ke vistrut failaav se 'saath saha gaya du:kh' tak ka atisankshipt drushyapatal. saikadon paatron evam hajaaron ghatnaaon se samruddh 'mahaasamar' ke aath khandon ke chaar hajaar prushthon ke vistaar mein kaheen bhi na bikhraav hai, na charitra ki visangatiyaan, na drushti aur darshan ka bhed. pandrah varshon ke lambe samay mein likhe gaye is mahaakaavyaatmak upanyaas mein lekhak ki vishleshanaatmak drushti kitni spasht hai, yeh unke granth "jahaan hai dharm, vaheen hai jaya" ko dekhkar samjha ja sakta hai jo mahaabhaarat ki arthaprakruti par aadhaarit hai. is granth mein unhonne 'mahaasamar' mein varnit paatron evam ghatnaaon par vichaar kiya hai, samasyaaon ko saamane rakha hai evam unka nidaan dhooaindhane ka prayaas kiya hai. mahaabhaarat ko samajhne mein prayaasasheel is mahaaupanyaasakaar ka yeh udyam dekhte hi banta hai jismein unki vichaar-prakriya ke rekhaankan mein hi ek poora granth taiyaar ho jaata hai. saahitya ke vidyaarthiyon aur aalochakon ke liye Narendra Kohli ki saahitya-srujan-prakriya ko samajhne mein yeh granth na sirf mahatvapoorn hai varan param aavashyak hai. is granth mein Narendra Kohli ne vibhinn charitron ke baare mein nayi evam spasht sthaapanaaen di hain. unki jan-maanas mein ankit chhavi se prabhaavit aur aatankit hue bagair ghatnaaon ke taarkik vishleshan se kohaleeji ne Krishna, yudhishthir, kunti, draupadi, bheeshm, dron ityaadi ke mool charitra ka roodhigt chhaviyon se paryaapt bhinn vishleshan kiya hai.

doosare dhruv par unka doosra upanyaas "saath saha gaya du:kh" hai jo maatr do paatron ko lekar buna gaya hai. unke dvaara likha gaya praarambhik upanyaas hone ke baavajood yeh hindi saahitya ki ek atyant sashakt evam praudh kruti hai. 'saath saha gaya du:kh' Narendra Kohli ki us saahityik shakti ko udghaatit karta hai. 'seedhi baat' ko seedhe-seedhe spasht roop se aise kah dena ki vah paathak ke man mein utar jaae, use hansa bhi de aur rula bhi. is kala mein Narendra Kohli adviteeya hain. 'saath saha gaya du:kh' Narendra Kohli ke samvedansheel paksh ko udghaatit karta hai. mahaadevi dvaara 'prasaad' ke liye kahi gayi ukti unapar bilkul sateek baithati hai: "...(unke krutitv) se pramaanit hota hai ki unki jeevan-veena ke taar itne sadhe hue the ki halki se halki jhankaar bhi usamein pratidhvani pa leti thi."

"yeh dekh kar mujhe aashcharya hota tha ki maatr dhaai paatron (pati, patni aur ek navajaat bachchi) ka saada sapaat ghareloo ya paarivaarik upanyaas itna gatimaan evam aakarshak kaise ban gaya hai. analankrut jeevan-bhaasha mein saadagi ka saundarya gholakar kis kala se ise itni saghan sanvedaneeyata se poorn banaaya gaya hai."[4]

kohaleeji ka pratham upanyaas tha 'punaraaranbh'. is vyaktiprak-saamaajik upanyaas mein teen peedhiyon ke varnan ke lakshya ko lekar chale upanyaasakaar ne unke maadhyam se svatantrata-praapti ke sankramanakaaleen samaaj ke vibhinn vargon ke logon ki maanasikta evam jeevan-sangharsh ki unki paristhitiyon ko chitrit karne ka prayaas kiya tha. iske pashchaat aaya 'aatank'. sad chuke vartamaan samaaj ki niraashaajanak sthiti, atyaachaar se ladne ki usaki asamarthata, buddhijeeviyon ki vichaaradhaara ki napunsakata evam uchch vichaaradhaara ki karm mein parinti ki asafalata ka ismein aisa chitran hai jo man ko avasaad se bhar deta hai.

Narendra Kohli ki ek badi upalabdhi hai "vartamaan samasyaaon ko kaal-pravaah ke manjhadhaar se nikaal kar maanav-samaaj ki shaashvat samasyaaon ke roop mein unapar saarthak chintan". upanyaas mein darshan, aadhyaatm evam neeti ka pathaneeya evam manograahi samaavesh unhein samakaaleen evam poorvavarti sabhi saahityakaaron se uchchatar dharaatal par khada kar deta hai.

rachanaaeain

yon to chhah varsh ki aayu se hi unhone likhna praarambh kar diya tha lekin 1960 ke baad se unki rachanaaeain prakaashit hone lageen. samakaaleen lekhakon se vo bhinn is prakaar hain ki unhone jaani maani kahaaniyon ko bilkul maulik tareeke se likha. aitihaasik kathaaon par aadhaarit unke pramukh vruhadaakaar upanyaason ki soochi neeche di gayi hai. unki rachanaaoain ka vibhinn bhaarateeya bhaashaaon mein anuvaad hua hai. 'deeksha', 'avsar', 'sangharsh ki or' aur 'yuddh' naamak raamakatha shrrunkhala ki krutiyon mein kathaakaar dvaara sahasraabdiyon ki parampara se janamaanas mein jame ishvaraavataar bhaav aur bhaktibhaav ki jameen ko, usase judi dharm aur ishvaravaachi saanskrutik jameen ko toda gaya hai. raamakatha ki nai jameen ko nae maanaveeya, vishvasaneeya, bhautik, saamaajik, raajaneetik aur aadhunik roop mein prastut kiya gaya hai. Narendra Kohli ne praay: sau se bhi adhik uchch koti ke granthon ka srujan kiya hai.

vyang
  • ek aur laal tikon- (vyangya)-1970/ 2000 E.,
  • paanch ebsard upanyaas (vyangya) - 1972 /1994 E.
  • aashriton ka vidroh (vyangya)- 1973 / 1991 E.
  • jagaane ka aparaadh (vyangya)- 1973 E.
  • pareshaaniyaaain (vyangya)-1986 /2000 E.
  • ganatantr ka ganit (vyangya) - 1997 E.
  • aadhunik ladki ki peeda (vyangya)-1978/2000i.
  • traasadiyaaain (vyangya)-1982 E.
  • samagr vyangya - 4 (raamalubhaaya kehta hai) - vyangya - 2000 E.
  • mere muhalle ke fool (vyangya) - 2000 E.
  • samagr vyang - 5 (vyan gya) - 2002 E.
  • sab se bada satya (vyangya sangrah) - 2003 E.2003
  • vah kahaan hai (vyangya sangrah) - 2003 E.
  • aatma ki pavitrata (vyangya) - 1996 E.
sankalan
  • meri shreshth vyangya rachanaaen (vyangya) - 1977 E.
  • samagr naatak (naatak) - 1990 E.
  • samagr vyangya (vyangya)- 1991 E.
  • samagr kahaaniyaaain (kahaaniyaaain) bhaag - 1, 1991 E. bhaag - 2, 1992 E.
  • abhyudaya (do bhaag) - (raamakatha; deeksha, avsar, sangharsh ki or, yuddh (bhaag 1 evam 2) ka sankalit roop) upanyaas - 1989 /1998 E.
  • Narendra Kohli: chuni hui rachanaaen (sankalan)- 1990 E.
  • Narendra Kohli ne kaha (aatmakathya tatha sooktiyaaain) - 1997 E.
  • meri ikyaavan vyangya rachanaaen (vyangya) - 1997 E.
  • samagr vyangya - 1 (desh ke shubhachintak) - vyangya - 1998 E.
  • samagr vyangya - 2 (traahi - traahi) - vyangya - 1998 E.
  • samagr vyangya - 3 (ishk ek shahar ka) - vyangya - 1998 E.
  • meri terah kahaaniyaaain, (kahaaniyaaain) - 1998 E.
  • na bhooto na bhavishyati - upanya (s - 2004 E.
  • svaami vivekaanand - jeevani - 2004 E.
  • das pratinidhi kahaaniyaaain - kahaaniyaaain - 2006 E.
  • kukur tatha anya kahaaniyaaain (baal kathaaen) - 2006
aalochna
  • premachand ke saahitya siddhaant (shodh-nibandh) 1966 E
  • hindi upanyaas : srujan aur siddhaant (shodhaprabandh)- 1977 /1989 E.
  • kuchh prasiddh kahaaniyon ke vishay mein (sameeksha)- 1967 E.
  • premachand (aalochna)- 1976 E., 1991 E.
  • jahaan hai dharm, vaheen hai jaya (mahaabhaarat ka vivechanaatmak adhyayan) - 1993 E.
kahaani sangrah
  • parinti - (kahaaniyaaain)-1969/2000 E.,
  • kahaani ka abhaav (kahaaniyaaain)- 1977 / 2000 E.
  • drushti desh mein ekaaek (kahaaniyaaain)- 1979/2000 E.
  • shatal (kahaaniyaaain)- 1982/2000
  • namak ka kaidi (kahaaniyaaain)-1983 /2000 E.
  • nichle flat mein (kahaaniyaaain)- 1984 /2000 E.
  • Narendra Kohli ki kahaaniyaaain (kahaaniyaaain)-1984 E.
  • sanchit bhookh (kahaaniyaaain)- 1985/2000 E.
upanyaas
  • punaraaranbh - (upanyaas)- 1972 /1994 E.,
  • aatank (upanyaas)- 1972 E.
  • saath saha gaya dukh (upanyaas)- 1974 E.
  • mera apna sansaar (laghu upanyaas) - 1975 E.
  • deeksha (upanyaas) - 1975 E.
  • avsar (upanyaas)- 1976 E.
  • jungle ki kahaani (upanyaas) - 1977 / 2000 E.
  • sangharsh ki or (upanyaas)-1978 E.
  • yuddh (do bhaag), upanyaas - 1979 E.
  • abhigyaan (upanyaas)- 1981 E.
  • aatmadaan (upanyaas)-1983 E.
  • preetiktha (upanyaas)-1986 E.
  • mahaasamar- 1 (bandhan) -upanyaas - 1988 E.
  • mahaasamar - 2, (adhikaar) - upanyaas - 1900 E.
  • mahaasamar - 3, (karm), - upanyaas - 1991 E.
  • todo kaara todo -1, (nirmaan) - upanyaas- 1992 E.
  • mahaasamar - 4 (dharm) - upanyaas - 1993 E.
  • todo kaara todo - 2 (saadhana) - upanyaas - 1993 E.
  • mahaasamar - 5 (antaraal) - upanyaas - 1995 E.
  • kshama karna jeeji! (upanyaas) - 1995 E.
  • mahaasamar - 6 (prachhann) - upanyaas - 1997 E.
  • mahaasamar - 7 (pratyaksh) - upanyaas - 1998 E.
  • mahaasamar - 8 (nirbandh) - upanyaas - 2000 E.
  • todo kaara todo - 3 (parivraajak) - 2003 E.
  • todo kaara todo - 4 (nirdesh) - 2004 E.
  • todo kaara todo - 5 () - 20, E.
  • todo kaara todo - 6 () - 20.. E.
  • aatm sveekruti - 1 - 2014 E.
baal kathaaen
  • ganit ka prashn (baal kathaaen) - 1978 E.
  • aasaan raasta (baal kathaaen)-1985
  • ek din Mathura mein (baal upanyaas) - 1991 E.
  • abhi tum bachche ho (baal katha) - 1995 E.
  • kukur (baal katha) - 1997 E.
  • samaadhaan (baal katha) - 1997 E.
naatak
  • shanbook ki hatya (naatak)- 1975 E.
  • nirnaya ruka hua (naatak)-1985 E.
  • hatyaare (naatak)- 1985 E.
  • gaare ki deevaar (naatak)-1986 E.
  • sangharsh ki or (naatak) - 1998 E.
  • kishkindha (naatak) - 1998 E.
  • agastyakatha (naatak) - 1998 E.
  • hatyaare (naatak) - 1999 E.
anya rachanaaeain
  • kise jagaaoon ? (saanskrutik nibandh)-1996 E.
  • pratinaad (patra sankalan) - 1996 E.
  • nepathya (aatmaparak nibandh)-1983 E.
  • maajara kya hai? (sarjanaatmak, sansmaranaatmak, vichaaraatmak nibandh)-1989 E.
  • Baba naagaarjun (sansmaran)-1987 E.
  • smaraami (sansmaran) - 2000 E.

baahari kadiyaaain

sandarbh

  1. a aa i E u oo A ai pratinaad, patra sankalan, vaani prakaashan, nayi Delhi, 1996. ISBN 81-7055-437-3
  2. bhoomika, srujan saadhana, copyright: ishaan mahesh, vaani prakaashan, 1995, ISBN 81-7055-383-0
  3. abhigyaan, raamakatha (deeksha, avsar, sangharsh ki or, yuddh-1, yuddh-2); mahaasamar (bandhan, adhikaar, karm, dharm, antaraal, prachhann, pratyaksh, nirbandh); todo, kaara todo (nirmaan, .., parivraajak, ..) evam vasudev.
  4. dau॰ viveki rai, "ek vyakti : Narendra Kohli", sampaadan: kaartikeya Kohli, kriyetiv book company, Delhi-9

sandarbh granth

  1. Narendra Kohli: vyaktitv aur krutitv, sampaadak: narmadaaprasaad upaadhyaaya, 1985 E. prakaashak: Parag prakaashan, 3/114, karn gali, vishvaasanagar, shaahadara, Delhi- 110032
  2. vyangyakaar Narendra Kohli, lekhak : dau॰ sateesh paandeya, 1993 E. prakaashak: sankalp prakaashan, A- 34, bilvakunj ko-op housing society, laalabahaadur shaastri maarg, mulund (pashchim), Mumbai- 400082.
  3. Narendra Kohli :chintan aur srujan, lekhak: dau॰ sateesh paandeya, 2002 E. prakaashak: prajnyaa prakaashan, A- 18, santoshi maan apaartameint, vitthalavaadi, kalyaan (poorv) - 421306
  4. srujan saadhana, (Narendra Kohli ke vyaktitv aur chintan sambandhi sansmaran) 1995 E., lekhak: ishaan mahesh, prakaashak : vaani prakaashan, 21-A, dariyaaganj, nai Delhi- 110002
  5. pauraanik upanyaas: sameekshaatmak adhyayan, (Narendra Kohli ke teen upanyaason - 'abhigyaan','todo kaara todo' tatha 'prachhann' ka shodhaparak adhyayan), lekhak-traya: dau॰ hitendr Yadav, dau॰ kavita surabhi, suneeta saksaina, 2000 E., prakaashak : vaani prakaashan,21-A, dariyaaganj, nai Delhi/ 110002
  6. Narendra Kohli: vichaar aur vyangya, lekhak : dau॰ suresh kaant, 2000 E., prakaashak : vaani prakaashan,21-A, dariyaaganj, nai Delhi/ 110002
  7. ek vyakti Narendra Kohli, sampaadak: kaarttikeya Kohli, 2000 E., prakaashak : kriyetiv book company,
  8. Narendra Kohli ke Ram saahitya ka vishesh anusheelan, lekhak : dau॰ gireeshakumaar Joshi, 1997 E. prakaashak: supriya pablikeshans, saagar (madhya pradesh)
  9. aadhunik upanyaas: vividh aayaam, lekhak: dau॰ vivekeeraaya, 1990 E., prakaashak: anil prakaashan, 189/1, alopi baag, Allahabad- 211006
  10. samakaaleen hindi upanyaas, lekhak: dau॰ vivekeeraaya, 1987 E. prakaashak: anil prakaashan, 189/1, alopi baag, Allahabad- 211006
  11. svaatantryottapar hindi vyangya nibandh, lekhika: dau॰ shashi mishr, 1992 E. prakaashak: sankalp prakaashan, Mumbai
  12. Narendra Kohli ne kaha, (Narendra Kohli ke aatmakathya aur unki rachanaaon mein se vichaarapoorn sooktiyon ka sanchayan), sanchayan : ishaan mahesh,1997 E., prakaashak: shubham prakaashan, N/10, ullaghanapur, naveen shaahadara, Delhi- 110032
  13. kuchh Narendra Kohli ke vishay mein (aatmakathya), 1996 E., prakaashak : Parag prakaashan, Delhi- 110032
  14. aadhunik saanskrutik jeevan ke vyaakhyaata : Narendra Kohli (parichay), 2000 E., prakaashak: vaani prakaashan, 21- A, dariyaaganj, nai Delhi- 110002
  15. Narendra Kohli - apratim kathaayaatri, lekhak : dau॰ vivekeeraaya, 2003 E., prakaashak: vaani prakaashan, nai Delhi - 110002
  16. Narendra Kohli ki kahaaniyon mein vyangya, lekhika: shreemati suresh saunkhale, prakaashak: paarul prakaashan, raghunaathapur, kulloo.
  17. kahaaneekaar narendroo Kohli, lekhika: dau॰ suraiya shekh, 2006 E., prakaashak : vinaya prakaashan, 3-A/ 128 hansapuram, naubastaag, Kanpur - 208021
  18. abhyudaya: samvedna ka vikaas, lekhika: dau॰ kavita surabhi, 2007 E. prakaashak: dhaarika prakaashan, rohini, Delhi - 110085
  19. raamakatha: kaalajayi chetna, lekhika: dau॰(shreemati) ke.si.sindhu, 2007 E., vaani prakaashan, nai dilleen.
  20. Narendra Kohli aur unke Ram- Krishna, lekhika : dau॰ (shreemati) manorama mishr, 2007 E. prakaashak: vaani prakaashan, nai Delhi- 110002

patrikaaon ke visheshaank

  1. baat to chubhegi, August September 1981 E., sampaadak : dau॰ suresh kaant, pata : anshumaan prakaashan, moorti bhavan, Jaipur.
  2. vyangya vividha, September- November 1995 E., sampaadak : dau॰ prem janamejaya, dau॰ madhusoodan Patil, pata : 1041, urban estate - 2, hisaar- 125005
  3. goshthi : ank 1-3, sampaadak : kaarttikeya Kohli, pata : 175, vaishaali, Pitampura, Delhi- 110088

yeh bhi dekhein