Mysore ka pathaar

Mysore ka pathaar ka vistaar Karnataka ke poorvi va madhyavarti bhaag, dakshini-pashchimi aandhr pradesh va pashchimi Tamil Nadu raajyon mein paaya jaata hai. is pathaar ki mool chattaanein bahut hi kathor aur puraani hain jinmein praacheen jeevaasheshon ka poorn abhaav paaya jaata hai. ye mukhyat: aagneya athva ravedaar hain jinmein grenaait, nees, besaalt baluaa-patthar va kvaartajaait mukhya hain. is pataar ki chattaanein khanij padaarthon ki drushti se kaafi dhani hain. khanij padaarthon ke atirikt yahaan bhavan nirmaan evam sadak nirmaan hetu baisaalt va grenaait patthar bhi paaya jaata hai.