Mysore

Mysore
nagar
चामुण्डी पर्वत पर स्थित महिषासुर की प्रतिमा
chaamundi parvat par sthit mahishaasur ki pratima
samay mandal: IST (UTC+5:30)
desh Flag of India.svg Bhaarat
raajya Karnataka
jila Mysore
mahaapaur
saansad
janasankhya
ghanatv
799,228 (2001 tak )
• 6,223
kshetrafal 128 ki.mee²

Erioll world.svgnirdeshaank: 12°a18′aN 76°a39′aE / 12.3°aN 76.65°aE / 12.3; 76.65 Mysore Bhaarat ke Karnataka praant ka doosra sabse bada shahar hai. yeh pradesh ki rajdhani bangalor se lagbhag dedh sau kilometer dakshin mein Tamil Nadu ki seema par basa hai.

anukram

itihaas

Mysore ka praamaanik itihaas Bhaarat par sikandar ke aakraman (327 i0 poo0) ke baad se praapt hota hai. us toofaan ke pashchaat hi Mysore ke uttari bhaag par saatavaahan vansh ka adhikaar hua tha aur yeh adhikaar dviteeya shati isavi tak chala. Mysore ke ye raaja saatakarni kahalaate the. iske baad uttar kashachami kshetr par kadanb vansh ka aur utar poorvi bhaag par pallavon ka shaasan hua. kadanbon ki raajadhani vanavaasi mein tatha pallavon ki kaanchi mein thi. isi beech utar se ikshvaaku vansh ke saatavein raaja durvineet ne pallavon se kuchh kshetr chheenakar apne adhikaar mein kar liye. aathavein shaasak shreepuroosh ne pallavon ko haarakar "paramanadi" ki upaadhi dhaaran ki, jo gang vansh ke paravarti shaasakon ki bhi upaadhi kaayam rahi.

uttar pashchimi kshetr par paanchavi shati mein chaalukyon ne aakraman kiya. chhathi shati mein chaalukya naresh pulikaishin ne pallavon se vaataadi (vaadaami) chheen liya or vaheen rajdhani sthaapit ki. aathaveen shati ke ant mein raashtrakoot vansh ke dhroov ya dhaaraavarsh naamak raaja ne pallav naresh se kar vasool kiya aur gang vansh ke raaja ko bhi kaied kar liya. baad mein gang raaja mukt kar diya gaya: raachamal (lagbhag 820 i0) ke baad gang vansh ka prabhaav pun: badhne laga. san 1004 mein cholavansheeya raajeindr chol ne gangon ko haraakar dakshin tatha poorvi hisse par apna adhikaar kar liya.

Mysore ke shesh bhaag yaane uttar tatha pashichmi kshetr par pashchimi chaalukyon ka adhikaar raha. inmein vikramaaditya bahut prasiddh tha, jisne 1076 se 1126 tak shaasan kiya. 1155 mein chaalukyon ka sthaan kalachooriyon ne le liya. inki satta 1153 tak hi kaayam rahi.

gang vansh ki samaapti par poyasal ya hoyasaal vansh ka adhikaar sthaapit ho gaya. ye apne ko Yadav ya chandravanshi kehte the. inmein bittidev adhik prasiddh tha jisne 1104 se 1141 tak shaasan kiya. 1116 mein talakaad par kabja karne ke baad usane Mysore se cholon ko nikaal baahar kiya. san 1343 mein is vansh ka pramukh samaapt ho gaya.

san 1336 mein tanugabhadra ke paas vijyanagar naamak ek hindu raajya ubhara. iske sansthaapak harihr tatha bukk the. iske aath raajaaon sinhaasan par adhikaar kar liya. usaki mrutyu ke baad uske teen putron, narasinh, krushnaraaya tatha achyutaraaya, ne baari baari se raajasata sambhaali. san 1565 mein Bijapur, golakunda aadi musalim raajyon ke sammilit aakraman se taaleefota ki ladaai mein vijyanagar raajya ka ant ho gaya.

18veen shati mein Mysore par musalmaan shaasak haidar Ali ki pataaka faharaai. san 1782 mein usaki mrutyu ke baad 1799 tak usaka putr teepoo sultaan shaasak raha. in donon ne angrejon se anek ladaaiyaaain ladi. shreerangapattam ke yuddh mein teepoo sultaan ki mrutyu ho gayi. tatpashchaat Mysore ke bhaagyanirnaya ka adhikaar angrejon ne apne haath mein le liya. kintu raajaneetik sthiti nirantar ulajhi hui bani rahi, isaliye 1831 mein hindu raaja ko gaddi se utaarakar vahaaain angrej commissioner niyukt hua. 1881 mein hindu raaja chaamaraajeindr gaddi par baithe. 1894 mein kalakate mein inka dehaavasaan ho gaya. mahaaraani ke sanrakshan mein unke bade putr raaja bane aur 1902 mein shaasan sambandhi poore adhikaar unhein saunp diye gaye. Bhaarat ke svatantr hone par Mysore naam ka ek pruthak raajya bana diya gaya jismein paas paas ke bhi kuchh kshetr sammilit kar diye gaye. Bhaarat mein raajyon ke punargathan ke baad Mysore, Karnataka mein aa gaya.

paryatan

Mysore na sirf Karnataka mein paryatan ki drushti se mahatvapoorn hai balki aaspaas ke anya paryatak sthalon ke liye ek kadi ke roop mein bhi kaafi mahatvapoorn hai. shahar mein sabse jyaada paryatak Mysore ke dashahara utsav ke dauraan aate hain. jab Mysore mahal evam aaspaas ke sthalon yatha jaganamohan pailes jayalakshmi vilaas evam lalita mahal par kaafi chahal pahal evam tyauhaar sa maahaul hota hai. karn jheel chidiyaakhaana ityaadi bhi kaafi aakarshan ka kendra hote hain. Mysore ke sagrahaalaya bhi kaafi paryatakon ko aakarshit karte hain. Mysore se thodi door krushnaraaj saagar daim evam usase laga vrundaavan garden atyant mohak sthalon mein se hai. is garden ki saaj-sajja, iske sangeetamaya favvaare ityaadi paryatakon ke liye kaafi achhe sthalon mein se hai. aitihaasikta ki drushti se yaheen shreerang pattanam ka aitihaasik sthal hai jo madhya tamil sabhyataaon ke kendra bindu ke rup mein sthaapit tha. Mysore mein kendreeya vidyaalaya sangathan ka shiksha evam prashikshan aaainchalik sansthaan hai| nagar ati sundar evam svachh hai, jismein rang birange pushpon se yukt baag bageechon ki bharamaar hai. chaamudi pahaadi par sthit hone ke kaaran praakrutik chhata ka aavaas bana hua hai. bhootapoorv mahaaraaja ka mahal, vishaal chidiyaaghar, nagar ke sameep hi krushnaaraajasaagar baaaindh, vrundaavan vaatika, chaamundi ki pahaadi tatha somanaathapur ka mandir aadi darshaneeya sthaan hain. inheen aakarshanon ke kaaran ise paryatakon ka svarg kehte hain. yahaaain par sooti evam reshami kapde, chandan ka saabun, batan, beint evam anya kalaatmak vastueain bhi taiyaar ki jaati hain. yahaaain prasiddh Mysore vishvavidyaalaya bhi hai.

Mysore mahal

Mysore ka mahaaraaja pailes

yeh mahal Mysore mein aakarshan ka sabse bada kendra hai. mirja road par sthit yeh mahal Bhaarat ke sabse bade mahalon mein se ek hai. ismein Mysore raajya ke vudeyaar mahaaraaj rahate the. jab lakdi ka mahal jal gaya tha, tab is mahal ka nirmaan karaaya gaya. 1912 mein bane is mahal ka naksha british aarkitaikt henari irvin ne banaaya tha. kalyaan mandap ki kaanch se bani chhat, deevaaron par lagi tasveerein aur svarnim sinhaasan is mahal ki khaasiyat hai. bahumoolya rat‍aanon se saje is sinhaasan ko dashahare ke dauraan janta ke dekhne ke liye rakha jaata hai. is mahal ki dekharakh ab puraatatv vibhaag karta hai.


samay: subah 10 baje-shaam 5.30 baje tak, uchit shulk, joote-chappal andar le jaana mana, camera le jaana mana. mahal ravivaar, raashtreeya avakaash ke din shaam 7-8 baje tak aur dashahar ke dauraan shaam 7 baje-raat 9 baje tak roshani se jagamagaata hai.

jaganamohan mahal

is mahal ka nirmaan mahaaraaj krushnaraaj vodeyaar ne 1861 mein karavaaya tha. yeh Mysore ki sabse puraani imaaraton mein se ek hai. yeh teen manjila imaarat city bas stand se 10 minute kar doori par hai. 1915 mein is mahal ko shri jayachamaaraajeindr Art gailari ka roop de diya gaya jahaan Mysore aur tanjaur shaili ki peintings, moortiyaan aur durlabh vaadyayantr rakhe gaye hain. inmein traavanakor ke shaasak aur prasitr chitrakaar raaja ravi varma tatha roosi chitrakaar svetoslev roerich dvaara banaae gaye chitr bhi shaamil hain. samay: subah 8.30-shaam 5.30 baje tak, camera le jaana mana

chaamundi pahaadi

chaamundeshvari mandir, Mysore mein
chaamundi parvat par nandi ki moorti

Mysore se 13 kimi. dakshin mein sthit chaamunda pahaadi Mysore ka ek pramukh paryatak sthal hai. is pahaadi ki choti par chaamundeshvari mandir hai jo devi durga ko samarpit hai. is mandir ka nirmaan 12veen shataabdi mein kiya gaya tha. yeh mandir devi durga ki raakshas mahishaasur par vijay ka prateek hai. mandir mukhya garbhagruh mein sthaapit devi ki pratima shuddh sone ki bani hui hai. yeh mandir Dravid vaastukala ka ek achha namoona hai. mandir ki imaarat saat manjila hai jiski kul oonchaai 40 mi. hai. mukhya mandir ke peechhe Mahabaleshwar ko samarpit ek chhota sa mandir bhi hai jo 1000 saal se bhi jyaada puraana hai. pahaad ki choti se Mysore ka manoram drushya dikhaai padta hai. mandir ke paas hi mahishaasur ki vishaal pratima rakhi hui hai. pahaadi ke raaste mein kaale grenaait ke patthar se bane nandi bail ke bhi darshan hote hain. pooja ka samay: subah 7.30-dopahar 2 baje tak, dopahar 3.30-shaam 6 baje tak, shaam 7.30-raat 9 baje tak

seint filomena church

1933 mein bana yeh church Bhaarat ke sabse bade church mein se ek hai. Mysore shahar se 3 kimi. door kaithredal road par sthit yeh church nio-gothik shali mein nirmit hai. bhoomigat kamre mein teesari shataabdi ke sant in sant ki pratima sthaapit hai. iski 175 feet oonchi judva meenaarein meelon door se dikhaai de jaati hain. yahaan ki deevaaron par isa maseeh ke janm se lekar punarjanm tak unke jeevan ki vibhinn ghatnaaon ka darshaati hui glaas peintigs lagi hui hain. vartamaan mein is church ko seint Joseph church ke naam se jaana jaata hai. samay: subah 5-shaam 8 baje tak

krushnaraaj saagar baandh

ya keaaraes baandh 1932 mein bana yeh baandh Mysore se 12 kimi. uttar-pashchim mein sthit hai. iska design shri M.vishveshvaraiya ne banaaya tha aur iska nirmaan krushnaraaj vudeyaar chaturth ke shaasan kaal me hua tha. is baandh ki lanbaai 8600 feet, oonchaai 130 feet aur kshetrafal 130 varg kimi. hai. yeh baandh aajaadi se pehle ki civil engineering ka namoona hai. yahaan ek chhota sa taalaab bhi hain jahaan boting ke jariye baandh uttari aur dakshini kinaaron ke beech ki doori tay ki jaati hai. baandh ke uttari kone par sangeetamaya favvaar hain. brundaavan garden naam ke manohar bageeche baandh ke theek neeche hain. samay: subah 7-raat 8 baje tak

jeeaaraes faintesi park

yeh park Mysore ka ekamaatr amyoojameint vautar park hai. 30 ekad mein faila yeh park sabhi umr ke logon ko apni or aakarshit karta hai. is park ke mukhya aakarshan paani ke khel, romaanchak savaari aur bachchon ke liye taalaab hain. jeeaaraes park Mysore ralave station se 5 kimi. door hai. park ke andar shaakaahaari khaane ka ek restaurant bhi hai. baahar se khaane-peene ka saamaan laana mana hai. samay: somvaar se shukravaar subah 10.30-6 baje tak, ravivaar aur saarvajanik avakaash ke din shaam 7.30 baje tak, garmiyon mein shanivaar ke din bhi 7.30 baje tak khulata hai.

Mysore chidiyaaghar

yeh chidiyaaghar vishv ke sabse puraane chidiyaagharon mein se ek hai. iska nirmaan 1892 mein shaahi sanrakshan mein hua tha. is chidiyaaghar mein 40 se bhi jyaada deshon se laae gaye jaanvaron ko rakha gaya hai. yahaan ke bageechon ko bahut hi khoobsoorti se sajaaya aur sambhaala gaya hai. sher yahaan ke mukhya aakarshan hain. iske alaava haathi, safed mor, dariyaai ghode, gainde aur gorilla bhi yahaan dekhe ja sakte hain. chidiyaaghar mein karanji jheel bhi hai. yahaan badi sankhya mein pravaasi pakshi aate hain. iske atirikt yahaan ek jaivik udyaan bhi hai jahaan bhaarateeya aur videshi pedon ki kareeb 85 prajaatiyaan rakhi gayi hain. samay: subah 8 baje-shaam 5.30 baje tak, mangalvaar ko band

rel sangrahaalaya

yeh sangrahaalaya krushnaraaj saagar road par sthit seeefati research Institute ke saamane hai. yahaan Mysore state railway ki un cheejon ko pradarshit kiya gaya hai jo 1881-1951 ke beech ki hain. 1979 mein sthaapit is sangrahaalaya mein ek vishesh kshetr se judi hui vastuon ka achha sangrah hai. yahaan pradarshit vastuon mein bhaap se chalne vaale engine, signal aur 1899 mein bana sabhi suvidhaaon wala mahaaraani ka sailoon shaamil hai. yahaan ka mukhya aakarshan chaamundi gailari hai jahaan railway vibhaag ke vikaas ka darshaati tasveeron ka rakha gaya hai. yeh sangrahaalaya bachchon ka manoranjan karne ke saath-saath unke gyaan ko bhi badhaata hai. samay: subah 10 baje-dopahar 1 baje tak, dopahar 3 baje-raat 8 baje tak

utsav

dashahara

yoon to dashahara poor desh mein manaaya jaata hai lekin Mysore mein iska vishesh mahatva hai. 10 dinon tak chalne wala yeh utsav chaamundeshvari dvaara mahishaasur ke vadh ka prateek hai. ismein buraai par achhaai ki jeet maana jaata hai. is poore maheene Mysore mahal ko roshani se sajaaya jaata hai. is dauraan anek saanskrutik, dhaarmik aur anya kaaryakram aayojit kiye jaate hain. utsav ke antim din band baaje ke saath saje hue haathi devi ki pratima ko paaramparik vidhi ke anusaar banni mantap tak pahunchaate hai. kareeb 5 kimi. lambi is yaatra ke baad raat ko aatishbaaji ka kaaryakram hota hai. sadiyon se chali aa rahi yeh parampara aaj bhi usi utsaah ke saath nibhaai jaati hai.

aaspaas darshaneeya sthal

nanjanagud

(22 kimi.) yeh nagar kabeeni nadi ke kinaare Mysore ke dakshin mein raajya raajamaarg 17 par hai. yeh sthaan nanjundeshvar ya shreekaanteshvar mandir (doorabhaash: 0821-226245) ke liye prasiddh hai. dakshin kaashi kahi jaane waali is jagah par sthaapit ling ke baar mein maana jaata hai ki iski sthaapana Gautam rishi ne ki thi. yeh mandir nanjuda ko samarpit hai. kaha jaata hai ki hakeem nanjuda ne haidar Ali ke pasandeeda haathi ko theek kiya tha. isse khush hokar haidar Ali ne unhein beshakeemati haar pahanaaya tha. aaj bhi vishesh avsar par yeh haar unhein pahanaaya jaata hai. samay: subah 6.30-dopahar 1 baje tak, shaam 4-raat 8.30 baje tak, ravivaar, somvaar aur sarkaari chhutti ke din subah 6.30-raat 8.30 baje tak, Abhishek ka samay subah 7, 9, 11 baje, dopahar 12 baje, shaam 5.30 aur 7 baje

shravanabelagola

(84 kimi) yahaan ka mukhya aakarshan gomateshvar/ baahubali stambh hai. baahubali moksh praapt karne vaale pratham rteethakar the. yahaan jain tapasvi ki 983 E. mein sthaapit 57 foot lambi pratima hai. iska nirmaan raaja rachamalla ke ek senaapati ne karaaya tha. yeh pratima vindyaagiri naamak pahaadi se bhi dikhaai deti hai. shravanabelagola naamak kund pahaadi ki taraai mein sthit hai. baarah varsh mein ek baar hone vaale mahaamastaabhishek mein badi sankhya mein log bhaag lete hain. yahaan pahunchane ke raaste mein chhote jain mandir bhi dekhe ja sakte hain.

somanaathapur

(35 kimi.) yeh chhota gaanv Mysore ke poorv mein kaaveri nadi ke kinaare basa hai. yahaan ka mukhya aakarshan keshav mandir hai jiska nirmaan 1268 mein hoyasal senaapati, somanaath dandanaayak ne karavaaya tha. sitaar ke aakaar ke chabootare par bane is mandir ko moortiyon se sajaaya gaya hai. is mandir mein teen garbhagruh hain. uttar mein janaardan aur dakshin mein venugopaal ki pratimaaen sthaapit hain. mukhya garbhagruh mein keshav ki moorti sthaapit thi kintu vah ab yahaan naheen hai. samay: subah 9.30-shaam 5.30 baje tak

aavaagaman

vaayu maarg

najadeeki havaai adda Bangalore (139 kimi.) hai. yahaan se sabhi pramukh shaharon ke liye udaanein aati-jaati hain.

rel maarg

Bangalore se Mysore ke beech anek relein chalti hain. shataabdi express Mysore ko chennai se jodti hai.

sadak maarg

raajya raajamaarg Mysore ko raashtreeya raajamaarg se jodte hain. Karnataka sadak parivhan nigam aur padosi raajyon ke parivhan nigam tatha niji parivhan companiyon ki basein Mysore se vibhinn raajyon ke beech chalti hain. Mysore mein kendreeya vidyaalaya sangathan ka shiksha evam prashikshan aaainchalik sansthaan hai|

sandarbh

chitr deergha

yeh bhi dekhein

baahari kadiyaaain