Manali

Manali
nagar
मनाली का मॉल स्ट्रीट
Manali ka mall street
samay mandal: IST (UTC+5:30)
desh Flag of India.svg Bhaarat
raajya Himachal pradesh
jila kulloo
janasankhya 6,265 (2001 tak )
kshetrafal
ooainchaai (AMSL)

• 2,625 meter

Erioll world.svgnirdeshaank: 32°a16′aN 77°a10′aE / 32.27°aN 77.17°aE / 32.27; 77.17

Manali Bhaarat ke Himachal pradesh praant ka ek shahar hai. Manali kullu ghaati ke uttar mein sthit Himachal pradesh ka lokapriya hil station hai. samudra tal se 2050 meter ki oonchaai par sthit Manali vyaas nadi ke kinaare basa hai. garmiyon se nijaat paane ke liye is hil station par hajaaron ki taadaad mein sailaani aate hain. sardiyon mein yahaan ka taapamaan shoonya degree se neeche pahunch jaata hai. aap yahaan ke khoobsoorat praakrutik drushyon ke alaava Manali mein haaiking, pairaaglaaiding, raafting, traiking, kaayaking jaise khelon ka bhi aanand utha sakte hai. yahaan ke jangali foolon aur seb ke bageechon se chhanakar aati sungandhit havaaen dilo dimaag ko taajagi se bhar deti hain.

pauraanik granthon mein Manali ko manu ka ghar kaha gaya hai. kaha jaata hai ki jab saara sansaar pralaya mein doob gaya tha to ekamaatr manu ki jeevit bache the. Manali mein aakar hi unhonein manushya ki purnarachana ki. isliye Manali ko hinduon ka pavitra teerthasthal bhi maana jaata hai.

anukram

mukhya aakarshan

hidimba mandir

samudra tal se 1533 meter ki oonchaai par sthit yeh mandir dhoongari mandir ke naam se bhi jaana jaata hai. mandir yahaan ki sthaaneeya devi hidimba ko samarpit hai. hidimba mahaabhaarat mein varnit bheem ki patni thi. May ke maheene mein yahaan ek utsav manaaya jaata hai. mahaaraaj bahaadur Singh ne yeh mandir 1553 E. mein banavaaya tha. lakdi se nirmit yeh mandir paigoda shaili mein bana hai.

vashishth kund

Manali se 3 kimi. door vashishth sthit hai. praacheen pattharon se bane mandiron ka yeh joda ek doosare ke vipreet disha mein hai. ek mandir Bhagwan Ram ko aur doosra sant vashishth ko samarpit hai.

manikran

samudra tal se 1700 meter ki oonchaai par sthit manikran garm paani ka jharana hai. kaha jaata hai Shiv ki patni paarvati ke karnafool yahaan kho gaye the. uske baad se is jharane ka jal garm ho gaya. hajaaron log yahaan ke jal mein pavitra dubaki lagaane door-door se aate hain. yahaan ka paani itna garm hai ki ismein chaaval, daal aur sabjiyon ko ubaala ja sakta hai.

bauddh math

Manali ke bauddh math bahut lokapriya hain. kulloo ghaati ke sarvaadhik bauddh sharanaarthi yahaan base hue hain. yahaan ka godhan thekachokaling math kaafi prasiddh hai. 1969 mein is math ko tibbati sharanaarthiyon ne banavaaya tha.

rohataang darra

Manali se 50 kimi. door samudra tal se 4111 meter ki oonchaai par sthit yeh darra saahasik paryatakon ko bahut raas aata hai. darre ke pashchim mein dasohar naamak ek khoobsoorat jheel hai. garmiyon ke dinon me bhi yeh sthaan kaafi thanda rahata hai. June se November ke beech laahaul ghaati se yahaan pahuncha ja sakta hai. yahaan se kuchh doori par sonapaani gleshiyr hai.

vyaas kund

yeh kund pavitra vyaas nadi ka jal srot hai. vyaas nadi mein jharane ke samaan yahaan se paani bahata hai. yahaan ka paani ekdam saaf aur itna thanda hota hai ki ungaliyon ko sunn kar deta hai. iske chaaron or patthar hi patthar hain aur vanaspatiyaan bahut kam hain.

old Manali

Manali se 3 kimi. uttar pashchim mein old Manali hai jo bageechon aur praacheen gestahaauson ke liye kaafi prasiddh hai. manaaleegadh naamak kshatigrast kila bhi yahaan dekha ja sakta hai.

solang naala

Manali se 13 kimi ki doori par sthit solang nullaah 300 meter ki ski lift ke liye lokapriya hai. is khoobsoorat sthaan se gleshiyr aur barf se dhaki pahaadon ki chotiyon ke manohar najaare dekhe ja sakte hain. najadeek hi Manali ki praarambhik rajdhani jagatasukh bhi dekhne yogya jagah hai.

manu mandir

old Manali mein sthit manu mandir maharshi manu ko samarpit hai. yahaan aakar unhonne dhyaan lagaaya tha. mandir tak pahunchane ka maarg durooh aur rapateela hai.

arjun gufa

kaha jaata hai mahaabhaarat ke arjun ne yahaan tapasya ki thi. isi sthaan par indradev ne unhein pashupati astr pradaan kiya tha

aavaagaman

vaayumaarg

Manali se 50 kimi. ki doori par bhuntar najadeeki airport hai. Manali pahunchane ke liye yahaan se bas ya taxi ki sevaaen li ja sakti hain.

relamaarg

jogindar nagar nairo gaij railway station Manali ka najadeeki railway station hai jo Manali se 135 kimi. ki doori par hai. Manali se 310 kimi. door Chandigarh najadeeki braud gej railway station hai.

sadak maarg

Manali Himachal aur aaspaas ke shaharon se sadak maarg se juda hua hai. raajya parivhan nigam ki basein anek shaharon se Manali jaati hain.