Mahendra Kapoor

Mahendra Kapoor (9 January 1934-27 September 2008) hindi filmon ke ek prasiddh paarshvagaayak the. unhonne bi aar Chopra ki filmon hamaraaj, gumaraah, dhool ka fool, vakt, dhundh mein vishesh roop se yaadagaar gaane gaae. sangeetakaar ravi ne inmein se adhikaash filmon mein sangeet diya.

Mahendra Kapoor ka janm amrutasar mein hua tha. paarshvagaayan mein kairiyr banaane ke liye ve kam umr mein hi Mumbai aa gaye the. 1953 ki film 'madamast' ke saahir ludhiyaanavi ke geet aap aae to khayaal-A-dil-A naashaad aaya se unhonne filmi career ki shuruaat ki thi. 27 September 2008 ko beemaari se ladne ke pashchaat unka dehaavasaan ho gaya.[1]

1968 mein upakaar ke bahucharchit geet mere desh ki dharati sona ugale ke liye unhein sarvashreshth paa‌aarshv gaayak ka puraskaar mila tha. is mahatvapoorn sammaan ke alaava unhein 1963 mein gumaraah ke geet chalo ek baar fir se ajnabi ban jaaen ke liye film fair puraskaar mila tha. baad mein ek baar fir 1967 mein hamaraaj ke neele gagan ke tale ke liye bhi unhein film fair puraskaar mila. unke jeevan ka teesara film fair puraskaar roti kapda aur makaan ke naheen naheen aur naheen ke liye 1974 mein mila. baad mein unhein padmashri aur Maharashtra sarkaar ke lata mangeshakar sammaan se navaaja gaya.

unhonne hindi filmon ke alaava daada kondake ki maraathi filmon mein bhi aavaaj di. daada kondake ki filmon ke alaava bhi unhonne kai maraathi filmon mein paa‌aarshv gaayan kiya. unhonne rafi, talat Mehmood, mukesh, kishor Kumar tatha hemant Kumar jaise charchit gaayakon ke daur mein safalta haasil ki. Mahendra Kapoor ne anya sangeetakaaron ke alaava si raamachandr, O pi naiyar aur naushaad ke saath bhi kaam kiya aur kai behatareen geet gaae. unhonne lokapriya TV dhaaraavaahik mahaabhaarat ka sheershak geet bhi gaya tha.

unke putr rohan Kapoor ne 1980 ke dashak mein kuchh filmon mein abhinay kiya. rohan ki filmon mein faasale aur love 86 shaamil hain. Mahendra Kapoor ke kuchh atichrchit geeton mein neele gagan ke tale (hamaraaj), chalo ek baar fir se (gumaraah), kisi patthar ki moorat se (hamaraaj), laakhon hain yahaan dilvaale (kismat), mere desh ki dharati (upakaar), hai preet jahaaain ki reet sada (poorab aur pashchim), fakeera chal chala chal (fakeera), ab ke baras tujhe (kraanti), tere pyaar ka aasara (dhool ka fool) shaamil hain.

Mahendra Kapoor ka 27 September 2008 shanivaar shaam ko Bandra sthit unke nivaas par nidhan ho gaya, shaam 7.30 baje unhonne aakhiri saans li.. 74 varsheeya Mahendra Kapoor pichhle kuchh samay se daayalisis par the. haal hi mein Maharashtra sarkaar ne unhein lata mangeshakar puraskaar ke liye chuna tha tatha 24 October ko unhein yeh puraskaar diya jaane wala tha. unke parivaar mein patni, teen betiyaan va ek beta hai.

puraskaar aur sammaan

  • 1963 - filmafeyar puraskaar (purush paarshvagaayan) - chalo ik baar fir se (gumaraah)
  • 1967 - filmafeyar puraskaar (purush paarshvagaayan) - neele gagan ke tale (hamaraaj)
  • 1974 - filmafeyar puraskaar (purush paarshvagaayan) - naheen naheen (roti kapda aur makaan)

sandarbh