Lokpal

Lokpal uchch sarkaari padon par aaseen vyaktiyon dwaar kiye ja rahe bhrashtaachaar ki shikaayatein sunane evam us par kaaryavaahi karne ke nimitt pad hai.

sanyukt raashtra sangh ke ek seminaar mein raajaneetijnyaon aur naukarashaahon ke aacharan tatha kartavya paalan ki vishvasaneeyata tatha paaradarshita ko lekar duniya ki vibhinn raajaneetik pranaaliyon mein upalabdh sansthaaon ki jaanch ki gayi. staukahom mein hue is sammalen mein varshon poorv aam aadmi ki prashaasan ke prati vishvasaneeyata tatha prashaasan ke maadhyam se aam aadmi ke prati sattaaseen vyaktiyon ki javaabadehi banaae rakhane ke sambandh mein vichaar-vimarsh hua. lok sevakon ke aacharan ki jaanch aur prashaasan ke svasth maanadandon ko praasangik banaae rakhane ke sandarbhon ki padtaal bhi ki gayi.

is seminaar ne paanch mukhya sansthaaon ki jaanch ki jo poori duniya mein jaanch agencyon ke roop mein us samay laagoo theen. inmein sansadeeya jaanch samitiyaan, roos ki prokyooresi, angreji vidhi vyavastha mein varnit nyaayik anutosh, fraanseesi paddhati ki jaanch vyavasthaaen tatha skaindineviyn deshon mein prachalit anbudsamaan bhi shaamil rahe hain.

inmein anbudsamaan naamak sanstha ne prashaasan ke prahari bane rahane mein antarraashtreeya safalta praapt ki hai. sveedan ko is baat ka shreya hai. vahaan varsh 1713 mein King chaalrs baarahavein ne apne ek sabhaasad ko un adhikaariyon ko dandit karne ke liye niyukt kiya jo kaanoon ka ullanghan karte the. sveedan mein naya samvidhaan banane par samvidhaan sabha ke sadasyon ne jid ki ki unka hi ek adhikaari jaanch ka kaarya karega. vah sarkaari adhikaari naheen ho sakta. tab 1809 mein sveedan ke samvidhaan mein anbudsamaan ki vyavastha hui jo adaalaton aur lokasevakon dvaara kaanoonon tatha viniymon ke ullanghan ke prakaran ki jaanch karega.

itihaas

bhrashtaachaar raashtra ka kodh hai. bhrashtaachaar prashaasan ki ek pramukh samasya ban gaya hai. bhrashtaachaar ko mitaane aur door karne ke liye vibhinn deshon mein samay-samay par anek kadam uthaaye gaye hai. sveedan mein sarvapratham 1809 mein samvidhaan ke antargat 'ombudsamain' ki sthaapana ki gayi. Bhaarat mein aambudsamain ko Lokpal ke naam se jaana jaata hai. finlaind mein 1918mein, Denmark mein 1954mein, naarve mein 1961 mein va Britain mein 1967mein ombudsamain (Lokpal) ki sthaapana bhrashtaachaar samaapt karne ke liye ki gayi. vibhinn deshon mein ombuds ko vibhinn naamon se jaana jaata hai. ingalaind mein ise sansadeeya aayukt, seviyt sangh mein 'vakta' athva prosikyutar va Denmark env nyujeelaind mein ingalaind ki tarah sansadeeya aayukt ke naam se jaante hai evam Bhaarat mein ise Lokpal ke naam se jaana jaata hai.

san 1967 ke madhya tak ombudsamain (Lokpal) sanstha 12 deshon meinfail gayi thi. Bhaarat mein bhaarateeya prashaasanik sudhaar aayog ne prashaasan ke viroodv naagariko ki shikaayato ko sunane env prashaasakeeya bhrashtaachaar rokane ke liye sarvapratham Lokpal sanstha ki sthaapana ka vichaar rakha tha jise sveekaar nahi kiya gaya. Bhaarat mein san 1971 mein Lokpal vidheyak prastut kiya gaya jo paaainchavi Loksabha ke bhang ho jaane se paarit na ho saka. Rajiv gaaaindhi ke pradhaanamantri banane ke baad Lokpal vidheyak 26 agasta1985 ko sansad mein prastut kiya gaya aur 30 August 1985 ko sansad mein is vidheyak ke praaroop ko punarvichaar ke liye sanyukt pravar samiti ko saunp diya, jo paarit na ho saka.

vartamaan mein samaajasevi anna hajaare Lokpal vil laane ke liye deshvaasiyon ko prarit kar rahe hai evam raajaneetijnyaon se mil rahe hai lekin anna hajaare va Kapil sibbal ke beech aam sahamati na ban paane ke kaaran yeh vidheyak charchaan ke ghere mein hai. prashan yeh hai ki Bhaarat mein Lokpal vidheyak ke daayare mein raashtapati, uparaashtapati, pradhaanamantri, kendriya mantreeyo, sheersh nyaayapaalika va Loksabha adhyaksh aadi ko rakha jaae. iske liye hamein vibhinn deshon mein vidhmaan ombudsamain (Lokpal) ke daayare mein aane vaale mantreeyo, lokasevakon va nyaayapaalika ke sandarbh ki paristhityon ka adhyayan karke bhaarateeya samvidhaan ka aadar karte hue, bhaarateeya paristhityon ke anukool Lokpal ke daayare mein lokasevako va mantreeyo aadi ko rakha jaae.

videshon mein praapt Lokpal ke kaaryakshetr mein aane vaale adhikaariyon, mantriyon aadi ke baare mein gyaan praapt karke Bhaarat mein bhrashtaachaar unmoolan ke liye vibhinn adhikaariyon ko iske daayare mein laana chaahiye. sveedan ke Lokpal ke jaanch ke daayare mein asainik prashaasakeeya karmachaariyon ke alaava nyaayaadheeshon tatha paadariyon ko bhi rakha gaya hai kintu mantreegan unke kshetraadhikaar se baahar hote hai taaki sansadeeya uttaradaayitv vibhaajit na ho jaae. Denmark mein Lokpal mantriyon tatha lok karmachaariyon ki to jaanch kar sakta hai parantu nyaayaadheeshon ke kaarya aur vyavahaar par tippadi naheen kar sakta. nyoojeelaind mein Lokpal ko mantri par pratyaksh niyntran rakhane ka adhikaar naheen hai. videshi sambandh, antardesheeya raajasv aur pradhaanamantreeya vibhaag bhi uske kshetr ke baahar hai. jabki Britain mein Lokpal ki jaanch ke daayare mein sabhi mantraalaya, vibhaag, civil seva aayog, kendreeya soochana kaaryaalaya aadi aate hain. videsh sambandh, suraksha, karmachaari prashaasan, police kriya, nigam, sarkaari theke aadi ko Lokpal ki jaanch ke daayare se baahar rakha gaya hai.

inhein bhi dekhiye

  • lokaayukt

baahari kadiyaaain