Lakshman

Ram aur Lakshman (daayein)

Lakshman raamaayan ke ek aadarsh paatr hain. inko sheshanaag ka avataar maana jaata hai.raamaayan ke anusaar, raaja dasharath ke teesare putr the, unki maata sumitra thi. ve Ram ke bhaai the, in dono bhaaiyo me apaar prem tha. unhone Ram-seeta ke saath 14 varsho ka vanavaas kiya. mandiro me aksar hi Ram-seeta ke saath unki bhi pooja hoti hai. unke anya bhaai bharat aur shatrughn the |

anukram

aadarsh bhaai

Lakshman ek aadarsh anuj hain. Ram ko pita ne vanavaas diya kintu Lakshman Ram ke saath svechha se van gaman karte hain - jyeshthaanuvruti, sneh tatha dharmabhaav ke kaaran. Ram ke saath unki patni seeta ke hone se unhein aamod-pramod ke saadhan praapt hai kintu Lakshman ne samast aamodon ka tyaag kar ke keval sevaabhaav ko hi apnaaya. vaastav mein Lakshman ka vanavaas Ram ke vanavaas se bhi adhik mahaan hai.

bhaai ke liye balidaan ki bhaavana ka aadarsh

vaalmeeki raamaayan ke anusaar raakshas kabandh se yuddh ke avsar par Lakshman Ram se kehte hain, "he Ram! is kabandh raakshas ka vadh karne ke liye aap meri bali de deejiye. meri bali ke falasvaroop aap seeta tatha ayodhya ke raajya ko praapt karne ke pashchaat aap mujhe smaran karne ki krupa banaaye rakhana."

sadaachaar ka aadarsh

seeta ki khoj karte samay jab maarg mein seeta ke aabhooshan milte hain to Ram Lakshman se poochhate hain "he Lakshman! kya tum in aabhooshanon ko pahachaanate ho?" Lakshman ne uttar me kaha "main na to baahon mein bandhane vaale keyoor ko pahachaanata hooain aur na hi kaanon ke kundal ko. main to pratidin maata seeta ke charan sparsh karta tha. at: unke pairon ke noopur ko avashya hi pahachaanata hooain." seeta ke pairon ke siva kisi anya ang par drushti na daalne sadaachaar ka aadarsh hai.

vairaagya ki moorti

bade bhaai ke liye chaudah varshon tak patni se alag rahana vairaagya ka aadarsh udaaharan hai.

Lakshman ke putr

Lakshman ke angad tatha chandraketu naamak do putr huye jinhonne kramash: angadeeya puri tatha chandrakaanta puri ki sthaapana ki.